هنتكلم النهارده عن احد الامراض الجلدية الشائعة والمهمه وهو حب الشباب وده بيصيب نسبة كبيرة من الذكور والاناث فى سن المراهقة وقد يمتد لأبعد من ذلك بمعني ان ممكن يصل لسن 40-50, مرض حب الشباب بيعتبر هو مرض الشباب ولكن قد لا يصيب ناس كتير من الشباب.

بيحصل حب شباب نتيجة التهاب فى الغدد الدهنية الي هي موجوده اصلا عند كل الناس ولكن ولكن فيه بعض الناس بعد سن البلوغ نتيجة تأثير الهرمونات الذكرية والانثوية قد يؤدي لظهور حب الشباب.

نوع خفيف ( زوان ) - نوع شديد ( متحوصل ) والشديد هو الي ممكن يسيب آثر غير مرغوب وخصوصاً عند الاناث وده مهم جداً معالجتة.

النوع الخفيف : تبدأ بغسيل الوجه بأحد المحاليل والمواد المخصصة لتخفيف نسبة الدهنيات فى الغدد الدهنية الي بتعمل حب الشباب, احياناً يلزم استخدام بعض الكريمات وكذلك بعض المضادات الحيوية واغلب المضادات الحيوية بتؤخذ عن طريق الفم.

النوع الشديد : اما حب الشباب الي كل الناس بتخاف منه ( المتحوصل ) هذا المرض قد يلزمة علاج الايزوترتينوين والرواكوتان وهذا العلاج يعطي لكمية محدوده ولمدة محدوده تحت اشراف طبى لانه له آثار جانبية ولا ينصح ان يطعى نهائياً للسيدات المتزوجات فى فترة الحمل لانه بيعمل تشوهات خلقية للجنين وكذلك بعض الناس الى عندهم الدهنيات عالية لازم نعملهم تحاليل للكبد والدهنيات عشان مايكونش ليه آثر جانبى عليهم.

المشاكل الي بأيدين الشباب والشابات انه مايلعبش فى الحبوب لان كتير من حب الشباب قد يشفى بدون علاج اما إذا تم العبث واللعب فى هذا الحب بيؤدي الي ظهور ندب وبثور على سطح البشرة وقد يصعب ملاحقتها لاحقاً, إن أردت المزيد من هذه المشاكل اقرأ فى موضوعنا السابق من هنا

اولا : اول حاجه هنركز عليها ان لازم نعمل تدليك للاصبع قبل الفحص عشان اساعد الدم يخرج بشكل اسرع عند اجراء الوخز بالابره .

ثانيا : لازم نقوم بتعقيم اليدان بالماء والصابون او استخدام الكحل بمعني اننا نمسح الاصبع بالكحل بعدها لازم نسيبه لحد ما يجف لإن لم تتم عملية التجفيف ممكن يؤدي الي غلط بالفحص فلازم نركز علي الموضوع ده .

اول حاجه لازم نمسك قلم الابره الي هنعمل بيه الفحص فبضغط عليه وبسيبه شوية علي جمب بعدين نمسك الشريحة الى ليها طرفين اول طرف الى بيدخل فى الجهاز بعد ما ندخله نسيب الجهاز شوية بعدين نبدأ بعملية تعقيم الاصبع بالكحل ونسيب الاصبع زي ما قلنا وبعد ما يجف نمسك القلم ونضع الابره فى الاصبع ويفضل من اطراف السبابه بمعني ان لا من الوسط ولا من اعلى الاصبع, بعدين نضغط علي الابره تجاه طرف من السبابه ونضغط ضغطه بسيطة عشان نساعد الدم انه يخرج بعدين نمسك الجهاز ومن الطرف الاخر من الشريحة الى داخل الجهاز نسحب قطرة دم بعدين نستني شوية تطلع نتيجة الفحص, لازم نسجل اي قراءة يقلهالنا الجهاز عشان لما نرجع للدكتور المتخصص يشوف ازاي كان الوضع خلال فحصنا للسكر, وبكدا نكون اتممنا موضوعنا عن قياس السكر الطبيعي. منتظر اسئلتكم واستفساراتكم بكل الترحيب

هنتكلم النهارده عن الطرق الصحيحة لتناول الادوية فيه طرق كتير بيقلهالنا الطبيب او الصيدلاني بإعطاء للمريض عند صرف الادوية بيكون طبعاً محدد ان كان بعد او قبل الاكل وهل هي بعد الاكل بـ قد ايه او قبل الاكل بـ قد ايه ونحرص جداً على اخذ الدواء فى نص الاكل لإن ليه مخاطر في بعض العلاج.

الطريقة الاولي : ناخد الدواء علي معدة فارغة او قبل الاكل بمعني ان لازم ناخد الادوية قبل الاكل بـ 30 دقيقة لان الاكل سيؤثر علي امتصاص وتأثير وفعالية الادوية.

الطريقة التانية : ناخد الدواء بعد الاكل بمعني اننا ناخد الادوية بعد الاكل بفترة تتراوح من 5 لـ 10 دقائق لان بعض الادوية بتقوم بإضرار جدار المعده وبذلك الاطعمة ستحمي جدار المعده من هذه الادوية.

فى الفترة الآخيرة زادت انواع العسل النحل المغشوش والنهارده جبتلكم ابسط طريقة لكشف العسل المغشوش وهي طريقة سهلة جداً لكن قليل الي يعرفها والله لحد دلوقتى انا ماعنديش علم ليه الغش فى العسل هل عشان يزودو مبيعاتهم فبياخدو جزء عسل طبيعى والباقي اضافات اخري ولا عشان ايه لكن على اي حال.

ناخد عينه من العسل ونحطها فى طبق بيضاوى مثلا ونحط عليه مياه شرب ونبدأ بتحريك الطبق يمين وشمال بسرعة وبشكل دائري إن داب العسل نعرف ان ده مغشوش وطبعاً داب بمعنى انه يدوب زي السكر فى الميه وبيتبقى اللون, اما ان كون خليه مكانه نتأكد ان العسل اصلى فعلاً الاهم ان الخليه نفسها تكون موجوده ومتماسكه فى مكانها.

حصى الكلى هى جسم صلب يتواجد فى الكليتين وبيكون حجمه صغير لا يرى بالعين الا بالمجهر وقطرها حوالى 4 سم وبتتكون بشكل رئيسى عند الرجلين ودي بتسبب الم شديد عند التبول وتتكون معظم حصى الكلى من املاح الكالسيوم وطبعاً ليها اشكال مختلفه, وفيه حالات كتير الأطباء ماقدروش يحددو سبب تشكل الحصوات وبعض الناس بتكون عندهم قابليه لتكون الحصوات القلوية وده لإنهم يمتصون كمية من الكالسيوم عن طريق الاكل, وبيظهر الكالسيوم الوائد في البول لكن ممكن تتبلور بعض من الكالسيوم قبل ما يخرج من الجسم فيشكل الحصوات, وتمر معظم حصوات الكلى عبر البول الى خارج الجسم, ولما تنحشر الحصى لاقدر الله بيروح للدكتور عشان يخرجها من المكان الموجوده فيه, وفيه بعض الاطباء بيستخدموا الليزر او جهاز طبي يسمى مفتت الحصى لمعالجتها, وبتتكون حصى الكلى من المعادن واملاح حمضيه واسباب ظهورها كتير لكن السيناريو الشائع لتكون الحصى "لما بيرتفع تركيز المعادن والاملاح فى سائل البول وبكدا بيدى فرصه لتكون بلورات الموجوده عادتاً فى سائل البول, كمان فيه مشكله لو حصل التصاق للبلورات دى هتبدأ تكون نوات الحصى, فإختلال التوازن فى مكونات البول يؤدى لعدم زوبان المواد القابله للتحول الى بلورات مثل الكالسيوم وحمض اليوريك ومادة اوكساليت, كمان بيؤدى لعدم توافر المواد الى بتمنع التصاق البلورات وبالتالى هيتم تكوين حصوات الكلى, معظم الآراء بتجمع على ان الوراثه قد تكون من اهم الاسباب, كمان الموقع الجغرافى ( الاماكن الحاره ) قد تخلق الجفاف وبكدا يصبح البول اكتر تركيز فبيسمح للمواد الكيمياوية بالتقارب.

الاول هنبدأ نفتت الحصى ودى لما بتكون داخل الجسم بتكون ناشفه جداً ولكن فى بعض الصخور لما نيجى نعمل تجارب بنحط مواد سائله للصخور عشان نفتتها واحنا هنا برده هناخد حجات معينه عشان نبدأ نفتت الحصوات.

خلطة شوربة الجرجير بالبطاطس : نجيب 4 معالق زيت دره + 2 بصله مفرومه كبيره + 4 حبات بطاطس ونهرسهم + 4 حزم جرجير + كوب لبن + ملح + فلفل + حبهان + نصف راس توم + ثمرة فلفل رومي + 2 لتر ميه معدنيه ونضرب كل الخلطات دى فى الخلاط لمدة نص ساعه لكن قبل ما نبدأ نخلطهم بنضيف عليهم مغلى جذور شجرة المحلب كتفسير ادق زي ما بنجيب بصله بيكون فيها شواشى والشواشى دى بقى الجذور كذلك شجرة المحلب برده ليها جذور وبنبدأ ناخد منها معلقه ونحطها فى شاشه ونربطها كويس وبنسيبها فى الحله تغلى نص ساعه وبعد ما تطلع نحطها على الخلطه دى ونبدأ نطحنهم فى الخلاط ونشربها شوربة عادية جداً.

ملحوظة :الخلطة ممكن نجيبها من عند العطار فيه بعض العطارين بيكون عندهم المكونات دى واحب اذكركم ان نسبة الشفاء بفضل خلطة شوربة الجرجير بالبطاطس عاليه جداً وفعاله جداً جداً واحنا هناخد الخلطه مره كل يوم. سعيد بأسئلتكم واستفساراتكم

النهارده هنتكلم عن موضوع الضغوط النفسية يارب يبعدنا ويبعدكم عنها لإن احياناً الضغوط النفسية متخليناش نحس بطعم اي حاجة حلوة وتخليك مخنوق وتعبان ومش مبسوط, مش حاسس طعم الفرحة وفي الاحزان متكتف ومربوط, الآن متوتر ودايماً مضغوط زادت مشاكلك وبهمومك دايماً مكبوت, عايش في الدنيا لكن جواك بتموت, حيران وتايه ورافض السكوت, بتتكلم وبتشكي لكن وصفك لشعورك مش مظبوط, تتعصب وتثور وفنفس الوقت مستسلم فحياتك لأي ضغوط.

جايز تكون حياتنا ماشية بننام وبنصحي وبنشتغل وبنخرج ونتفسح ونقابل قرايبنا واصحابنا وبنعمل كل حاجه ولكن فيه حاجه ناقصه مش عارفين ايه هي, ممكن نكون بنعمل كل حاجه بس بتوتر وقلق وضغوط نفسية ونقول اصلنا مضغوطين نفسياً, الضغوط النفسية ازاي نخرج منها عشان نستمتع بطعم اي حاجة حلوة فحياتنا هو ده موضوعنا النهارده.

هو الفكره زي ما قلنا ان انا مابقتش مستمتع في الطب النفسي كلمه شهيرة جداً اسمها انهيدونيا ومعناها بالعربي زي الانجليزي وهي بالمعني الحقيقي فقدان الاستمتاع بما كنت تستمتع بيه في الماضي  بمعني ان بتخرج ؟؟ اه بخرج لكن مش مبسوط زي الاول, بتاكل اكله كويسة ؟؟ اه بس مش زي الآول, اشهر سبب لعدم الاستمتاع كما كنت من قبل هو وجود كرب والكروب النفسية والكروب الاجتماعية هم اشهر سبب فقدان الاستمتاع, ممكن يكون الواحد مايبقاش فاهم ان ده كرب يعني ممكن جداً تكون عايش حياة فيها كروب نفسية او ضغوط نفسية كتيرة جداً من غير ما تاخد بالك, والفكرة ان بيتم استنزاف الشخص تدريجياً ودي خطورتها.

ضغوط حاده : وكمثال ان مثلاً حد لاقدر الله ماتله, سقط في الامتحان, خسر فلوسة, اطلق, بمعني ان حصلت حادثه أثرت عليه, وطبعاً بعد الكارثة دي الانسان بيقعد تعبان شوية حسب قدرتة علي التعامل مع الضغوط بعد كده الدنيا بتمشي كويس.

ضغوط المستمرة : ودي الآخطر من الضغوط النفسية الحاده كمثال انت موظف في شركة ومديرك مش لطيف فبتشتغل مع حد انت مش حابه اوي بس ده كل يوم فده بيستنزفك كل يوم فبتكون جي مضايق, او كمثال آخر متجوزه واحد مش لطيف او عندك ابن مزعج, والانواع دي مش بتعمل كارثه لكن بالمعنى العام مش مريحك ولكن الضغوط المستمرة تأثيرها سئ جداً علي الانسان.

هناخدها كمثال بسيط جداً, جرب تجيب ضفدغه وتحطها في ميه سخنه جداً هتلاقي الضفدعه نطت من الميه بسرعه اما لو حطيناها في ميه عاديه وبدأنا نسخنها بالراحه خالص هنلاقي ان الضفدعه بتموت من غير ما تاخد بالها, وهي نفس الفكره لما الانسان بيتعرض لكرب حاد جداً بيتفاعل وبيبدأ ياخد حظرة وياخد باله ويعيط علي الي مات ده وبعدين يبدأ علي قدر المستطاع الخروج من هذه الأزمه, لكن لما يكون الكرب مزمن وانا مش واخد بالي انه بيأثر فيا بالظبط زي نقطة الميه لما بتنزل علي الورقة نقطه ثم نقطه في الاول عادي جداً لغاية ما تدوبها خالص, فالكروب المزمنه بتأثر سلباً جداً علي مناعة الانسان وبالتالي وجود كرب مزمن بيجلب امراض جسديه وعضويه كتيره جداً, يعني الناس الي بيجيلها ضغط وسكر وكانسر ( سرطان ) كل دي ناس محطوطه تحت كرب مزمن, انا لو عندي استعداد لمرض السكر بيجيلي مرض السكر حتي لو لم اتعرض لاي كروب نفسية في حياتي, فأي حد عرضه لأي من هذه الاشياء بيبدأ يكون عصبي مخنوق مش قادر يعني قبل كدا كنت عادي مفيش داعي للعصبيه لكن دلوقتي بقيت عصبي جداً في الشارع, بتخانق مع اي حد بيكسر عليا, مابقتش متحمله الولاد, مابقتش متحمله زمايلى, اصبح رد فعلي مبالغ فيه, مع العلم ان انا ببقى عارف ان الموضوع مش مستاهل, والفكره ان انا ببقي عامل زي الاستك الي اشتد علي الآخر, والي عنده قلق برده بيبقي عنده انتيسيبيشن بمعني سئ الظن في الي جي بمعنى ان تفكيري مترواح بين الشغل هيبوظ, فلوسي هتخلص, دايماً في حالة قلق وتوتر حتي لو ماكنش فيه مؤشر لده, عشان مانخرجش من موضوعنا عدم التعامل مع الكروب النفسية المزمنه كارثه صحيه وكارثه نفسيه.

الواحد كل شوية لازم يراجع نفسه ويسأل نفسه هو انا اخباري ايه ؟؟ هم الناس الي حوليا دول اخبارهم ايه ؟؟ مين فيهم كويس ؟؟ مين فيهم وحش ؟؟ مين فيهم مضايقني ؟؟ مين فيهم بيستفزنى ؟؟ مين فيهم وجوده فحياتي مضر ؟؟ طيب لو واحده مش مستمتعه في حياتها مع جوزها هل تتطلق ؟؟ لا طبعاً لازم نشوف الخلاف ده جي منين هل الضغط ده جي من اختلاف طباع ؟؟ هل الضغط ده هي مسؤله عنه ؟؟ لازم نعرف ان اي علاقة فاشله مسؤل عنها الاتنين ومش شرط يكون بين زوج وزوجه ممكن بين اتنين اصحاب بين اتنين اخوات وبالتالي هل هي عملت الي عليها في العلاقة دي ولا لأ ولو عملته طب هي عملته بالطريقة الصحيحه ولا لأ, ممكن لو عاملتني بأدب هعاملك بأدب, وممكن لو عاملتني بأدب اعاملك بقلة ادب القصد انه بيكون حسب الشخص, بمعني ان فيه شخصيات لما بتديلها مساحه من حياتك بتحتلك, وفيه شخصيات لما تديلها مساحه بتحترمك, فالفكره اني اقدر افهم الشخص الي قدامي اتعامل معاه ازاي فلو فيه مشكله مع زوجتي او والدي او امي او صاحب او اخ لازم اقعد مع نفسي واشوف المشكله فين هل المشكله فيه ولا فيا ولا في طريقة التعامل, هل محتاج اننا اغير الاستراتيجيه عشان خاطر الراجل ده ماينفعش اتكلم معاه بعنف ولازم اتكلم معاه بهدوء او العكس الراجل ده لازم اتكلم معاه بمنتهي الحزم عشان اقدر ارسم الخط, الفكره ان انا لما بلاقي نمط حياتي بيسبب اذي لازم اغير نمط حياتي مش لازم اغير نمط حياتي ان انا ارمي الناس من الشباك, مش لازم ان انا اهد البيت لا خالص لكن ممكن يكون فيه اساليب بسيطه تخلي الدنيا ألطف, فترتيب اولويات الانسان مهمه جداً بمعني ان فلانه لو قررت ان فلانه مهمه دي هتخليها من اولويات حياتها وهنراجع تاني علي موضوع الداي ايند ( day end ) مش ويك ايند الي اتكلمنا فيه في مواضيع سابقة بمعني ان فلانه عندها جوزها و5 اولاد ومسئولية بيت لكن عندها نفسها كمان ( فلانه ) فامفيش مانع ان من ضمن الـ 24 ساعه تبقي منهم ساعه واحده بتاعتها هي ساعه تعمل فيها الي هي عوزاه ومفيش شئ اسمه مفيش وقت لنفسي, لو قررت ان انت وجودك مع نفسك لمدة ساعة في نفس اهمية وجودك مع ابنك الي بيذاكر ولا ابنك الي عاوز ياكل, فهي علي حسب نسبة الاهمية بالنسبالك يعني انا لو حطيت اهمية الرياضة زي اهمية شغلك هلعب رياضة ويقلك مفيش وقت للرياضة لا انت مش حاتط اهمية, وعلي فكره محدش مجبر ابداً انه يعمل حاجه يعني مفيش حاجه اسمها مش هينفع افرح عشان خاطر العيال او اخرج او ارقص, هو فلان الميزه الوحيده الي فيه ان صوته حلو خلاص نخلي فلان يغني طول ما هو ماشي.

يارب تكونوا استفدتم ومستني آرائكم واستفساراتكم.

احياناً يبقي الجسم متناسق ومفيهوش دهون بس بيبقي فيه مشكله في موضوع البطن وكبر حجمها,والنوع الي هنتكلم عنه هو الي عنده او عندها كبر في حجم البطن من فترة مثلاً من شهر لـ 3 شهور )

الصبح نشرب كباية ميه دافيه مع نص ليمونه وممكن نمنع الليمون ان كان فيه مشاكل في المعده, ومابين الفطار والغدا والغدا والعشا يعني بمعدل مرتين في اليوم هناخد جنزبيل علي شاي اخضر وده لإن الجنزبيل بيحفز جهاز المناعه وله فضل في حجات كتير زي خشونة المفاصل وبيزود مستوي حرق الدهون وبيشيل السموم الموجوده تحت الجلد وبكده هينقي البشرة.

الصبح نفطر عادي جداً ونشرب 4 كوب ميه دافيه ونكمل البرنامج عادي جداً الي هو شرب كوبايتين يومياً من الجنزبيل علي الشاي الاخضر بين الفطار والغدا والغدا والعشا.

فعلاً السمنة وزيادة الوزن للاطفال ده شئ مزعج جداً وكتير من الامهات والابهات بيغلطوا في التعامل مع ولادهم الي عندهم سمنة زائدة, فيه فهم غلط للموضوع هو السؤال ليه الطفل وزنه زاد ؟؟ وازاي نعامله لما يكون وزنة زايد ؟؟ هل نلومه ؟؟ هل نقله ليل ونهار يا تخين او نتريق عليه ؟؟ او نقعد نأنب فيه ؟؟ وخصوصاً لو الام كانت هي كمان وزنها زياده او الاب, ولإن الطفل بيفكر تفكير عميق جداً في الموضوع رغم انه مابيبانش عليه ودايماً له مبدأ هذا ليس ما جنيته ولكن هذا ما جناه ابي وامي علي, لازم نفهم ازاي نتعامل مع ولادنا الي عندهم مشكلة او مرض اسمة السمنة الزائدة.

فيه اطفال عندهم نهم في الاكل وسمنة الاطفال من المشاكل الضخمه جداً لإن الخلايا الدهنيه بعد سن البلوغ عددها بيثبت مع العلم ان ممكن تملاها براحتك لكن الطفل الي بيبدأ حياته بسمنه مفرطه هيكمل كشاب عنده سمنه مفرطه وممكن يصل مشاكل السمنة العديده, غير لما يكون شاب عنده سمنة بدأت في سن 30 سنه مثلاً لكن كتير من الاطفال عندهم سمنه وبيعانوا منها ومن مشاكلها وهم عندهم 7 سنين ولازم يبدأ العلاج في الوقت ده.

حجات كتير اوي تدينا اسباب غير الاكلات غير الحلويات والنشويات ويحب ياكل كل حاجه طب ايه الباقي ؟؟

- كتير من الاطفال دلوقتي بيعانوا من ضعف الغده الدرقيه, طبعاً حاجه مش معقوله ولكن بتحصل وممكن كمان يكون مولود كده والادهي ان يكون الوالدين عندهم قصور احياناً, طيب ازاي نعرف ان الطفل عنده غده درقيه ؟؟ اولاً غير انه سمين بيكون تركيزه قليل, شعره مش جيد, لسانه كبير, بطنه كبيره, عنده امساك مستمر, عنده انتفاخات في العين, عنده تورم في الرقبه احياناً لإن ممكن تكون الغده الدرقيه كبيره, فيه برده مشاكل اخري ولكن هدف المنشور عرض خطورة السمنة عند الاطفال.

علاج الغده الدرقيه سهل جداً ويبدأ ياخد السايروكسين او التروكسين ولكن هياخده مدي الحياه وخصوصاً لو الغده الدرقيه اصلاً مش موجوده لإنها ممكن تكون غائبه او صغرت او حصل فيها مرض لاقدر الله طبعاً كل ده بعد ما يتعرض علي دكتور متخصص عشان يقدر يحدد ايه المشكله الي بيواجهها تسببت في حدوث السمنة.

اكيد كلنا سمعنا عن اضرار التدخين بس خلينا نفتكر ايه هي اهم الاضرار ( السرطان - امراض الجهاز التنفسي - امراض القلب وتصلب الشرايين ) والملفت للإنتباه ان فيه دراسات امريكيه قالت ان من بين كل 5 حالات فيه حالة وفاه بسبب التدخين وان 8.6 شخص يصابو بامراض القلب والرئه بيكون سببها التدخين.

ما العلاقه بين التدخين وتحسين المزاج :

كتير من الشباب بتقول انهم بيحسو براحه ومزاج افضل بعد ما يشرب السيجاره والكلام ده صحيح الي حد ما لإن النيكوتين بيروح لمراكز الاحساس في الرأس الي بتكون مسؤله عن النشوه وبيحس ان مزاجه افضل لكن بمجرد ان ينتهي النيكوتين بيحس بصداع وتعب وارق وهنا بتكون المشكله لإن بكدا بيحتاج سيجاره ورا سيجاره عشان يرجع يحس بنفس التأثير الي كان فيه, توتر المزاج والاكتئاب من اهم اعراض انسحاب النيكوتين من جسم المدخن عشان كده فين اغذيه معينه بتحسن المزاج اكتر.

ودي زي الاغذيه الغنيه بالاوميجا تري زي ( السلمون - السردين - التونه - بذور الكتان - المكسرات النيه ) كمان الاغذيه الغنيه بالسيلينيوم زي ( الفطر او عيش الغراب - البصل ) وفيه بالنسبه للإغذيه الغنيه بفيتامين B زي ( الزبادي والالبان ) وكمان فيه دراسات اتعملت علي الشيكولاته بتقول ان مضادات الاكسده الموجوده فيها بتقلل هرمونات الاستريز زي الكورتيزول ودي عوامل بتحسن المزاج اكتر.

اهم الاعراض الارق والتعب والصداع وبتزيد للي بيستمر في التدخين لكن الخبر الحلو ان خلال اسابيع قليله بيختفي الشعور ده ممكن وقتها يبطل التدخين ومفيش اي مشكلة.

التقليل من اعراض الانسحاب عن طريق ( ممارسة الالعاب الرياضيه - التغذيه المتوازنه والي بتكون قليلة السعرات الحراريه - تجنب الكافيين بيساعد كتير - شرب الماء ) وفيه دراسات قالت ان اذا حس المدخن بإلحاح انه محتاج للسيجاره بياخد انفاس عميقه وشرب الميه بتساعد كتير جداً في التقليل من هذا الشعور.

فيه حجات كتير بتكون بدائل للنيكوتين من بينها علكة النيكوتين او لبان النيكوتين او اللاصقه ودي محدش بيفضلها لإنها ممكن تؤدي الي حساسيه في الجلد, فالجميع يفضل العلكه لإنها بتوصل جرعه قليله من النيكوتين الي الدم وكمان مش بتوصل المواد السامه للدم الي موجوده في السيجاره وعشان كده احنا بنفضل العلكه ونمضغها من 3 لـ 4 مرات في البدايه لحد ما يحس بالطعم اللاذع وده بيدل ان النيكوتين طلع من العلكه ويخليها لمدة نص ساعه وبعدين يرميها.

الإحصائيات بتقول ان 80% من المدخنين بيزيدو من 5 لـ 6 كيلو بعد اول سنه من التخلص من التدخين وده بيكون لسببين.

انخفاض نسبة النيكوتين : وده لإن النيكوتين له دور في عملية الايض وكمان بيلعب دور في تظبيط الشهيه عن طريق هرمون الليبتين وعشان كده الشخص بيحس بشهيه اكتر.

توتر وتعكير المزاج : وبيلجأ الشخص لتناول الاطعمه والحلويات السكريه والأطعمه الغنيه بالدهون وعشان كده بيزيد وزن تارك التدخين.

النقطه الاولي : لازم نفرق بين الشعور الناتج من زيادة الشهيه نتيجة انسحاب النيكوتين والجوع الحقيقي وعشان كده اول ما يجيلنا الشعور ده نشرب 2 كوب من الميه وناكل خضار وفواكه مقطعه لإن خصوصاً الفواكه مهمه لإن الشخص بيكون عنده نقص فيتامين C فممكن يلجأ للفواكه اكتر وكمان ممكن نعود نفسنا علي القرفه والعلكه الخاليه من السكر ( وده بعد التدخين مش قبل ) ناخدها بعد شعورنا بالتدخين.

النقطه التانيه : عادتاً الاوقات الي بيجينا شعور بالتدخين ممكن ناكل اشياء صحيه زي ( المكسرات النيه - الخضروات - الفواكه ) لإنها بتقلل جداً من الرغبه دي.

النقطه التالته : برغم التذوق عند المدخن طبعاً بتكون إتأثرت نتيجة التدخين وعشان كده لازم نكتر من البهرات والأعشاب العطريه في الاكل.

النهارده هنتكلم عن شوية نصائح للعيد وزي ما اتعودنا في شهر رمضان المبارك علي نمط غذائي معين واكل ثمين بيكون طبعاً متغير عن شهر رمضان عشان كده بتحصل مشاكل هضم لكتير من الناس.

مشكلة حرقة المعده : ودي بتيجي نتيجة تغير في العادات الغذائية وان الشخص بيكون متعود علي الاغذيه الدهنيه زي الشيكولاته والناس بتاكلها كتير في ايام العيد وفيه برده الوجبات الدسمه والكافيين ودي من اهم مسببات حرقة المعده زي المشروبات الغازيه والقهوه والشاي..الخ.

المغص : ودي بترجع لنفس المشكله نتيجة اضطراب الهضم ممكن يكون نتيجة اضطراب القولون وده بيصيب كتير من الناس وناس كتير بتسأل بيزيد كتير في العيد ليه ؟؟ وده نتيجة اكل البقوليات والاكلات الدسمه وبرده هتزيد من مشاكل اضطرابات المعده وكمان عندنا القهوه ياريت مانشربش منها كتير لان ممكن تضايق اكتر.

ودي لان الشخص بيكون اتعود علي كميات كبيره من الالياف في شهر رمضان زي الخضار والسلطه لكن بعد رمضان خلاص بيوقفه فبيحصل عنده نقص في الالياف نتيجة نقص تناول الخضار والفاكهه وبيبعد عن الاكلات الصحيه ويلجأ للاكلات الدهنيه والوجبات السريعه ودي مشكله كبيره, لا احنا نحاول نخلي غذائنا متوازن وصحي عشان ماتحصلش مشاكل معانا ومن هنا نعرف ازاي نهيأ جهازنا الهضمي.

دي مشكلة كبيره ونعالجها بإننا ناخد 3 تمرات الصبح وناكل وجبة فطار تكون خفيفه وياريت ماننساش الميه والخضار والفواكه.

عدم تناول الوجبات بشكل منتظم : ودي لازم نعود نفسنا عليها وناخد الفطار في معاد الفطار والغداء في معاد الغداء وهكذا.

الحلويات : سبب عدم تناول الوجبات بشكل منتظم اول حاجه بيلجؤلها الحلويات ودي بيكون فيها نسبة سعرات حراريه عاليه فمثلاً قطعة الكحك فيها 200 سعره حراريه يعنى بمعدل 4 تفاحات برده الشيكولاته 30 جرام الي بتكون حجم متوسط فيها 150 سعره حراريه يعني حاجه مش قليله فنحاول ناخد الحجات دي بإنتظام ونكتر من الخضروات والفواكه ونخلي وجباتنا منتظمه.

نحاول نتجنب الاطعمه المقليه والدهنيه ونركز علي الخضار والفاكهه ونحاول نكتر من شرب الميه ونبتعد عن المشروبات الغنيه بالكافيين زي البيبسي والقهوه.

موضوعنا النهارده مختلف شويه لانه مش للنساء بس لا كمان للي عاوزه تزود او تبين المناطق الانثويه, فيه بعض الستات بيعانو من مشكلة انها تكون مابتتخنش من فوق ومليانه من تحت او ان الجسم مايكونش مظبوط بالمقاييس او ناس تقول انا بتخن من تحت اكتر من فوق, المهم بيكون عندهم توزيع الخلايا تحت اكتر من فوق فالمطلوب هنا انها تملا التداوير.

( الحلبه - النعناع - المراميه - الينسون - البردقوش - الكراويه ) والوصفه دي تتخلط مع بعضها ونشربها مرتين في اليوم, هناخد برده زيت زهرة الربيع الي هو زيت البرايم روز وده عباره عن كبسولات موجوده في الصيدليات واصله أثر نباتي وده بيزود من التداوير الانثويه كويس جداً.

ناخد فول صويا وكبسولات الصويا وزيت البرايم روز ونشرب المشروب الي قلنا عليه ونشرب ينسون كتير دي العوامل الي بتزود التداوير الانثويه.

موضوعنا النهارده عن وصفه لتدوير الوجه وتدينا صحه كويسه لكن ماحدش يوجعلي قلبي ويستخدم الوصفه دي اكتر من 4 شهور لإن انا قلبي بيوجعني لما بنصح حد يتخن ويدخل في مشاكل تانيه اهم شئ اخرنا في الوصفه دي 4 شهور وبس.

الوصفه بسيطه وسهله وآثرها بفضل الله كبير جداً وملحوظ جداً.

كوب ميه دافيه ومعلقة عسل و7 تمرات الصبح اول ما نصحي قبل الفطار.

ساندويتش حلاوه او مربه بعد الفطار وبعد الغدا وبعد العشا بمعدل ثلاث ساندويتشات يومياً مربي او حلاوة بعد كل وجبه بـ 10 دقائق مثلاً.

بمعني مرتين في اليوم بعد وجبة الفطار والغدا بساعه ونص مثلاً ناخد معلقة عسل اسود كبيره مع معلقة سمسم وناخد مكسرات محمصه مش نيه.

مش هنربط نفسنا بأكل معين بس لازم طبعاً ناخد التلت وجبات يومياً ونمشي علي الوصفه ولو حابب تزود من عندك ممكن تاخد اكلات فيها سعرات حراريه عاليه, لكن لو هتربط نفسك بنظام غذائي فيه سعرات حراريه عاليه ماتمشيش عليه اكتر من شهر.

فيه ناس بنقول عليها كدا نفسها حلوه وبتتذوق وبتحب طعم الاكل وبتستمتع لما بتعمل اطباق شهيه واشكال مختلفه وفي الحقيقه دي حاجه جميله فعلاً الاكل متعه ونعمه نحمد ربنا عليها انما احياناً بسلوكياتنا ممكن نحول النعمه دي لنقمه وبالتالي لقمه ورا لقمه وطبق ورا طبق وننسي نفسنا ونلاقي روحنا عمالين بناكل ومانكتشفهاش الا واحنا معديين بالصدفه جمب المرايه, وطبعاً لو مفيش سبب للسمنه بيكون السبب الفاضل معروف وهو السلوكيات الخطأ.

النمط السلوكي الخاطئ في الاكل والحركه ده من ضمن الاسباب الي زودت مشكلة السمنه علي مستوي العالم كله, فهل ينفع اقول انا سلوكي النهارده كذا وهمشي عليه النهارده وبكره هغيره ؟؟ طبعاً ماينفعش التغيير السلوكه بيولد مشاكل طبعاً مش هنقدر نتغير مره واحده التغيير لازم يكون تدريجى ولازم اعود نفسي اني اتكيف مع التغيير ونعرف هنتغير لانهي درجه وانا عاوز ايه من التغيير يعني هل انا عايز التغييره ده في سلوك الاكل لا غير ولا سلوكي الحركي, فمينفعش يكون عندي 150 كيلو زياده وبكره عاوز ابقي 70 كيلو فبالتالي ماينفعش تيجى مره واحده تقول انا هبطل الكلام ده كله وهغير سلوكي في الاكل والحركه, بعض الناس بتاكل كميات كبيره جداً فلازم تاكل اكل بكميات كبيره برده بس من نوعيات تانيه عشان يشبع, وبعض الناس بتاكل كميات قليله ومن اشهر اسبابها الهروب من وجبه غذائيه بمعني ان فيه ناس تقول دانا مش بفطر الصبح بكون مستعجل ازاي وزني زاد وبعض الناس تهرب من وجبة العشاء ودي من ضمن السلوكيات الخاطئه ان فيه ناس فاكره ان الاكل بالليل بيزود الوزن فطالماً ماعنديش مشاكل او فتأ في الحجاب الحاجز اقدر اكل زي ما انا عايز بس المهم انا هاكل ايه ؟؟ فمينفعش اكل فته او حلويات وشيكولاتات واقول اه الاكل ده هيتعبني طب انت عارف اهه وبإمكانك انك تتعشي عشا عادي يعني العشا العادي الي هو ممكن اكل جبنه و فول او عيش و فاكهه وبيض بس بكميات معقوله برده وممكن اكل لحوم برده بس حتة لحمه مثلاً مع شوية خضار مع معلقتين رز ومانخدش المعلقتين بالعدد يعني لا بكميه معقوله لكن ماكلش اكل جامد واروح انام وطبعاً هتعب وماقولش الاكل هيتخنا لا الاكل ممكن يتعبنا ممكن يحصل في المعده ارتجاع او ابقي نايم مش مستريح او معدتي تعباني, لازم نظبط نظام الرجيم بتاعنا وناكل التلت وجبات بكميات معقوله عشان ازود الحرق جوا جسمي, فلما اكل وجبه واحده معدل الحرق بيقل بمعني ان اهمال وجبة الفطار بيقلل معدل الحرق 30% واهمال وجبة الغداء بيقلل الحرق 30% وهكذا فلما اهمل التلت وجبات اصبح هبوط معدل الحرق بنسبة 90% والباقي بقلة الحركه يكون اكتمال 100% .

اثبتت دراسات امريكيه ان شرب 2 ونصف كوب ماء بكل وجبه يؤدي الي زيادة مستوي الهرمون الذي يزيد من نشاط الجهاز العصبي فيؤدي الي زيادة معدل حرق الدهون خلال 10 دقائق ويصل الحد الاقصي لحرق الدهون لفتره تتراوح من 30 الي 40 دقيقه, واثبتت الدراسه ايضاً ان اختيار وقت شرب المياه يضاعف فوائده علي جسم الانسان فمثلاً شرب 2 كوب ميه بعد ما نصحي من النوم ينشط الدوره الدمويه وكوب من الماء قبل الوجبه بنصف ساعه يساعد علي الهضم وكوب من الماء قبل الاستحمام يساعد علي خط ضغط الدم لمرضي الضغط العالي وكوب من الماء قبل النوم يتجنب السكته القلبيه ( اللهم اعفينا جميعاً ), ودراسات اخري حول استخدام الادويه الطبيه لتخفيف الوزن تقول ان استخدام هذه الادويه قد تكون قاتله واثبتت الدراسه ان كثير من الادويه تؤدي الي الارق وزيادة سرعة ضربات القلب وارتفاع ضغط الدم واشارت الدراسه الي ان الاستمرار في استخدام الادويه بمختلف انواعها يؤدي الي الادمان حيث يصبح في يوم صعب التخلي عنها, كما اوضحت نتائج الدراسه ان الادويه المستخدمه لإضرار البول كوسيله لتخفيف الوزن يؤدي للإصابه بمرض السكر ومرض النقرص, فيه إعتقاد ثائد بيقول ( علي المرء ان يزن نفسه عندما يخضع لحنيه ) والحقيقه ان ده اعتقاد خطأ ولازم نتخلص من الميزان لما نتبع الحنيه وبدل ما نستعمل الميزان ممكن نلجأ للوسائل الاخري زي قياس الملابس وقياس الخصر.

فاكهة الجريب فروت بتساعد جداً في نقص الوزن وده لإنها بتحتوي علي الياف قليله للذوبان تساعد في سد الشهيه وتقليل الكميات الطبيعيه من وجبات الاكل وبالتالي سعرات حراريه اقل كمثال نتناول نصف قطعة جريب فروت قبل الاكل ودي بتحتوي علي 53 سعره حراريه فقط.

النهارده هنتكلم عن مشكلة الارق وقلة النوم واسبابها وازاي نتغلب عليها, الاول فيه نوعين علم النوم وطب النوم علم النوم هو كل ما يختص بالنوم من اول النوم بيحصل ليه عشان لغاية دلوقتي فيه ناس ماتعرفش احنا بننام ليه والحاجه التانيه ان احنا بنحاول نكتشف ايه الي بيحصل جوا النوم نفسه وهو ده علم النوم بشكل عام, اما بالنسبة لطب النوم الي هو بيختص بأمراض النوم او اضطراباطها.

مشاكل النوم صنفين صنف الواحد بيكون عارفه ان انا خلاص مش عارف انام من الارق اما النوع التاني الي هو الاغلبيه ان الواحد مايعرفهاش او مايعرفش سبب قلة النوم الي هو بينام ويصحي مش منتعش او مفيش احساس بالراحه بمعني ان الواحد المفروض لما يصحي يكون نشيط ومنتعش فإذا الحاجات دي ماتحققتش يقوم تعبان مجهد مستعد انام تاني ذاكرتي وحشه تركيز صفر فده دليل ان حصل حاجه في النوم الحاجه دي بقي امراض كتيره منها ان مراحل النوم مش مظبوطه يعني مفروض ان احنا بندخل في مرحله عميقه ثم مرحله اعمق وبعدين فترة احلام وتفضل الدوره دي تتكرر اربع خمس مرات واحنا نايمين, كتير اوي من الناس بيفضلو طول الليل في المرحله الاولي او التانيه ومايوصلوش للنوم العميق ومايحلموش فايصحي الصبح إدراكه ان هو نام مش حاسس ابداً ان هو نام كويس ولها اثار كتيره زي الذاكره بتاعته كل يوم بتتدهور.

طبعاً السبب معروف جداً وهو الحاله النفسيه والتوتر والقلق والباقي حجات سلوكيه وهي ان احنا نبوظ مواعيد نومنا واستخدام الكافيين بكميات كبيره ( الشاي - القهوه - الكولا - النسكافيه..الخ ) والاكتيفيتيز الي بنعملها قبل ما ننام بمعني ان انا قبل ما بنام بتفرج علي فيلم اكشن مثلاً والتركيز فيه فالمخ بيكون مركز في الفيلم ومتشدد فيه وبعدين اروح انام اه فيه ناس بتنام لكن مش هتنام النوم المطلوب, طيب ازاي بقي ننام النوم الهادئ او الطبيعي راجع الكلام الي قلناه واعكسه, المفروض ان المخ متبرمج علي النور والضلمه فالاصل في الاشياء ان الواحد ينام في الضلمه ويصحي مع النور وطبعاً العالم كله مابيتبعش الطريقه دي وماسمعناش ان حد بينام بعد صلاة العشاء لكن مش مشكله هنخلينا مع الواقع لكن هنثبت مواعيد نومنا كل يوم وده مهم جداً عشان المخ يبدأ يعرف ان هو ده معاد النوم والاهم منه ان الواحد يصحي في نفس المعاد كل يوم, اما بالنسبة لساعات النوم فهو مفيش مشكله للناس الي بتقول ان الخمول بييجي من النوم فوق ال 8 ساعات لا مفيش مشكله هو الرينج بيبدأ من 4 ساعات لحد 11 ساعه ده طبيعي فيه ناس جسمها بيحتاج للفتره دي وفيه ناس مش محتاجه غير 4 ساعات فكل واحد واحتياجاته ولو عاوز تحسبها او تعرف انت بترتاح فكام ساعه في النوم جرب ونام 4 ساعات مارتحتش جرب 6 وهكذا وعمتاً كل واحد بيعرف هو محتاج قد ايه حتي من غير حسابات, لكن لو انا جسمي بيحتاج 6 ونمت 5 الواحد الي نقص ده جسمي بيعاقبني عليها بعد كدا يعني مع الوقت بيبدأ يبان في حجات تانيه كتير يـ اما في حالتي النفسيه يـ اما في حالتي الجسمانيه يبتدي وزني يزيد وده عند بعض الناس ويبدأ شكل الوجه يتغير ودي سبب الساعه الي نقصتها من النوم, طيب ده بالنسبالنا طب والاطفال ؟؟ طبعاً الامر بيختلف يعني الاطفال لازم ينامو اكتر من الكبار يعني نشوف الاطفال البيبي بينامو طول اليوم وده عشان النمو بتاعهم ولما يبدأ سنه 10 سنين يكون نومه زي الكبار لكن كل الاطفال 5 سنوات مثلاً بيحتاجو ينامو من 9 لـ 10 ساعات.

تأثير الاكل علي النوم :

الاكل بالتأكيد له تأثير كبير علي النوم وخصوصاً العشوه التقيله بتساعد علي بداية النوم لكن بتأثر بعد كدا زي الكوابيس خلال النوم والشخير لان الاكل الكتير بيضعف التنفس فيولد الشخير ولان الهضم وحش فممكن يجيلنا حموضه واشياء زي كدا وطبعاً لا ينصح بيها لكن مثلاً الاكل الي فيه بروتين كتير زي البان وجبن وفول وكدا بتساعد النوم افضل وكمان بيفضل نشرب كباية لبن قبل النوم ( في حال تسمح مع حالتك الصحيه ).

طبعاً الاجابه بلا لان الاسباب الشائعه زي الارق والتفكير وهكذا ده بيبقي تبع الجزء النفسي لكن فيه امراض او اضطرابات كتيره اوي ملهاش علاقة بالحاله النفسيه خالص بمعني ان فيه ناس تقوم تمشي وهي نايمه وممكن يروح التلاجه ياكل وممكن يروح مثلاً يضرب ولا يزعق دي ملهاش دعوه بحالته النفسيه ده اضطراب برايمري او اولي في النوم يعني حصل حاجه في المخ ملوش يد فيها ولا حد له يد فيه وعلاجه دوائي, ومعظم الحالات دي بتتعالج بسهوله وتكون فتره عاديه زي اي مرض اما فيه حالات علاجيه بتستمر مع الواحد زي المشاكل التنفسيه اثناء النوم دي بتحتاج علاج بيستمر معاه لسنين.

اهم شئ نبعد عن السكريات في اخر 3 ساعات قبل النوم وطبعاً اي حاجه منبهه زي الكافيين او الادويه او اي حاجه فيها منبهات ونبدلهم او نغيرهم بلبن مثلاً او الاشياء الي فيها بروتين زي ما قلنا, وزي ما احنا عارفين ان الجسم مرتبط بالحراره فلو دش دافي كل يوم قبل النوم بيساعد جداً علي النوم.

فكرة ان الواحد ينام فترة صغيره تديله الطاقه طبعاً موجوده خصوصاً الناس الي بتعمل شيفت وهي حاجه مش صحيه ابداً مع ان المخ احتياجه قليل لكن ماقدرش اعمل كدا مثلاً اسبوع بيبدأ الجسم ينهار لكن لو فيه امر طارئ مثلاً فممكن نعملها لما يكبس عليا النوم وماطولش فيها لإن لو طولت المخ هيعتبرها نوم طبيعي وانام لكن لو خليت حد يصحيني مثلاً بعد ربع ساعه او تلت ساعه بالكتير اه اصحي نشيط لان انا اديت للمخ فترة نومه واهملت فترة نوم الجسم او فترة راحة الجسم.

موضوعنا النهارده عن مشكله اكتر مواجهينها هم المراهقين وهي مشكلة حب الشباب والي بتصيب 45% من الشباب والبنات والي ممكن بيظهر بسوء اوي في سن من 16 لـ 19 سنه والولاد بيكون علاجهم اسرع شويه وممكن مع بداية العشرينات يختفي شويه اما بالنسبه للبنات ممكن يستمر معاهم شويه لبداية التلاتينات وممكن تستمر لفترة انقطاع الدوره.

اكبر مشكله بتقابلنا هي اللعب في الحبوب بالنسبالهم سهل اوي بمجرد ما تظهر عنده الحبوب دي بيبتدي يلعب فيها بتطلع رؤس سوداء او بيضاء كأشكال بتظهر لحب الشباب غير البثور غير الدمامل غير الخراريج وفيه حالات متقدمه اوي ودي الي بتكون صديد شديد جداً نتيجة مكروب بيدخل في الغدد الدهنيه, كتير اوي بيتعامل معاها بشكل فطري او يبتدي يفرغ محتوياتها ودي اخطر مشكله والي بتسيب اثار لحب الشباب يعني الفكره كلها ان انا لما بفرغ محتويات الحبه بتطلع صديد لما بيعمل ضغط علي الحبه فالتلت بيطلع بره والتلتين بيبتدي يخش بصوره اعمق في سطح الجلد من جوه فيعمل التهاب في الخلايا الصدغيه وساعتها يعمل التهاب شديد جداً في الطبقه السفليه وبينتج عنها ظهور ندبه او اثار لحب الشباب.

اسبابها كتير جداً لكن السبب الاساسي هو نتيجة إفراز هرمون الذكوره الي بيطلع للشباب زي ما بيطلع للبنات وطبعاً بيطلع للبنات بنسبه اقل يعني هو بيعتمد علي الهرمون الانثوي بس بينتج برده هرمون الذكوره وده الي بيزود افراز الغدد الدهنيه اما بالنسبه للعوامل الاخري فممكن يظهر مثلاً مع فترة الحمل ممكن يظهر مع ادوية منع الحمل خصوصاً الي بتحتوي علي 2 هرمون سعات بيظهر مع فترة الدوره الشهرية او الايام الي قبلها وممكن تظهر مع الاستخدام المكثف لمستحضرات التجميل ودي طبعاً بتقفل المسام فبتساعد علي ظهور الحبوب, وبالنسبه للناس الي بشرتهم دهنيه فبننصح دايماً بكريمات الشمس فيه انواع منهم اسمها الفليود ودي عشان ماتقفلش هذه المسام ودي للي حاسسه انها بتضع كميات كبيره علي الوجه.

من الحجات الي بتزود ظهور الحبوب استخدام بعض المنشطات الاستروديه للرياضيين وكمال الاجسام او الي بتزود حجم العضلات فدي سبب برده في ظهور الحبوب ومن الاسباب الاخري وضع الكريمات بكميات كبيره والسبب الرئيسي في تزايد حب الشباب في الوجه هو تفريغ محتوياتها.

علاج حب الشباب سهل جداً هو ليه 3 اشكال بياخد شكل بسيط او شكل متوسط او شكل قاسي جداً الي هو الدمامل او الخراريج علاجه بسيط جداً هو المضادات الحيويه او الكريمات ودي بتحتوي علي مضاد حيوي موضعي وسعات بنستخدم مادة البروكسايد خصوصاً للي بيعانو من الرؤس البيضاء او الرؤس السوداء وده نتيجة انسداد القناه الدهنيه سعات بنستخدم البرنزال بروكسايد ودي بتستخدم بالليل وفكرتها انها بتشيل الطبقه الخارجيه من الجلد وده مضاد حيوي قوي جداً بيقتل حتي اي ميكروب في الخليه الدهنيه ولكن استخدامه بالليل لانه بيعمل نوع من انواع التهيج مع الشمس ويتحط لمدة ساعتين وبعد كده بيتشطف, طبعاً لو ظهر دمامل بناخد مضاد حيوي.

ضعف الشهيه في كثير من الاحيان بتلازمها شعور بالارهاق والتعب زي كتير من المرضي الي عندهم امراض مزمنه زي امراض الكلي والاعصاب والاورام والسرطان بانواعها.

التعامل مع ضعف الشهيه في كتير من الاحيان تلاقي الاهل يضغطو علي المريض عشان ياكل كميه كبيره وطبعاً الكلام ده لا يقدم نفع ولا ضرر خصوصاً مع المرضي في الحالات المتقدمه, واثبتت الدراسات ان الكميه الي بيتناولها الانسان حتي في المراحل الاخيره من المرض لا تغير طبيعة المرض ولن تغير مستقبله لكن هل فيه وسائل بتخفف من الموضوع ده او بمعني ان تزيد الشهيه عند المريض او تحسن نشاط العمل بالطبع نعم.

بلا شك فيه بعض الادويه الي بتساعد في هذا الموضوع وعلي سبيل المثال ديكساميثازون (dexamethasone) وده بنستخدمه مره واحده فقط صباحاً اربعه مللي جرام او ثمانيه مللي جرام وده بيساعد في 3 حجات ( تحسن الشهيه + تزيد النشاط + تحسن المود او المزاج ).

فيه علاج تاني اسمه ميثيل فينيديت (methylphenidate) وده علاج مُنبه ودي بتكون مرتين في اليوم مره صباحاً ومره ظهراً بمعني مع الفطار والغداء وده بيزيد النشاط عند المريض الي بيشعر بالنعاس فبتخلي نشاطه وحيويته افضل.

العلاج اللادوائي كثير جداً منها النشاط الرياضي بمعني ان يمارس المريض رياضه بما يتناسب مع مرضه وده بيشمل ( تنظيم ساعات النوم - تنظيم الاكل مع بعض الماكولات الي بتزيد نشاط المريض - والامور الاجتماعيه برده بتساعد والي هي وجود الاصدقاء او الاهالي - والعلاج بالموسيقي برده بتنعش المريض وتعطيه احساس بالراحه ).

الامور دي متكامله بما تشمل علاج دوائي ولادوائي وبتساعد في تخفيف الهبوط العام وزيادة الشهيه لدي ضُعاف الشهيه.

الوسواس القهري ما يسمي بمرض التسلط الفكري قد يكون ناجم عن افكار او تخيلات او دوافع او سلوكيات قهريه لا اراديه تأتي الي ذهن الشخص ويحاول الشخص ان يبعدها ولكنها مؤذيه وسخيفه ويقاومها من داخل نفسه ولكنها تبقي هاجساً لحياته.

طبعاً هي اعراض متشكله منها الاعراض الدينيه يعني الوسواس الديني زي عادة الصلاة او والتشكيك في وجود الله فيعتقد انه قد ارتكب إثمً ولكنه مرض ليس له علاقه بالدين.

إعتقاده انه شائب جنسياً

وهو الدافع او انه يندفع لقتل شخص وهو عارف انه لم يقتل هذا الشخص لكن بتيجي الفكره بشكل لا إرادي وقهري وده طبعاً له مخاطر.

للعلم فقط ان الشخص لن ينفذ اي عمليه ولكن سيصاب بالكئابه او بالرهاب وستدهور حياته العمليه والاجتماعيه والزوجيه والنفسيه وفيه كتير من الحالات الي انتحرت بسبب الوسواس القهري.

علاجه سهل ويتم بالمعالجه السلوكيه والعلاجيه ويشفي بعد اشهر من العلاج ولكن يفضل يتعالج من سنه لـ سنتين من العلاج حتي لا ترتكز حالته ولا تعود.

 تحدثنا من قبل عن انواع الوحده ومشاكلها وتم تفسير مرض الوسواس القهري في الموضوع حاول مراجعته إن انتهيت من قراءة الموضوع.

عن السعاده دايماً بنسأل الف سؤال وعن معناها بيدور مابيننا جدال, في الصحه نلاقيها ولا في العيال !! يمكن تكون في الجاه او جايز في المال, بس الاكيد في وجودها هموم كتير بتتزال وييجي معاها راحة البال وصلاح الحال, السعاده هدف اي انسان في الدنيا لكن ازاي نوصل للهدف ده وازاي نعيش بيه في امور حياتنا ؟؟ ده هيكون موضوعنا النهارده.

مفيش حد فينا مش عايز يعيش السعاده فكل تفاصيل حياته وده الي يخلينا دايماً في حالة بحث عن مسببات السعاده, لكن ياتري هو ايه اصلاً معني السعاده ؟؟ وازاي تتحقق ؟؟ وهل فعلاً هي احياناً مبتبقاش موجوده فحياتنا ولا هي موجوده واحنا الي في غفله عنها.

اي مشاعر انسانية عباره عن حاجتين حاجه اسمها تجربه انفعاليه الي هو انا بحس بـ ايه وحاجه اسمها تعبير انفعالي الي هو انا بعبر عن الي بحسه ازاي, السعاده الحقيقيه هي ان يكون تجربتك الانفعاليه يخلي ما تحسه فعلاً هو السعاده وصفاء البال مش الي بنظهره للناس ممكن نبتسم طول اليوم في اي وجه واحنا مش سعداء وبالتالي ما يظهر للناس لا يمت بصله عن ترجمة ما بداخلك, فالسعاده هو ما تحس بيه وتعبر عنه, السعاده ان الي بتحس بيه وبتفكر فيه ماشي جداً مع تصرفاتك, فيه فيلم شهير جداً لـ جون ترافولتا اسمه برايمري كالرز بمعني الترجمة الاساسية والفيلم فكرته ان كلنا بنتولد بالوان اساسية واساسية بمعني مبادئ ومثل واخلاقيات فلما بنمشي في الدنيا وبنطلع لفوق حجات بتقع مننا مُثل بتقع او مبادئ بتقع نتيجة ان انت بتكون مضطر تتفاعل مع الدنيا فبالتالي بتكون مضطر تتنازل عن حجات وانت طالع, فالسعاده تكمل بإنك تحافظ علي الوانك الاساسية مهما تكبر يعني كمثال فلان الي كان عارف كويس اوي ان الصدق ده حاجه مهمه جداً في حياة الانسان والكذب سىء ولما يكبر يكون عنده 30 او 40 سنة زي ماهوا يفضل فلان زي ما هو ويفضل فلان صدوق, فـ ايه هي الحجات الي بتقع منك وانت بتكبر او وانت بتعلي في المجتمع في جواز او في شغل هو ده المقياس الحقيقي للسعاده.

هل ده ضعف اني اتنازل عن مبادئ او قيم او ...الخ المشكله ان الناس هدفها الاصلي هو الهدف مش الرحله يعني صعود الجبل احلي حاجه فيه مش انك تطلع فوق بالعكس الرحله بتكون احلي ما فيها ولكن لحظة وصولك لقمة الجبل لا افاده من اى شىء, احنا بقي بنهتم بالهدف الاخير ولا نهتم بالرحله ( السعاده في التفاصيل ) الانجليز عندهم مثل حلو اوي يقلك ( الحياه هو ما يحدث عندما تكون مشغول باشياء اخري ) يعني انا وانت عمالين بنتكلم اهه راح من عمرنا حوالي خمس دقايق عملنا, وهي دي الفكره ان الانسان دايماً بيأجل سعادته لحين تحقيق اهدافه الاساسية مع ان السعاده ان انا اعيش تفاصيل حياتي اليومية بمعني ان وانت بتاخد حمامك الصبح بتستمتع بحمامك اليومي, وانت بتشرب القهوه اشرب القهوه مش تفكر هتعمل ايه بعد ما تشرب القهوه, والفكره في انك تستمتع بكل ما تفعله وهي دي السعاده, السعاده الحقيقية في التفاصيل الي بنعيشها, بمعني ان انت بتنسي التفاصيل الاساسية بتاعتك الصغيره وبتأجلها يعني بتأجل انك تستمتع بفنجان القهوه بتاعك وبتأجل انك تستمتع وانت راكب عربيتك بدل ما تروح مشوار تعد تزعق طول النهار وتبقي مستعجل استمتع بوقتك, الغرض انك بتأجل حياتك ومستني انك تصل لحاجه ابعد وبكدا النتيجة تكون ان الالوان الاساسية بتاعتي بتقع وتخليت عن شعوري بالبهجه وتخليت عن الطفل الي جوايا وتخليت عن ان انا مبقاش منافق اوي وتخليت عن ان مبقاش كداب اوي وتخليت عن ان انا ماغدرش بصاحبي, فالسعاده عملية معقده جداً والانسان الي بيفقد الطفل بداخله والانسان الي بيكف عن الاندهاش لا يمكن يكون سعيد, كلنا كنا اطفال بس كبرنا ولازال الطفل موجود بداخلنا هو الي بيدينا السعاده الحقيقية الا لما تصل لمرحله عظيمة جداً والي هي ( تحقيق الذات ) ان فلان بيحلم انه يكون عنده عربيه قيمه جداً وبالفعل اصبح فلان عنده عربيه قيمه جداً, القصد انه يكون حقق كل ما يبتغيه علي اي وجه مثلاً علي المستوي المادي - الاجتماعي - المعنوي, بعد ما نصل لمرحلة تحقيق الذات بندخل في مرحله غريبه جداً والي هي ( مرحلة العطاء ) او مرحلة الايثار والي هي ان فلانه عاوزه بنتها تبقي اعلي منها فبالتالي هي حققت الي كانت عوزاه ودلوقتي لغيرها وان سعادتي بدأت تتحقق في الآخرين بس دي مرحله صعبه جداً ولازم الاول احقق او اكون وصلت لمرحلة ( تحقيق الذات ) فمشكلتنا ان احنا بنأجل سعادتنا لأهداف ممكن ماتتحققش, اسعادي بالوقت الي انا فيه عشان كده انا بحب جداً dayend ايند وبكره جداً حكاية weekend ودي فكرة الويك ايند ان انا بأجل راحتي لآخر الاسبوع وليه نمحي الداي ايند كل يوم ليا ساعه اعمل فيها مابدالي اغني ارقص اقرأ اصلي المهم اعمل الحاجه الي انا حاسس اني هكون فيها بعمل الي انا عاوزه, وهي دي فعلاً السعاده ( السعاده في الرحله مش في الهدف ) استمتع بالرحله من اول فنجان القهوه لغاية العربيه لغاية تحقيق الذات لغاية تحقيق العطاء يعني استمتع بالتفاصيل دي لا تؤجل السعاده.

السعاده مسؤلية كل مواطن والسعاده قرار واختيار بمعني انا بحب فلانه بس فلانه تاعباني جداً فعيشتي ففلانه حولت حياتي من سعاده الي تعاسه فلازم اخد قرار ممكن احب فلانه وابعد عنها وممكن احب فلانه واستثمر في فلانه لغاية ما تتعدل او امشي فلانه طبعاً مش الرك علي فلانه بس لا فلانه او شغل او اي حاجه, واحنا مشكلتنا في حياتنا اننا بنأجل قراراتنا, انا ضد تماماً فكرة الطلاق لكن لو عايشه حياه تعيسه ومفيش امل في اصلاحها ايه يجبرك انك تكملي, وانا ضد فكرة الطلاق مش عشان وحش لا انا ضد فكرة ان الواحد يستسهل الطلاق وبعض الناس مابتبقاش عاوزه تستثمر في العلاقة الانسانية, الهدف مش في الاستمرارية ولا استمرارية في صداقة ولا استمرارية في علاقة لا الهدف ان انا ابقي مبسوط فيها ممكن ابعد المساحات بدل ما بكلم واحد صحبي كل يوم ويضايقني خلاص اتخذ قرار واكلمه كلا اسبوع, وعشان كده السعاده قرار زي الي قال اكسات بادجز بمعني ان انا مباشلش علي كتافي حجات مش محتاجها في السفر, يعني طول ما انت ماشي كدا فكر هتلاقي نفسك شايل علي كتافك حجات مش محتاجها خالص, شايل علي موبايلك اشخاص مش مهمين خالص بس بيعكننوا عليك, شايل علي دماغك مشاكل مالكش علاقه بيها خالص, فالفكره ان كل انسان هو الانسان الاوحد المسؤل عن سعادته فلو استنيت الآخرين يسعدوك هتبقي مشكلة كبيره جداً مش عشان مش هنلاقي لا ممكن زوجك يسعدك ممكن اخوك يسعدك ..الخ لكن لو انت مش هتسعد نفسك بنفسك مشكله كبيره جداً وهي الاعتماديه علي الآخرين, عشان ماخرجش عن موضوعي المهم عندي اني استمتع بحياتي استمتع وانا بسوق عربيتي وانا رايح شغلي عندي مشكله في البيت خلاص لما اروح البيت ابقي احلها وطبعاً ده مايخلينيش استهتر لا الاستهتار ده موضوع تاني لا خلي كل حاجه بمعاد ومن غير ما نتمادي, والفكره فكرت ان انا اقرر ان في اللحظات الي استطيع فيها اني اكون سعيد اكون سعيد وزي ما قلنا السعاده قرار.

النهارده حديثنا عن التغذية وعلاقتها بالشعر واسباب تساقط الشعر وازاي ممكن نحافظ علي شعرنا بطريقة صحيحة بالتغذية, الشعر عبارة عن انسجة بيتم تكاثرها بشكل دوري ودائم وفيه عوامل كتير بتأثر عليه ( عوامل بيئية - عوامل تغذوية ) ومن اهم العوامل الي ممكن تؤدي لتساقط الشعر هو سوء التغذية بحيث ان بيكون فيه نقصان عوامل هامه او اتباع نظام رجيم حاد جداً وقاسي بيؤدي لتساقط الشعر او ادويه معينه, ممكن من دلوقتي نسيطر علي تساقط الشعر بكتير من البروتينات ومعروف ان البروتينات ليها دور اساسي في شدة الشعر ونقصان البروتينات والاعتماد علي بروتينات قليله اخري يؤدي الي ضعف النمو للشعر.

عندنا فيتامين b بأنواعه بيدخلو في عملية تكوين الشعر وتطويلة فبالتالي نقص الفيتامينات دي هتؤدي الي تساقط الشعر والفيتامينات دي ممكن نحصل عليها من خلال من الحبوب الكامله والبقوليات والخضروات والفواكه ولو اخدنا الكميات المناسبة الي محتاجينها عمر ما هيكون فيه تساقط للشعر إذا مكانش فيه عوامل اخري هتؤدي لتساقط الشعر زي الادوية او عوامل بيئية.

طبعاً معروف ان البروتينات ممكن نحصل عليها من خلال اللحوم والفراخ والاسماك والبقوليات والمكسرات

الزنك :

والعنصر الاخر المفيد جداً هو الزنك وده من مكونات الشعر الاساسية ونقص الزنك عادتاً بيؤدي الي الشعر والزنك بنلاقية برده باللحوم والحبوب الكامله والبقوليات فعادتاً لو فيه تساقط للشعر ممكن الطبيب يوصف حبوب الزنك إن كان سبب تساقط الشعر هو نقص التغذية ونقص مستوي الزنك في الدم.

وآخر واحد والي هنركز عليه اكتر هو فيتامين a وده مهم برده للشعر ولكن فيه ناس لما تعرف ان فيتامين a مهم للشعر بياخدوه بشكل دوري وبكثره ولكن زيادة فيتامين أ بتسبب الصلع وتساقط الشعر وبالتالي لازم نركز عليه جداً ان لحد الكميات المسموح بيها يومياً مفيش اي مشكلة لكن زيادتة عن الحد الطبيعي واستخدامه بكميات كبيره وافراط في استخدامه ولفترات طويله بترفع مستوي فيتامين a في الدم وده هيعمل ردة فعل عكسية وهيتسبب في تساقط الشعر.

الدهون الاساسية زي زيت الذرة وزيت الزيتون وزيت السمك والمكسرات ودي برده عناصر هامة للمعان الشعر والحصول علي شعره صحية وسليمة.

الغذاء المتوازن الي بيحصل علي 5 مجموعات غذائية خضروات وفواكه وطبعاً دول بنركز عليهم لإن معظم الفيتامينات والمعادن الي بنحصل عليها بتكون موجوده فيهم بالإضافة للبروتينات بكميات كافية لإنها اساس في تكوين الشعره والدهون والزنك وفيتامين a ودول اهم مكونات الشعره الصحية.

كتير من الستات بيعانو من مشاكل البشرة وكتير بنسأل إزاي ممكن نسيطر علي التجاعيد او البقع او حب الشباب الي بتظهر وطبعاً السيدات بتكون اغلب اهتمامهم بالبشرة لان واجهة الست بالوجه واحنا بنقول ان التغذية وإن التغذية السليمة هي الي تقدر تدينا بشرة سليمة بالاضافة ان فيه عوامل تانية ممكن تأثر علينا زي الشمس وعدم النوم والتدخين وعدم ممارسة الرياضة كل دي عوامل ليها اثار سلبيه علي البشرة, من ناحية التغذيه فهي نوعين تغذية داخلية وخارجية والخارجية الي هي الوصفات الي بتتحط علي الوجه من الفواكه او الخضار والتغذيه الداخلية هي ان احنا ناكل اكلات صحيه والي بتكون افضل والي هتعكس علينا بشرة جيده.

هنبدأ فيهم عنصر عنصر او عامل عامل, لكن لما نتكلم عن بشرة نتكلم عن اهم اشياء ليها علاقة بالتغذية مثل ( الخضار - الفواكه ) وبتدينا الفواكه والخضار كمية كبيرة من مضادات الاكسده وبتدينا كميات كبيرة من الالياف والفيتامينات والمعادن المهمه الي بتدينا بشرة نضره.

ما هي مضادات الاكسدة :

هي عبارة عن فيتامينين فيتامين e وفيتامين c وليهم دور كبير في حماية البشرة من البقع فلما يحصل اكسدة في خلايا الجسم تاخد مضادات الاكسدة فتمنعها من التأكسد فبتخلي خلايا الجلد طبيعية مفيش فيها اي مشاكل, اما بالنسبة لفيتامين b وده خصوصاً لمضادات البشرة وده نقصه بيؤدي لتشققات البشرة والتهابات في الجلد فبالتالي عدم وجودهم بيتسبب في هذه الامراض.

الخضار والفواكه من اهم العناصر والمجموعات الغذائيه الي بتخلي بشرتنا نضره.

تاني عنصر هو الميه مهم جداً انك تروي البشرة وقلة الميه في الجسم بينعكس تماماً علي البشرة بظهور التجاعيد مبكراً وجفاف البشرة وبينعكس علي الوان غير طبيعية في البشرة لإن البشرة بتزيل السموم وبتسحبها من البشرة من خلال الكلي.

بالإضافة لكده البروتينات مهمه جداً فأساس البشرة عبارة عن بروتين ونوعيات الدهون, والدهون الي بتاكلها بتنعكس مباشرة على البشرة فمثال إن اكلنا شيكولاه فيها دهون غير صحيه هتنعكس علينا مباشرة علي البشرة بظهور حب شباب علي الوجه, لازم نركز علي الدهون النباتية وغالباً زيت الزيتون ونبتعد عن الدهون المشبعة والي هي الدهون الحيوانية حتي لما ناكلها لازم نتأكد ان مصدرها موثوق فيه, مناكلش اي شيكولاه او لحمه من مصدر رخيص تحتوي علي دهون تكون غالباً مش صحيه وبالتالي بينعكس علي البشرة.

هنتكلم كمان عن الحليب لإن الحليب فيه هرمون النمو ووجود هرمون النمو بشكل اعلي بيأثر علي البشرة عشان كده نلقي الدكاتره بتنصح الي بيطلعلهم حبوب بالإبتعاد عن الحليب ,والي ممكن تتأثر بشرتة بهرمون النمو يفضل الابتعاد عنه لكن لازم يكون فيه بدائل عن الحليب بحيث مايكونش عندنا نقص في الكالسيوم والعناصر الموجوده بالحليب.

لازم ننوه ان زيادة العناصر دي ممكن تتسبب في مشاكل اخري, لازم نعمل توازن في الاكل بخضار بفواكه بحبوب كامله ( السمسم ) ببروتينات بالحليب ليتناسب مع البشرة وده هيؤدي الي الحصول علي بشرة نضره بالاضافة الي ساعات النوم الكافيه وشرب المياه وممارسة الرياضه والابتعاد عن التدخين ما امكن وده هيساعد بتحسن واضح وملموس علي البشرة إن شاء الله تعالي.

حديثي اليوم عن النباتات والاعشاب الطبيه التي تفيد في علاج الديدان والطفيليات, فالاعشاب والنباتات الطبيه مفيده في هذه الناحيه والتي تعالج الديدان وخاصة عند الاطفال تتسبب لهم في حكه عند الصباح كما تسبب لهم ضعف تحلل الاكل حتي لو كانت الشهيه مفتوحه بالقدر المناسب وتتسبب في فقر الدم وكذلك الاميبا التي تسبب مغص معوياً متكرر وقد تسبب اسهال مدمم او فيه مخاط.

نعالج هذه الامراض بتقديم وصفة مجربة لعلاج الديدان بتناول بعض الاعشاب التي لها اثر واضح ومجرب وعليه دراسات في علاجه وعلي رأسها نبات الثوم إذا خلط بقليل من اللبن في الخلاط وتناولنا منه كوب فقط يومياً علي الريق لمدة 10 ايام متتالية نقضي تماماً وبإذن الله علي الديدان والطفيليات.

علاج بديل آخر :

ايضاً نبات الشيح والقيسوم مفيدان جداً لهذا الغرض فنغلي الشيح مع القيسوم وشرب من 2 الي 3 اكواب يومياً لفتره تتراوح من 10 الي 15 يوم حسب شدة المشكلة فتزيل نهائياً وإن شاء الله الديدان والطفيليات.
نصائح :

وننبه علي ان هذه الاعشاب فيها مراره لذلك تحليتها بالعسل مهم حتي يتقبلها الاطفال الذين يعانون من هذه الاشكالات.

الوقايه خير من العلاج تجنب تلوث المأكولات والمشروبات وعدم شراء اطعمه مكشوفه او مشروبات مكشوفه من الشارع, ومن هنا تصبح الوقايه هي الصبيب الامثل من هذه المشاكل الصحيه.

سجن اسواره عاليه وسدوده ماليه وكل ما فيه الم وافكار كئيبه بيخلق دنيا صعبه فيها هموم كبيره مليانه مشاعر قاسيه واحاسيس حزينه وده حال كل واحد في الدنيا عايش فيها لوحده حتي لو حوليه ناس كتيره, الوحده احساس صعب ربنا ما يكتب علي حد يعيش الوحده, الوحده اقصي شعور ممكن يعيشو اي حد في الدنيا والشعور ده بيبقي مفهوم لو كان الشخص ده فعلاً ملوش علاقات كتير او مفيش حد حوليه, الغريب بقي نلاقي حد حوليه اشخاص كتير ويحسو بالوحده ازاي الناس الي عايشين الوحده دي ويخرجوا منها ويتغلبو عليها هو ده موضوعنا النهارده.

الاول اكتر حاجه بتسبب التعاسه في الدنيا هي الناس التانيه او الي حولينا, جون بون سارتر عنده مقوله حلوه اوي بتقول ( الجحيم هو الاخرون ) يعني لو سألت اي حد وقلتله ايه الي مضايقك هيكون رده انه مضايق من شخص معين وبالتالي فيه مقوله اخري لدي الكاتب ايليوت بتقول ( الجحيم هو الوحده ) انك تبقي وحيد هو ده الجحيم فعلاً الي في الدنيا فحياتنا كلها بتتأرجح بين هل افضل ليا كانسان ان اكون في وحده ولا اكثر انفتاح علي العالم, انواع مختلفه من الوحده عندنا وحده اختياريه وعندنا وحده جبريه والوحده الاختياريه اني اكون اخترت اني ابعد عن الناس بكامل قواي العقليه وبكامل ارادتي واكثر اسباب الوحده الاختياريه هو الاكتئاب والانسان المكتئب بيفضل جداً الجلوس مع نفسه والآداء الاجتماعي دايماً يهبط او ينزل الي أدني مستوياته وبتنتهي ان المكتئب يفضل جداً جداً الجلوس مع نفسه بعد كدا مايفضلش يقعد مع نفسه بعد كده يروح ناحيه تانيه خالص ( الجنون ) فدي الوحده الاختياريه, لكن فيه وحده جبريه بمعني ان انا اتخلقت كده يعني مثلاً فيه عندنا الشخصيه الانعزاليه هو شخص بيفضل جداً يبقي في حاله وفيه برده الشخصيه الاجتنابيه وده بيكون حاله انه بيخاف يتواجد في مكان فيه ناس ولما ينجبر على انه يقعد في وسطهم بيبقي وضعه الاجتماعي سئ جداً وبالتالي بيفضل انه ياخد خطوه للوراء, وبالمناسبه ده ميبقاش ضعيف الشخصيه زي ما بنقول عليهم لإن مفيش حاجه اصلاً إسمها ضعيف الشخصيه ممكن يكون عندنا خوف إجتماعي او رهاب اجتماعي وده بيكون اداءه الاجتماعي مش في المستوي المطلوب, الغربه مش غربة أشخاص بل الغربه غربة مشاعر واحاسيس كمثال ممكن ابقي قاعد مع اقرب الناس ليا وحاسس ان انا غريب وممكن ابقي قاعد لوحدي وحاسس اني مش غريب وزي ما بيقول الشاعر ابراهيم عيسي ( وبخاطري شمت تضئ حياتي ) يعني ممكن ابقي قاعد مع نفسي وبفكر في حد او حد مستحوذ عليا يبقي انا مش محتاج حد تاني ففكرة الغربه لو هي غربه حياتيه مستمره او بمعني ادق يبقي طبع يعني, فيه بعض الشخصيات لا تستطيع العيش بدون الآخرين وبعض الناس بيبقي سعادتهم داخليه او بالطب النفسي مركز التحكم بتاعك فين فيه ناس مركز التحكم بتاعهم خارجي وناس مركز التحكم بتاعهم داخلي بمعني ان انا مسئول عن سعادت انا وانا المسئول عن نجاحه وانا المسئول عن فشله وانا المسئول عن تعاسته يعني الشخص ده بيكون متصور ان هو الي بيصنع سعادته او نجاحه او تعاسته, فيه ناس تانيه مركز تحكمها خارجي يعني انا بحس ان سعادتي مع الاخرين او نجاحي بمساعدة الاخرين او تعاستي بسبب الآخرين وكل ما يكون عندك مركز تحكم داخلي جيد كل ما كنت انجح في حياتك لإنك معتمد علي نفسك بس ولما يكون مركز تحكمي خارجي ببقي دايماً محتاج لوجود الآخرين بيبقي محتاج دعم مستمر.

 الشخصيه الاجتنابيه الي هو ابقي نفسي اعد مع الناس بس بتوتر من الناس بمعني ان ثقتي بنفسي اقل من المفروض بيكون عنده صعوبه جداً في التعامل او انه يعزم حد عنده في البيت يعني مثلاً ان حد جي يتعزم عندي في البيت دي تبقي كارثه ودول بيحسو بخوف شديد من اي تأثير غلط او تصرف غلط يعني اكتر حاجه بتسبب الارهاب الاجتماعي ان يبقي منظري وحش قدام الناس فبالتالي لو مسك حاجه قدام الناس تقع من ايده فبيكون عنده رعب اجتماعي للتواصل مع الناس, وعلاقة ده بالخجل الزائد عن اللزوم ممكن يكون مرتبط باماكن يعني مثلاً ممكن اخجل ان انا اطلع في التلفزيون او اخجل ان انا ادي محاضره او اخجل اني اكل قدام الناس وطبعاً بتختلف من شخص لآخر حسب حاجه معينه جواه يعني مثلاً ممكن واحد يبقي عنده خجل انه يتكلم في التليفون يعني مثلاً اطلب اكل يرد لا اطلب انت - طب ده اكل وبعدين انت هتكلمه في التليفون مش هتشوفه, لما الخجل او الرهاب الاجتماعي يبقي مرتبط بالخجل بنسميه الشخصيه الاجتنابيه وحلها او علاجها ان احنا نعرف هل الخجل ده او الرهاب ده مرتبط بحدث معين يعني مثلاً تخجل تطلع علي التلفزيون بس وتعمل كل حاجه بشئ طبيعي ده عادي جداً مفيهوش مشكله اما لو هو خجل اجتماعي عام بنبدأ بالعلاج السلوكي وهي بعض التدريبات ان لزم الامر ثم العلاج الدوائي.

مريض الوسواس القهري ده بيلاقي حجات غريبه بتحصل في حياته كمثال حاجه تمنعك انك تتوضي وضرب جامد على الصدر عشان يشعر بعدم الالم وده بيعاني معاناه شديده جداً لازم يكون فيه اصرار من النفس او من الاهل انه يتعالج, الوسواس القهري مرض يعالج لانه مرض كميائي يعني سببه اضطراب في الكميا او في الزيوت المخيه وبالتالي لما بياخد العلاج بصوره منتظمه بيكمل الزيوت الناقصه فبيتعالج وبيصعب عليا جداً مرضي الوسواس القهري لإن بيفتكرو ان ده بيكون من الشياطين او عدم الايمان او الكلام ده, والوسواس مش بيكون محدد في الصلاه او النظافه او شئ معين لا الوسواس القهري بيكون في اكتر حاجه بتشغلك عموماً يعني لو انت انسان منضبط بيبقي اكتر انضباط لو انت انسان متدين بتيجي في التدين والصلاه ...الخ, فكرة الوسواس هي انها فكره لا تمحي متكرره بمعني ان انا راجل متدين جداً فبفكر هو ربنا موجود ولا مش موجود فبيجيلنا الفكره وتمحي فكلنا بنفكر في فكره وتمحي لكن عند مريض الوسواس القهري بيكررها كتير في حياته هو ربنا موجود ولا مش موجود لكن لو الفكره مش متكرره مش هتجيلك يعني ماينفعش يجيلك وسواس في الوضوء وانت اصلاً مابتصليش لا لازم تكون في حاجه انت بتفكر فيها كتير وشاغله بالك جداً, عشان كده تلاقي المسلمين واليهود عندهم طقوس كتير جداً ممكن يتسبب في وسواس وفي الغالب تلاقي المسيحيين نادر جداً لما يجيلهم وسواس, اما بالنسبه لعلاج الوسواس ده له علاج دوائي وعلاج سلوكي والسلوكي بمعني ان لو انت متعود انك تتوضي 20 مره بعودك انك تتوضي مثلاً 10 مرات وبعدين 5 وهكذا, والوسواس القهري بيكون تابع للوحده الإجباريه.

الشخصيات الشكاكه هي الي بتكون غالباً عندها وحده كاذبه فكرة التواصل مع الناس ان انا بتواصل مع ناس بثق فيهم والوحده هي عدم احتياج الآخرين ممكن يكون بسبب ظروف حياتيه كمثال كنت بعد مع كذا وبحكيله كل حاجه وكذا خدعني او خانني فبضطر اخد خطوه للوراء من كذا وكذا وكذا وبالتالي ماثقش في الي حوليا, فالشخصيه الشكاكه بيكون عندها استعداد هائل للوحده الكاذبه بمعني ان انا خلاص وصلت لإن انا ماثقش في حد الا نفسي وبس.

النهارده هنتكلم عن تجنب زيادة الوزن في شهر رمضان الكريم, وخصوصاً في شهر رمضان كتير من الناس بتعمل عادات غلط بتخلي وزنهم يزيد فخلينا نعرف ايه هي العادات الي ممكن نعملها غلط في شهر رمضان اولها الحلويات كتير من الناس بتعمل قطايف او بسبوسه او هريسه ...الخ في شهر رمضان ودي بيكون فيها نسبة سعرات حراريه عاليه بالاضافه للدهون عشان كده لازم نحاول نستبدلها بسلطة الفواكه ونحاول نغير طريقة التحضير يعني بدل ما نعمل القطايف مقليه الي فيها 350 سعره حراريه نخليها 150 سعره حراريه ونخليها مشويه ودي اول نقطه بالنسبه للحلويات, اما بالنسبه للعصائر دي كلها بتكون مليانه سكر خصوصاً العصائر الجاهزه فبنحاول نتجنبها ونتجه لعصائر الفواكه الطبيعيه ونقلل من السكر عشان كده بنحاول نستغني عنها بجزء من المياه المعدنيه.

اما بالنسبه للبطاطا والسندوسه ...الخ ودي بتكون نسبة السعرات الحراريه فيها عاليه جداً لإن معظمها بتكون مقليه فبالتالي بتكون فيها نسبة سعرات حراريه عاليه ونسبة دهون مشبعه عاليه عشان كده لازم نقلل خالص من الاكلات دي ونحاول نستغني عنها لتجنب زيادة الوزن في شهر رمضان.

بالنسبه لزيت الزيتون كتير من الناس بتستخدمه وهو فعلاً مفيد جداً لكن بيكون فيه نسبة عاليه من السعرات الحراريه يعني معلقة من زيت الزيتون فيها 120 سعره حراريه فبنحاول نستخدمه بكميات معقوله في الطبخ والسلطه.

لا تتجنب السحور لإن السحور وجبه مهمه جداً لكن نكون ازكياء في تنويع الاكل الموجود في وجبة السحور ونحاول نركز علي الفواكه والخضار ونقلل من النشويات لإن قبل النوم زي ماحنا عارفين نسبة الحرق بتكون قليله جداً, كذلك لازم نشرب كتير من الميه بعد الفطار يعني بمعدل كوب من الماء كل ساعه.

اما بالنسبه للرياضه خلال شهر رمضان فلازم نتابع بممارسة الرياضه ولازم يكون الرياضه في مكان فيه تهويه معقوله مايكونش مكان مقفول او بمعني حر عشان مايفقدش السوائل من جسمنا وبالتالي ممكن يؤدي للجفاف, واحسن وقت لممارسة التمارين الرياضيه في شهر رمضان بيكون من نص ساعه لساعه قبل الفطار لان الفتره دي بيكون عندنا حرق كتير من الدهون وده بيساعد علي تخفيف الوزن وممكن نأجلها لبعد الفطار ولكن لازم نستني بعد الفطار من ساعتين لتلات ساعات عشان قبل كده بيكون الجسم مشغول بعملية الهضم, لازم نركز علي عدم ممارسة التمارين صباحاً في شهر رمضان لإن ده ممكن يؤدي الي انخفاض في سكر الدم ويؤدي الي الدوخه والعطش, واحسن انواع الرياضه في شهر رمضان هي الرياضات الخفيفه زي ( المشي - السباحه ) ونتجنب الرياضات الي محتاجه طاقه خصوصاً إذا مارسناها قبل الفطار زي كمال الاجسام دي تفضل تكون بعد الفطار وزي ما قلنا من ساعتين لتلات ساعات, وبكدا نكون لخصنا النقاط الي بيها نقدر نتجنب زيادة الوزن في شهر رمضان وازاي نمارس الرياضه في الشهر الكريم.

انك تخاف وتقلق ده احساس عادي وبشري لكن ان الخوف يسيطر عليك اكيد ده شئ مرضي ومن خوفك علي بكره تخليه يضيع منك ويجري وتحبس نفسك في سجن مجهول وكمان عليه تبكي, اوع تنسي ان بكره بإيد الخالق مش بيدك ولا بيدي.

الخوف احساس بشري وصحي كمان لكنه زيه زي اي شئ تاني لو زاد عن حده بينقلب ضده, واحنا فى الدنيا بنشوف ناس خايفه من الموت وناس خايفه من الفقر وناس خايفه من المرض وناس تانيه بتخاف من بكره ومن الي شايله, وناس تخاف من المجهول وللأسف الحاله دي منتشره اوي عند ناس كتيره يمكن بسبب الظروف والأحداث الي بنمر بيها ازاي هنتعامل مع شعور الخوف والقلق؟؟

الخوف مشاعر فسيولوجيه مشاعر موجوده عند اي حد في الدنيا كلنا بنخاف... المشكله هو انت بتعمل ايه بالخوف او الخوف بيعمل فيك ايه ؟؟ لكن احساسك بالخوف ده شئ طبيعي جداً ممكن تكون خايف علي ولادك على صحتك على مالك, هو الخوف انه يتحول الي خوف مرضي, بمعني ان لو حد قلك ماتعملش كذا عشان معملش كذا فممكن حجات كتير جداً ترهبني عشان اخاف والطرف التاني يكسب والانسان بينطبق عليه الشعور بكافته كمثال تهديد الابن او الاخ ...الخ لما بنتعرض للخوف بيحصل حاجتين مهمين جداً يا اما فايت او فلايت يعني يا اما بهرب بنزوي بخاف فعلاً يا اما بفايت او بهاجم او بقبل التحدي والفيصل بين كل واحد فينا هو انت هتنزوي ولا هتحارب او هتقاوم عشان كدا اللعب بالخوف في منتهي الخطوره, اوع تخوفني لان انت لما تخوفني يا اما هخاف يا اما هنفجر, محمود درويش كان عنده مقوله حلوه جداً بتقول ( إذا قلتها مت وإذا لم تقلها مت فقلها ومت ) الفكره ان احنا كتير جداً بنخوف الناس او بنخاف واكتر حاجه الانسان بيخاف عليها آمنه او الامان ممكن واحده تتجوز جوازه فاشله لإنها خايفه إنها تتأذي ان كان بدنياً او معنوياً, احنا مولودين بغريزة البقاء او بغريزة الدفاع عن الذات فلما بتخوفني بخاف على نفسي في الأول ولو الخوف ده تحول الي خوف مرضي هنعزل وهخاف وهفضل في الجوازه دي لإن انا خايف, لكن الخوف ده عباره عن سويتش وكل واحد علي حسب درجة تحمله يعني ممكن واحده تتجوز جوازه فاشله وتستحملها عشرين سنه وفي الآخر تقرر انها تطلق ساعتها خلاص قلبت السويتش يا اما كذا يا اما هطلق القصد ان لما الواحد بيوصل لدرجة معينة من التحمل يتحول الخوف الي إرادة تغيير وربما للعنف, وكل واحد حسب درجة تحمله يعني انا ممكن ارهبك سنه غيرك ممكن يخاف 6 شهور غيره اعلي غيره اقل وبما اننا من الشعب المصري واحنا عرفين الشعب المصري يصبر على جار السو خمسين ستين ويقول دول فكه فإحنا النقطه الحرجه عندنا بطيئه جداً, لكن انا شايف في المرحله الي احنا فيها كلنا مبقاش الناس تخاف .... خالص وده ايجابي لكن كل حاجه ليها شق سلبي, فكرة انك ماتخافش ده شئ كويس جداً لكن انك ماتخافش وتبقي متهور هي دي الخطوره, والي بيحصل دلوقتي مش مرحلة خوف دي مرحلة كراهية يعني ابقي خايف منك وبكرهك يا اما هخاف منك جداً وهبعد يا اما انا بخاف منك وبكرهك فهتحول الي انسان شرير او هتحول الي انسان عنيف وهأذيك.

فكرة اني اسمع كلام ناس ذكائهم محدود جداً اقل مني ويطلع يفتي في اي كلام والناس تصدقه لإن الناس بتخاف وهي دي لعبة الخوف, يعني انت بتخوفني بحاجه لا انا ولا انت ماسكينها ؟؟ طب اثبتلي ان انا هخش النار كمثال او شعب مصر كله مهدد بالقتل الجماعي زي ما كتير جداً بيفتو, كلام كله لا يخضع للمنطق وبالتالي لما يكون مركز التحكم بتاعي صاحي او عقلي شغال بشوف كل وجهات النظر بعدين بعقل وباخد قرار, كل ما يكون مركز التحكم بتاعك الداخلي وكل ما يكون الفرز بين الكلام الفارغ والكلام الجاد كل ما يكون ثقتك بنفسك أعلي, ثقتك بنفسك بتيجي من ايه ؟؟ بتيجي من شكلك - موضوعك - ادائك الاجتماعي بمعني شكلك حلوه ولا وحشه او حلو ولا وحش ومفيش حد وحش علي فكره كل واحد فيه جوانب كويسه وجوانب مش كويسه وربنا ما بيخلقش حد وحش الا اذا كان مهمل في نفسه زي ما ييجي حد يقلك انت عينيك حلوه شوف عينيك حدد إن كانت حلوه زي ما الناس بتقول بعدين ثق بنفسك, طيب موضوعك هو انت بتعمل ايه فحياتك فيه الي تكون ربة منزل ده دور مهم جداً ثقي بنفسك, كتير جداً يحصل خلافات بين الزوجين ممكن يكون زوجك عملي وانتي رومانسيه هو بيحبك بطريقته طب ليه ماتجربيش تحبيه بطريقته, هو لما يحب بيجيب شيكولاته ومابيجيبش ورد ايه المشكله كل واحد فينا بيعبر عن حبه بالطريقه الى هو شايفها.

السمنة مرض مزمن وخطير له مضاعفات خطيره ويصيب الملايين من الناس في العالم ويصيب الصغار كما يصيب الكبار.

ويعرف بأنه زيادة كمية دهون المتراكمه في جسم الانسان نتيجة تناول سعرات حرارية عالية تفوق حاجة الانسان في إستهلاك الطاقة وتخزن علي شكل دهون.

يوجد في جسم الإنسان من 30 الي 35 بليون خليه دهنيه واثناء الاصابه بالسمنه فإن هذه الخلايا إما ان تزداد حجماً او تزداد عدداً, وتقاس السمنة بمؤشرات مختلفه مؤشر كتلة الجسم (BMI) وكذلك بقياس محيط الخصر او محيط الخصر والحوض وقياس كمية الدهون وكمية العضلات والميه في الجسم ولكن (BMI) هو الاكثر استعمال بالرغم من وجود بعض السلبيات له وخصوصاً في الناس الرياضيين الي بتكون عندهم الكتله العضليه اكتر من الكتله الدهنيه, وهذا المؤشر له نسب تتراوح من 19 الي 25 ( نسبة طبيعية ) ومن 25-30 ( زيادة في الوزن ) ومن 30-40 ( بدانة ) وما فوق 40 ( بدانه مفرطة ), وتتم عملية القياس بقسمة الوزن / مربع الطول الكل في المائة.

السمنة لها اسباب متعدده منها اسباب وراثية توجد في العائلة ومنها اسباب هرمونية ( غده درقية ) واسباب تتعلق بالحمل وإنقطاع الدورة بعد سن الخمسين وقلة الحركة وكذلك اسباب نفسية مثل الاكتئاب او الغضب او الفرح الشديد فيلجأ هؤلاء من الطعام الي التفريغ عن مشاعرهم وهناك ايضاً عوامل بيئيه وعوامل نفسية.

السمنة لها مضاعفات كثيرة وخطيرة منها مرض السكر او ارتفاع ضغط الدم وامراض القلب والشريان التاجي وامراض المفاصل وكذلك امراض نفسية وامور تتعلق بالحمل والعقم وضعف الكفاءه الجنسية لدي الطرفين, وهذه المضاعفات ان لم يتم علاج المريض فسوف تتفاقم المشاكل في حياتة وتؤدي الي عوامل نفسية مثل العزله الإجتماعية ونقصان الثقة فى النفس والإكتئاب.

يتم علاج السمنة بطريقتين اما الطريقة المحافظة او الطريقة الجراحية, الطريقة المحافظة هي التمارين الرياضية والأنظمة الغذائية ( الرجيم ) تحت إشراف دكتور متخصص واستعمال بعض الادويه التي لا ينصح بإستخدامها لفترات طويله لما لها من اثار جانبيه, ومن الاساليب المحافظة منها استعمال البالون في المعده بعد عمل منظار للمعده وبتكون وظيفة البالون هنا تقليص حجم المعده وبالتالي كمية الطعام التي يتناولها المريض وبالتالي يشعر بالشبع التام, والبالون لا يمكن استعماله اكتر من 6 شهور او بوصف ادق من 3 لـ 6 شهور وعادة يسبق زراعة البالون بفحص المعده حتي يتم التأكد من عدم وجود قرحه في المعده او الالتهاب الجرثومي الحلزوني او فتق في الحجاب الحاجز, اما بالنسبه للعمليات الجراحية فهناك نوعين اما تصغير الحجم او عمليات التحوير ندعها للطبيب المختص حتي يتم التدقيق بشكل اوضح.

النهارده هنتكلم عن حجات تهمنا, حجات بنعاصرها في حياتنا اليوميه, حجات قد يكون ليها منافع, وقد يكون ليها أضرار, وقد يكون الضرر اكتر من النفع, هنتكلم النهارده عن العدسات اللاصقه مالها وماعليها.

العدسات اللاصقه دي وسيله من وسائل الابصار, احنا عندنا فى الوضع الطبيعي عند اكتمال نمو العين يصل حجم العين من 23 ل 24 ملل في الطول ودي بيحكمها نظام من العدسات قد تكون قوية او ضعيفه القرنيه والعدسه الداخليه للعين, فى تصميم العين إعجاز الهي بمعني الكلمه فى التكوين, في الوظيفه في الشكل, في كل حاجه, لو هنفكر في الوضع الطبيعي ان كتير من الناس لما بتتأمل في الكون بعد 6 متر لا يبذل مجهود ولا يبذل اي طاقه في تأمله في الكون وما خلقه الله سبحانه وتعالي, لو حصل اي خلل فيها هل هو من المنظومه ؟؟ بيحصل ما يعرف بطول النظر او قصر النظر او الاستريماتيزم والحقيقه التلات مكونات دول لأخطاء الانكسار او لعدم وضوح الرؤيه قد تظهر فى سن مبكر او اكثر ومعروف منها ما بعد سن 40 - 45 ببعد النقطه القريبه ( نظارة القراءه ) الي بنحتاجها في السن ده وده بيكون علي حسب حالة العين الاصليه.

بنصلحها بالنظاره الطبيه وعلي فكره ممكن يلبسها الاطفال سن 8 شهور لو هم محتاجينها, لازم نفتكر دايماً ان العين مخلوقه عشان حاجتين ( عشان نشوف بيها فى المراحل الحرجه - وعشان شكلها حلو ) ودي بتبقي مشكله للاب والام في الشكل ولكن لازم الطفل يقدر يشوف في السن المبكر كل شئ عشان تكتمل باقي اعضاءه تكتمل واتجاهاته فى الدنيا تكتمل ونمو مخه يكتمل بالتالي لو احتاج هيلبس نظاره, الطفل لما يكون عنده مشكله في عين واحده بيلبس وقتها عدسات لاصقه حتي في هذا السن ( 8 شهور ).

1- ممنوع استخدام العدسات اللاصقة دون اللجوء لدكتور متخصص.

2- القانون الامريكي قال ان استخدام العدسات فقط للطب وليس للتجميل لإن استخدام العدسات الملونه يعتبر تجميل واستخدامه بعدم وجود متخصص قد يؤدي الي العمي, اما في مصر فالقانون مختلف مثال يحدث لكتير مننا ان يكون عندنا فرح البنت تروح للصيدليه تجيب عدسات وتروح للكوافير وتركبها ومشافتش ان العدسه دي مناسبه تفرح بالعدسات وبالتالي تستمر عليها بعدها بفترات للأسف يجيلهم قرحه وفقدان الابصار وكمان ممكن نلجأ لعمليات كبيره جداً عشان نرجع جزء من الي كان عندهم, القانون في مصر لازم يطبق, مفيش استخدام للقوانين سواء في محلات النظارات او العدسات اللاصقه الي بتتباع احياناً فى الاكشاك والصيدليات والكوافير.
منظومة النظر في العين :

تبتدي بالقرنيه الجزء الامامي من العين ودي وظيفتها انها تجمع الصوره علي مركز الابصار في الشبكيه اوقات بيتجمع قبل او بعد الشبكيه علي حسب قصر النظر او طول النظر القرنيه هي العدسه المحدبه الاماميه وراها العدسه الداخليه, قد تكون القرنيه قوية او ضعيفة علي حسب حالة كل شخص فبالتالي بنيجي نصلح الكلام ده بنظاره طبيه او نجيب سطح نحطه علي سطح القرنية ( العدسه ) وهنا المشكله الاولي العدسات الي بتتباع في السوق مش كلها مقاس عنينا يعني ماينفعش بدله نلبسها كلنا ( جاكيت مقاسه 46 يصلح لكل المصريين ) طبعاً لا يصلح لإن تحدب القرنيه يختلف من شخص لشخص يبقي دي اول مشكله بتقابلنا فى العدسات الشائعة, العدسه بتغير من القرنية سواء تضعفها او تقويها علي حسب مقاس عين الشخص.

مهم جداً ان نعتني بالنظافة الشخصية في الاستخدامات دي يعني لابد نغسل ايدينا وفي بعض الاحيان بنغسل الوجه بالكامل عند لبس او خلع العدسات اللاصقة عشان لو فيه ميكب في الوجه او استخدام الايد في السلام مثلاً او عمل شئ كل دي ترسيبات بتدخل جوا العين كذلك لازم نعاين محلول العدسه فيما معناه ان لو المحلول مش نضيف هنغير المحلول, الفكره كلها في العدسات ان احنا عندنا في الجفن الي فوق والجفن الي تحت يمنع ان احنا نستخدم العدسه في عنينا فبنفتح صندوق العدسه وناخد العدسه ونحط عليها نقطة محلول والكلام ده وقت ما نلبس او نخلع العدسه وندعك ببساطه بايدينا ونبدأ ناخد العدسه علي صباعنا والفكره كلها ان احنا نفتح الجفن الي فوق والي تحت ونبدأ نلبس العدسه بكل سهوله.

زي ما بنقول كده لازم مانخافش من العدسات اللاصقه لو هنحترمها يعني مانخافش من امراض لو هنحترمها, العدسه زي ما بنقول بتكون بين سطح الجفنين ولازم برده نفس القصه النظافه الشخصية ولازم يكون البوكس او الصندوق بتاع العدسه جمبنا والمحلول موجود جمبنا بعد الغسيل ننشف ايدينا ووجهنا كويس ولازم عشان نشيلها نفتح العين كويس زي ما قلنا بالايد الشمال صباع للجفن الي فوق وصباع للجفن الي تحت ونبدأ نحركها لتحت واحنا بننظر لفوق لحد ما تسقط من القرنيه من المكان المظبوط عليها وناخدها بين صباعنا ونحط عليها نقطة محلول ( محلول مش مية حنفية ولا ميه بملح ) ونحطها في الصندوق بتاعها بمنتهي اللطف.

مفيش عدسات شهرية ولا اسبوعية ولا سنوية, العدسة سطح فيه ميه بيجمع تراب وافرازات على العين طول اليوم والبكتيريا الي على الجفن مع استخدام العدسه بطرق غير محكمه بتتحول لبكتيريا شرسه, واجمع العالم كله ان العدسات لازم تتقلع يومياً.

السطح الموجود علي سطح العين ( العدسة ) بيجمع التراب والافرازات وكل حاجه مفروض نشوف بالعدسات رؤيه واضحه وجميله ومفيش فيها اي زغلله, ناخد بالنا من الميكب الي بيتحط فإن حصل  احمرار في العين او زغلله في الرؤيه مباقتش شايف زي الاول او حساسية شديدة للضوء او تدميع للضوء حصل اي حاجه من الحجات دي ارجوكم نخلع العدسة حطها في محلولها ونروح فوراً للدكتور لإن ده قد يعكس خدوش في القرنية ودي بتحصل نتيجة الإهمال ونتيجة الجفاف او ان العدسة مش مناسبة لسطح العين عندنا ومقاسها مش مقاسنا ويحصل خدش في القرنية وبنعرفه بفحص الميكرسكوب لإن نتايجه في منتهي الاهمية ومنتهي القسوة.

النهارده هنتكلم شوية عن السيدات اكثر من الرجال, وكلامنا النهارده عن ان السيدات دايماً بتهتم بجمالها قبل الجواز وبتعمل كل المقاييس عشان تتجوز وبعد ما بنتجوز بننسي الموضوع ويبتدي يحصل شوية تغيرات فى جسمنا خصوصاً بعد الحمل والولاده ودايماً بنقول ان ده نتيجة الحمل, وفيه اجزاء منها فعلاً بتكون نتيجة الحمل والولاده لكن اغلبها بتكون نتيجة عادات سيئه بنرتكبها وبننسي جسمنا وبننسي شكلنا وبنهتم اكتر بولادنا وحاجات تانيه وبننسي ان جمالنا مهم جداً لحياتنا الزوجيه بشكل عام ان احنا نفضل محافظين دايماً على شكلنا وعلى جمالنا خصوصاً بعد الجواز.

العادات بعد الزواج :

عادتاً السيدات بتبقي بتشتغل قبل الجواز او بتدرس او بتتحرك او بتمارس حياه بشكل اكبر وبتاكل كمية اكل معقوله وبتحافظ على جسمها وعلي شكلها قبل الجواز, ييجي بعد الجواز اما بنعد فى البيت او بيحصل حمل وماما تقلك لازم تاكلي ليكي وللبيبي ونبدأ ناكل كميات كبيره وفنفس الوقت الحركه يا بتقل يا بتنعدم لان قاعدين فى البيت مابنعملش حاجه بعد ما كنا بنتحرك بنشاط كبير قبل الجواز, فيحصل تغيرات فى جسمنا وبيكون تراكم دهون كتير خصوصاً بعد العمليات القيصريه وعمليات الولاده بيحصل ان السيده بتنسي نفسها ومهتميه بالمولود او المولوده وتبدأ تنسي شكل بطنها وتاكل عشان ترضع وتاكل عشان تكون لبن اكتر.

لما بيحصل الحمل بيكون فيه شوية تمدد والجسم بيبدأ يزيد شوية ومفروض الوزن بيزيد من 10 الي 12 كيلو اثناء الحمل وده نتيجة وجود الجنين لكن سعات الرقم بيوصل ل25 و ل30 كيلو ودي لأسباب مرضيه نقدر نعالجها لكن عادتاً الي بيحصل ان بتبقي السيده ريحت وبيبدأ الوزن يزيد بشكل كبير جداً, طيب الي بيحصل ايه ؟؟ ممكن يحصل كلف في البشرة او في البطن وممكن يحصل تضخم شوية فى الثدي وبيحصل دهون علي البطن وترهل فى العضلات.

بالنسبه للجلد بيحصل ستريتش مارك او علامات التشقق فلما البطن بتزيد اوي بيبدأ الجلد يتشقق وده ناتج عن ان السيده ماكانتش بتشرب ميه كتير او مابتدهنش بطنها بكريمات ترطبها عشان تحافظ علي مرونة الجلد فيبتدي الجلد يتشقق واول ما الجلد بيتشقق بيكون لونه احمر وبعد كدا بيبقي لونه ابيض واحمر ده سهل نقدر نضيعه بنسبة 90% بإستخدام بعض الكريمات وبعض الأشياء الي ممكن تخفيها تماماً لكن لما بيبقي ابيض او ياخد لون الجسم او اغمق شوية او افتح شوية بيبتدي مابيبقاش ناجح جداً فى علاجه ووقتها مابنقدرش نحسنه اكتر من 30% الي 40%, فيبقي اهم حاجه للسيده فى الوقت ده انها تشرب ميه كتير وتاكل سلطه خضراء وتاخد فيتامينات وماتاكلش اكتر لنفسها ( تاكل لنفسها بس ) ومن اول الشهر الخامس او السادس اول ما تبدأ البطن تكبر بشكل كبير ان احنا نبتدي نلعب شوية تمارين بطن اسهلها خالص ان احنا نشفط بطننا من 10 لـ 15 مره كل يوم.

بالنسبة للسيدات الي حتي بعد الجواز تلاحظ ان حجم الثدي لا يزيد فإليكي بعض المعلومات, الثدي لا يزيد حجمه بواسطة كريمات وكل منتجات تكبير الثدي مضلله الا بأحد الطريقتين اما بنحط كيس سليكون وكبسولة السليكون خلف الثدي عشان حجمه يزيد او اننا نحقنه بالدهون والخلايا الجذعيه عشان حجمه يزيد, ولازم عشان حجم الثدي يزيد لازم يكون فية شوية جلد زيادة بين الخلايا الجذعيه والدهون ودي وسيله سهله اسمها البروفاتيك نيك فبنستخدم بعض الاساليب الي بتزود مساحة الجلد قبل العمليه عشان بعد كده نبدأ نوصل لحجم الثدي الطبيعي الي احنا عاوزينه, اما بالنسبه للوسائل الي على التلفزيون وبتقول الكريم الي بيكبر وبيزود ...الخ ده دجل طبي لا تتعرضي له وكل دي فلوس على الفاضي, مع الأسف حل السيدات فى تكبير الثدي لابد لها من عمل جراحي ولكن سهل جداً مابتاخدش اكتر من نص ساعه فى غرفة العمليات وبتنتهي العمليه والموضوع بيبقي تمام ومفيهوش مشكله ولا اي حاجه والجرح بيبقي مخفي تماماً, جرح الثدي محدش بيشوفه لانه بيكون تحت الثدي او جانب منطقة الحلمة او تحت الابط , دول مناطق جراحيات الثدي, وبالنسبة للفتحات الدهنيه فهي لا تحتاج لجراحيات بل عن طريق سرنجات وفتحات لا تزيد عن 1 ملل او اقل الي هي سن الابره وبالتالي نبدأ نحقن الثديين فى المناطق الي قلناها وبنوصل للمعدل الطبيعي الي احنا محتاجينه.

ناس كتير تفتكر ان الثدي الكبير شكل جمالي بل بالعكس ده بيأثر على فقرات الرقبه بشكل وفقرات الظهر وبيعمل تقل شديد جداً وآلام شديدة جداً فلازم طبعاً مش نشيل الثدي كله فإحنا بنقول للسيدات ان تصغير الثدي ليست عمليات تجميل فقط بل عمليات طبيه ايضاً ودي ممكن في حالات معينه انها تدخل لعمليات إستإصال للثدي وبتحتاج متابعه مهمه جداً لإنها بتكون نتيجة حمل شديد جداً على الفقرات الظهر والرقبه.