عن السعاده دايماً بنسأل الف سؤال وعن معناها بيدور مابيننا جدال, في الصحه نلاقيها ولا في العيال !! يمكن تكون في الجاه او جايز في المال, بس الاكيد في وجودها هموم كتير بتتزال وييجي معاها راحة البال وصلاح الحال, السعاده هدف اي انسان في الدنيا لكن ازاي نوصل للهدف ده وازاي نعيش بيه في امور حياتنا ؟؟ ده هيكون موضوعنا النهارده.

مفيش حد فينا مش عايز يعيش السعاده فكل تفاصيل حياته وده الي يخلينا دايماً في حالة بحث عن مسببات السعاده, لكن ياتري هو ايه اصلاً معني السعاده ؟؟ وازاي تتحقق ؟؟ وهل فعلاً هي احياناً مبتبقاش موجوده فحياتنا ولا هي موجوده واحنا الي في غفله عنها.

اي مشاعر انسانية عباره عن حاجتين حاجه اسمها تجربه انفعاليه الي هو انا بحس بـ ايه وحاجه اسمها تعبير انفعالي الي هو انا بعبر عن الي بحسه ازاي, السعاده الحقيقيه هي ان يكون تجربتك الانفعاليه يخلي ما تحسه فعلاً هو السعاده وصفاء البال مش الي بنظهره للناس ممكن نبتسم طول اليوم في اي وجه واحنا مش سعداء وبالتالي ما يظهر للناس لا يمت بصله عن ترجمة ما بداخلك, فالسعاده هو ما تحس بيه وتعبر عنه, السعاده ان الي بتحس بيه وبتفكر فيه ماشي جداً مع تصرفاتك, فيه فيلم شهير جداً لـ جون ترافولتا اسمه برايمري كالرز بمعني الترجمة الاساسية والفيلم فكرته ان كلنا بنتولد بالوان اساسية واساسية بمعني مبادئ ومثل واخلاقيات فلما بنمشي في الدنيا وبنطلع لفوق حجات بتقع مننا مُثل بتقع او مبادئ بتقع نتيجة ان انت بتكون مضطر تتفاعل مع الدنيا فبالتالي بتكون مضطر تتنازل عن حجات وانت طالع, فالسعاده تكمل بإنك تحافظ علي الوانك الاساسية مهما تكبر يعني كمثال فلان الي كان عارف كويس اوي ان الصدق ده حاجه مهمه جداً في حياة الانسان والكذب سىء ولما يكبر يكون عنده 30 او 40 سنة زي ماهوا يفضل فلان زي ما هو ويفضل فلان صدوق, فـ ايه هي الحجات الي بتقع منك وانت بتكبر او وانت بتعلي في المجتمع في جواز او في شغل هو ده المقياس الحقيقي للسعاده.

هل ده ضعف اني اتنازل عن مبادئ او قيم او ...الخ المشكله ان الناس هدفها الاصلي هو الهدف مش الرحله يعني صعود الجبل احلي حاجه فيه مش انك تطلع فوق بالعكس الرحله بتكون احلي ما فيها ولكن لحظة وصولك لقمة الجبل لا افاده من اى شىء, احنا بقي بنهتم بالهدف الاخير ولا نهتم بالرحله ( السعاده في التفاصيل ) الانجليز عندهم مثل حلو اوي يقلك ( الحياه هو ما يحدث عندما تكون مشغول باشياء اخري ) يعني انا وانت عمالين بنتكلم اهه راح من عمرنا حوالي خمس دقايق عملنا, وهي دي الفكره ان الانسان دايماً بيأجل سعادته لحين تحقيق اهدافه الاساسية مع ان السعاده ان انا اعيش تفاصيل حياتي اليومية بمعني ان وانت بتاخد حمامك الصبح بتستمتع بحمامك اليومي, وانت بتشرب القهوه اشرب القهوه مش تفكر هتعمل ايه بعد ما تشرب القهوه, والفكره في انك تستمتع بكل ما تفعله وهي دي السعاده, السعاده الحقيقية في التفاصيل الي بنعيشها, بمعني ان انت بتنسي التفاصيل الاساسية بتاعتك الصغيره وبتأجلها يعني بتأجل انك تستمتع بفنجان القهوه بتاعك وبتأجل انك تستمتع وانت راكب عربيتك بدل ما تروح مشوار تعد تزعق طول النهار وتبقي مستعجل استمتع بوقتك, الغرض انك بتأجل حياتك ومستني انك تصل لحاجه ابعد وبكدا النتيجة تكون ان الالوان الاساسية بتاعتي بتقع وتخليت عن شعوري بالبهجه وتخليت عن الطفل الي جوايا وتخليت عن ان انا مبقاش منافق اوي وتخليت عن ان مبقاش كداب اوي وتخليت عن ان انا ماغدرش بصاحبي, فالسعاده عملية معقده جداً والانسان الي بيفقد الطفل بداخله والانسان الي بيكف عن الاندهاش لا يمكن يكون سعيد, كلنا كنا اطفال بس كبرنا ولازال الطفل موجود بداخلنا هو الي بيدينا السعاده الحقيقية الا لما تصل لمرحله عظيمة جداً والي هي ( تحقيق الذات ) ان فلان بيحلم انه يكون عنده عربيه قيمه جداً وبالفعل اصبح فلان عنده عربيه قيمه جداً, القصد انه يكون حقق كل ما يبتغيه علي اي وجه مثلاً علي المستوي المادي - الاجتماعي - المعنوي, بعد ما نصل لمرحلة تحقيق الذات بندخل في مرحله غريبه جداً والي هي ( مرحلة العطاء ) او مرحلة الايثار والي هي ان فلانه عاوزه بنتها تبقي اعلي منها فبالتالي هي حققت الي كانت عوزاه ودلوقتي لغيرها وان سعادتي بدأت تتحقق في الآخرين بس دي مرحله صعبه جداً ولازم الاول احقق او اكون وصلت لمرحلة ( تحقيق الذات ) فمشكلتنا ان احنا بنأجل سعادتنا لأهداف ممكن ماتتحققش, اسعادي بالوقت الي انا فيه عشان كده انا بحب جداً dayend ايند وبكره جداً حكاية weekend ودي فكرة الويك ايند ان انا بأجل راحتي لآخر الاسبوع وليه نمحي الداي ايند كل يوم ليا ساعه اعمل فيها مابدالي اغني ارقص اقرأ اصلي المهم اعمل الحاجه الي انا حاسس اني هكون فيها بعمل الي انا عاوزه, وهي دي فعلاً السعاده ( السعاده في الرحله مش في الهدف ) استمتع بالرحله من اول فنجان القهوه لغاية العربيه لغاية تحقيق الذات لغاية تحقيق العطاء يعني استمتع بالتفاصيل دي لا تؤجل السعاده.

السعاده مسؤلية كل مواطن والسعاده قرار واختيار بمعني انا بحب فلانه بس فلانه تاعباني جداً فعيشتي ففلانه حولت حياتي من سعاده الي تعاسه فلازم اخد قرار ممكن احب فلانه وابعد عنها وممكن احب فلانه واستثمر في فلانه لغاية ما تتعدل او امشي فلانه طبعاً مش الرك علي فلانه بس لا فلانه او شغل او اي حاجه, واحنا مشكلتنا في حياتنا اننا بنأجل قراراتنا, انا ضد تماماً فكرة الطلاق لكن لو عايشه حياه تعيسه ومفيش امل في اصلاحها ايه يجبرك انك تكملي, وانا ضد فكرة الطلاق مش عشان وحش لا انا ضد فكرة ان الواحد يستسهل الطلاق وبعض الناس مابتبقاش عاوزه تستثمر في العلاقة الانسانية, الهدف مش في الاستمرارية ولا استمرارية في صداقة ولا استمرارية في علاقة لا الهدف ان انا ابقي مبسوط فيها ممكن ابعد المساحات بدل ما بكلم واحد صحبي كل يوم ويضايقني خلاص اتخذ قرار واكلمه كلا اسبوع, وعشان كده السعاده قرار زي الي قال اكسات بادجز بمعني ان انا مباشلش علي كتافي حجات مش محتاجها في السفر, يعني طول ما انت ماشي كدا فكر هتلاقي نفسك شايل علي كتافك حجات مش محتاجها خالص, شايل علي موبايلك اشخاص مش مهمين خالص بس بيعكننوا عليك, شايل علي دماغك مشاكل مالكش علاقه بيها خالص, فالفكره ان كل انسان هو الانسان الاوحد المسؤل عن سعادته فلو استنيت الآخرين يسعدوك هتبقي مشكلة كبيره جداً مش عشان مش هنلاقي لا ممكن زوجك يسعدك ممكن اخوك يسعدك ..الخ لكن لو انت مش هتسعد نفسك بنفسك مشكله كبيره جداً وهي الاعتماديه علي الآخرين, عشان ماخرجش عن موضوعي المهم عندي اني استمتع بحياتي استمتع وانا بسوق عربيتي وانا رايح شغلي عندي مشكله في البيت خلاص لما اروح البيت ابقي احلها وطبعاً ده مايخلينيش استهتر لا الاستهتار ده موضوع تاني لا خلي كل حاجه بمعاد ومن غير ما نتمادي, والفكره فكرت ان انا اقرر ان في اللحظات الي استطيع فيها اني اكون سعيد اكون سعيد وزي ما قلنا السعاده قرار.

النهارده حديثنا عن التغذية وعلاقتها بالشعر واسباب تساقط الشعر وازاي ممكن نحافظ علي شعرنا بطريقة صحيحة بالتغذية, الشعر عبارة عن انسجة بيتم تكاثرها بشكل دوري ودائم وفيه عوامل كتير بتأثر عليه ( عوامل بيئية - عوامل تغذوية ) ومن اهم العوامل الي ممكن تؤدي لتساقط الشعر هو سوء التغذية بحيث ان بيكون فيه نقصان عوامل هامه او اتباع نظام رجيم حاد جداً وقاسي بيؤدي لتساقط الشعر او ادويه معينه, ممكن من دلوقتي نسيطر علي تساقط الشعر بكتير من البروتينات ومعروف ان البروتينات ليها دور اساسي في شدة الشعر ونقصان البروتينات والاعتماد علي بروتينات قليله اخري يؤدي الي ضعف النمو للشعر.

عندنا فيتامين b بأنواعه بيدخلو في عملية تكوين الشعر وتطويلة فبالتالي نقص الفيتامينات دي هتؤدي الي تساقط الشعر والفيتامينات دي ممكن نحصل عليها من خلال من الحبوب الكامله والبقوليات والخضروات والفواكه ولو اخدنا الكميات المناسبة الي محتاجينها عمر ما هيكون فيه تساقط للشعر إذا مكانش فيه عوامل اخري هتؤدي لتساقط الشعر زي الادوية او عوامل بيئية.

طبعاً معروف ان البروتينات ممكن نحصل عليها من خلال اللحوم والفراخ والاسماك والبقوليات والمكسرات

الزنك :

والعنصر الاخر المفيد جداً هو الزنك وده من مكونات الشعر الاساسية ونقص الزنك عادتاً بيؤدي الي الشعر والزنك بنلاقية برده باللحوم والحبوب الكامله والبقوليات فعادتاً لو فيه تساقط للشعر ممكن الطبيب يوصف حبوب الزنك إن كان سبب تساقط الشعر هو نقص التغذية ونقص مستوي الزنك في الدم.

وآخر واحد والي هنركز عليه اكتر هو فيتامين a وده مهم برده للشعر ولكن فيه ناس لما تعرف ان فيتامين a مهم للشعر بياخدوه بشكل دوري وبكثره ولكن زيادة فيتامين أ بتسبب الصلع وتساقط الشعر وبالتالي لازم نركز عليه جداً ان لحد الكميات المسموح بيها يومياً مفيش اي مشكلة لكن زيادتة عن الحد الطبيعي واستخدامه بكميات كبيره وافراط في استخدامه ولفترات طويله بترفع مستوي فيتامين a في الدم وده هيعمل ردة فعل عكسية وهيتسبب في تساقط الشعر.

الدهون الاساسية زي زيت الذرة وزيت الزيتون وزيت السمك والمكسرات ودي برده عناصر هامة للمعان الشعر والحصول علي شعره صحية وسليمة.

الغذاء المتوازن الي بيحصل علي 5 مجموعات غذائية خضروات وفواكه وطبعاً دول بنركز عليهم لإن معظم الفيتامينات والمعادن الي بنحصل عليها بتكون موجوده فيهم بالإضافة للبروتينات بكميات كافية لإنها اساس في تكوين الشعره والدهون والزنك وفيتامين a ودول اهم مكونات الشعره الصحية.

كتير من الستات بيعانو من مشاكل البشرة وكتير بنسأل إزاي ممكن نسيطر علي التجاعيد او البقع او حب الشباب الي بتظهر وطبعاً السيدات بتكون اغلب اهتمامهم بالبشرة لان واجهة الست بالوجه واحنا بنقول ان التغذية وإن التغذية السليمة هي الي تقدر تدينا بشرة سليمة بالاضافة ان فيه عوامل تانية ممكن تأثر علينا زي الشمس وعدم النوم والتدخين وعدم ممارسة الرياضة كل دي عوامل ليها اثار سلبيه علي البشرة, من ناحية التغذيه فهي نوعين تغذية داخلية وخارجية والخارجية الي هي الوصفات الي بتتحط علي الوجه من الفواكه او الخضار والتغذيه الداخلية هي ان احنا ناكل اكلات صحيه والي بتكون افضل والي هتعكس علينا بشرة جيده.

هنبدأ فيهم عنصر عنصر او عامل عامل, لكن لما نتكلم عن بشرة نتكلم عن اهم اشياء ليها علاقة بالتغذية مثل ( الخضار - الفواكه ) وبتدينا الفواكه والخضار كمية كبيرة من مضادات الاكسده وبتدينا كميات كبيرة من الالياف والفيتامينات والمعادن المهمه الي بتدينا بشرة نضره.

ما هي مضادات الاكسدة :

هي عبارة عن فيتامينين فيتامين e وفيتامين c وليهم دور كبير في حماية البشرة من البقع فلما يحصل اكسدة في خلايا الجسم تاخد مضادات الاكسدة فتمنعها من التأكسد فبتخلي خلايا الجلد طبيعية مفيش فيها اي مشاكل, اما بالنسبة لفيتامين b وده خصوصاً لمضادات البشرة وده نقصه بيؤدي لتشققات البشرة والتهابات في الجلد فبالتالي عدم وجودهم بيتسبب في هذه الامراض.

الخضار والفواكه من اهم العناصر والمجموعات الغذائيه الي بتخلي بشرتنا نضره.

تاني عنصر هو الميه مهم جداً انك تروي البشرة وقلة الميه في الجسم بينعكس تماماً علي البشرة بظهور التجاعيد مبكراً وجفاف البشرة وبينعكس علي الوان غير طبيعية في البشرة لإن البشرة بتزيل السموم وبتسحبها من البشرة من خلال الكلي.

بالإضافة لكده البروتينات مهمه جداً فأساس البشرة عبارة عن بروتين ونوعيات الدهون, والدهون الي بتاكلها بتنعكس مباشرة على البشرة فمثال إن اكلنا شيكولاه فيها دهون غير صحيه هتنعكس علينا مباشرة علي البشرة بظهور حب شباب علي الوجه, لازم نركز علي الدهون النباتية وغالباً زيت الزيتون ونبتعد عن الدهون المشبعة والي هي الدهون الحيوانية حتي لما ناكلها لازم نتأكد ان مصدرها موثوق فيه, مناكلش اي شيكولاه او لحمه من مصدر رخيص تحتوي علي دهون تكون غالباً مش صحيه وبالتالي بينعكس علي البشرة.

هنتكلم كمان عن الحليب لإن الحليب فيه هرمون النمو ووجود هرمون النمو بشكل اعلي بيأثر علي البشرة عشان كده نلقي الدكاتره بتنصح الي بيطلعلهم حبوب بالإبتعاد عن الحليب ,والي ممكن تتأثر بشرتة بهرمون النمو يفضل الابتعاد عنه لكن لازم يكون فيه بدائل عن الحليب بحيث مايكونش عندنا نقص في الكالسيوم والعناصر الموجوده بالحليب.

لازم ننوه ان زيادة العناصر دي ممكن تتسبب في مشاكل اخري, لازم نعمل توازن في الاكل بخضار بفواكه بحبوب كامله ( السمسم ) ببروتينات بالحليب ليتناسب مع البشرة وده هيؤدي الي الحصول علي بشرة نضره بالاضافة الي ساعات النوم الكافيه وشرب المياه وممارسة الرياضه والابتعاد عن التدخين ما امكن وده هيساعد بتحسن واضح وملموس علي البشرة إن شاء الله تعالي.

حديثي اليوم عن النباتات والاعشاب الطبيه التي تفيد في علاج الديدان والطفيليات, فالاعشاب والنباتات الطبيه مفيده في هذه الناحيه والتي تعالج الديدان وخاصة عند الاطفال تتسبب لهم في حكه عند الصباح كما تسبب لهم ضعف تحلل الاكل حتي لو كانت الشهيه مفتوحه بالقدر المناسب وتتسبب في فقر الدم وكذلك الاميبا التي تسبب مغص معوياً متكرر وقد تسبب اسهال مدمم او فيه مخاط.

نعالج هذه الامراض بتقديم وصفة مجربة لعلاج الديدان بتناول بعض الاعشاب التي لها اثر واضح ومجرب وعليه دراسات في علاجه وعلي رأسها نبات الثوم إذا خلط بقليل من اللبن في الخلاط وتناولنا منه كوب فقط يومياً علي الريق لمدة 10 ايام متتالية نقضي تماماً وبإذن الله علي الديدان والطفيليات.

علاج بديل آخر :

ايضاً نبات الشيح والقيسوم مفيدان جداً لهذا الغرض فنغلي الشيح مع القيسوم وشرب من 2 الي 3 اكواب يومياً لفتره تتراوح من 10 الي 15 يوم حسب شدة المشكلة فتزيل نهائياً وإن شاء الله الديدان والطفيليات.
نصائح :

وننبه علي ان هذه الاعشاب فيها مراره لذلك تحليتها بالعسل مهم حتي يتقبلها الاطفال الذين يعانون من هذه الاشكالات.

الوقايه خير من العلاج تجنب تلوث المأكولات والمشروبات وعدم شراء اطعمه مكشوفه او مشروبات مكشوفه من الشارع, ومن هنا تصبح الوقايه هي الصبيب الامثل من هذه المشاكل الصحيه.

سجن اسواره عاليه وسدوده ماليه وكل ما فيه الم وافكار كئيبه بيخلق دنيا صعبه فيها هموم كبيره مليانه مشاعر قاسيه واحاسيس حزينه وده حال كل واحد في الدنيا عايش فيها لوحده حتي لو حوليه ناس كتيره, الوحده احساس صعب ربنا ما يكتب علي حد يعيش الوحده, الوحده اقصي شعور ممكن يعيشو اي حد في الدنيا والشعور ده بيبقي مفهوم لو كان الشخص ده فعلاً ملوش علاقات كتير او مفيش حد حوليه, الغريب بقي نلاقي حد حوليه اشخاص كتير ويحسو بالوحده ازاي الناس الي عايشين الوحده دي ويخرجوا منها ويتغلبو عليها هو ده موضوعنا النهارده.

الاول اكتر حاجه بتسبب التعاسه في الدنيا هي الناس التانيه او الي حولينا, جون بون سارتر عنده مقوله حلوه اوي بتقول ( الجحيم هو الاخرون ) يعني لو سألت اي حد وقلتله ايه الي مضايقك هيكون رده انه مضايق من شخص معين وبالتالي فيه مقوله اخري لدي الكاتب ايليوت بتقول ( الجحيم هو الوحده ) انك تبقي وحيد هو ده الجحيم فعلاً الي في الدنيا فحياتنا كلها بتتأرجح بين هل افضل ليا كانسان ان اكون في وحده ولا اكثر انفتاح علي العالم, انواع مختلفه من الوحده عندنا وحده اختياريه وعندنا وحده جبريه والوحده الاختياريه اني اكون اخترت اني ابعد عن الناس بكامل قواي العقليه وبكامل ارادتي واكثر اسباب الوحده الاختياريه هو الاكتئاب والانسان المكتئب بيفضل جداً الجلوس مع نفسه والآداء الاجتماعي دايماً يهبط او ينزل الي أدني مستوياته وبتنتهي ان المكتئب يفضل جداً جداً الجلوس مع نفسه بعد كدا مايفضلش يقعد مع نفسه بعد كده يروح ناحيه تانيه خالص ( الجنون ) فدي الوحده الاختياريه, لكن فيه وحده جبريه بمعني ان انا اتخلقت كده يعني مثلاً فيه عندنا الشخصيه الانعزاليه هو شخص بيفضل جداً يبقي في حاله وفيه برده الشخصيه الاجتنابيه وده بيكون حاله انه بيخاف يتواجد في مكان فيه ناس ولما ينجبر على انه يقعد في وسطهم بيبقي وضعه الاجتماعي سئ جداً وبالتالي بيفضل انه ياخد خطوه للوراء, وبالمناسبه ده ميبقاش ضعيف الشخصيه زي ما بنقول عليهم لإن مفيش حاجه اصلاً إسمها ضعيف الشخصيه ممكن يكون عندنا خوف إجتماعي او رهاب اجتماعي وده بيكون اداءه الاجتماعي مش في المستوي المطلوب, الغربه مش غربة أشخاص بل الغربه غربة مشاعر واحاسيس كمثال ممكن ابقي قاعد مع اقرب الناس ليا وحاسس ان انا غريب وممكن ابقي قاعد لوحدي وحاسس اني مش غريب وزي ما بيقول الشاعر ابراهيم عيسي ( وبخاطري شمت تضئ حياتي ) يعني ممكن ابقي قاعد مع نفسي وبفكر في حد او حد مستحوذ عليا يبقي انا مش محتاج حد تاني ففكرة الغربه لو هي غربه حياتيه مستمره او بمعني ادق يبقي طبع يعني, فيه بعض الشخصيات لا تستطيع العيش بدون الآخرين وبعض الناس بيبقي سعادتهم داخليه او بالطب النفسي مركز التحكم بتاعك فين فيه ناس مركز التحكم بتاعهم خارجي وناس مركز التحكم بتاعهم داخلي بمعني ان انا مسئول عن سعادت انا وانا المسئول عن نجاحه وانا المسئول عن فشله وانا المسئول عن تعاسته يعني الشخص ده بيكون متصور ان هو الي بيصنع سعادته او نجاحه او تعاسته, فيه ناس تانيه مركز تحكمها خارجي يعني انا بحس ان سعادتي مع الاخرين او نجاحي بمساعدة الاخرين او تعاستي بسبب الآخرين وكل ما يكون عندك مركز تحكم داخلي جيد كل ما كنت انجح في حياتك لإنك معتمد علي نفسك بس ولما يكون مركز تحكمي خارجي ببقي دايماً محتاج لوجود الآخرين بيبقي محتاج دعم مستمر.

 الشخصيه الاجتنابيه الي هو ابقي نفسي اعد مع الناس بس بتوتر من الناس بمعني ان ثقتي بنفسي اقل من المفروض بيكون عنده صعوبه جداً في التعامل او انه يعزم حد عنده في البيت يعني مثلاً ان حد جي يتعزم عندي في البيت دي تبقي كارثه ودول بيحسو بخوف شديد من اي تأثير غلط او تصرف غلط يعني اكتر حاجه بتسبب الارهاب الاجتماعي ان يبقي منظري وحش قدام الناس فبالتالي لو مسك حاجه قدام الناس تقع من ايده فبيكون عنده رعب اجتماعي للتواصل مع الناس, وعلاقة ده بالخجل الزائد عن اللزوم ممكن يكون مرتبط باماكن يعني مثلاً ممكن اخجل ان انا اطلع في التلفزيون او اخجل ان انا ادي محاضره او اخجل اني اكل قدام الناس وطبعاً بتختلف من شخص لآخر حسب حاجه معينه جواه يعني مثلاً ممكن واحد يبقي عنده خجل انه يتكلم في التليفون يعني مثلاً اطلب اكل يرد لا اطلب انت - طب ده اكل وبعدين انت هتكلمه في التليفون مش هتشوفه, لما الخجل او الرهاب الاجتماعي يبقي مرتبط بالخجل بنسميه الشخصيه الاجتنابيه وحلها او علاجها ان احنا نعرف هل الخجل ده او الرهاب ده مرتبط بحدث معين يعني مثلاً تخجل تطلع علي التلفزيون بس وتعمل كل حاجه بشئ طبيعي ده عادي جداً مفيهوش مشكله اما لو هو خجل اجتماعي عام بنبدأ بالعلاج السلوكي وهي بعض التدريبات ان لزم الامر ثم العلاج الدوائي.

مريض الوسواس القهري ده بيلاقي حجات غريبه بتحصل في حياته كمثال حاجه تمنعك انك تتوضي وضرب جامد على الصدر عشان يشعر بعدم الالم وده بيعاني معاناه شديده جداً لازم يكون فيه اصرار من النفس او من الاهل انه يتعالج, الوسواس القهري مرض يعالج لانه مرض كميائي يعني سببه اضطراب في الكميا او في الزيوت المخيه وبالتالي لما بياخد العلاج بصوره منتظمه بيكمل الزيوت الناقصه فبيتعالج وبيصعب عليا جداً مرضي الوسواس القهري لإن بيفتكرو ان ده بيكون من الشياطين او عدم الايمان او الكلام ده, والوسواس مش بيكون محدد في الصلاه او النظافه او شئ معين لا الوسواس القهري بيكون في اكتر حاجه بتشغلك عموماً يعني لو انت انسان منضبط بيبقي اكتر انضباط لو انت انسان متدين بتيجي في التدين والصلاه ...الخ, فكرة الوسواس هي انها فكره لا تمحي متكرره بمعني ان انا راجل متدين جداً فبفكر هو ربنا موجود ولا مش موجود فبيجيلنا الفكره وتمحي فكلنا بنفكر في فكره وتمحي لكن عند مريض الوسواس القهري بيكررها كتير في حياته هو ربنا موجود ولا مش موجود لكن لو الفكره مش متكرره مش هتجيلك يعني ماينفعش يجيلك وسواس في الوضوء وانت اصلاً مابتصليش لا لازم تكون في حاجه انت بتفكر فيها كتير وشاغله بالك جداً, عشان كده تلاقي المسلمين واليهود عندهم طقوس كتير جداً ممكن يتسبب في وسواس وفي الغالب تلاقي المسيحيين نادر جداً لما يجيلهم وسواس, اما بالنسبه لعلاج الوسواس ده له علاج دوائي وعلاج سلوكي والسلوكي بمعني ان لو انت متعود انك تتوضي 20 مره بعودك انك تتوضي مثلاً 10 مرات وبعدين 5 وهكذا, والوسواس القهري بيكون تابع للوحده الإجباريه.

الشخصيات الشكاكه هي الي بتكون غالباً عندها وحده كاذبه فكرة التواصل مع الناس ان انا بتواصل مع ناس بثق فيهم والوحده هي عدم احتياج الآخرين ممكن يكون بسبب ظروف حياتيه كمثال كنت بعد مع كذا وبحكيله كل حاجه وكذا خدعني او خانني فبضطر اخد خطوه للوراء من كذا وكذا وكذا وبالتالي ماثقش في الي حوليا, فالشخصيه الشكاكه بيكون عندها استعداد هائل للوحده الكاذبه بمعني ان انا خلاص وصلت لإن انا ماثقش في حد الا نفسي وبس.

النهارده هنتكلم عن تجنب زيادة الوزن في شهر رمضان الكريم, وخصوصاً في شهر رمضان كتير من الناس بتعمل عادات غلط بتخلي وزنهم يزيد فخلينا نعرف ايه هي العادات الي ممكن نعملها غلط في شهر رمضان اولها الحلويات كتير من الناس بتعمل قطايف او بسبوسه او هريسه ...الخ في شهر رمضان ودي بيكون فيها نسبة سعرات حراريه عاليه بالاضافه للدهون عشان كده لازم نحاول نستبدلها بسلطة الفواكه ونحاول نغير طريقة التحضير يعني بدل ما نعمل القطايف مقليه الي فيها 350 سعره حراريه نخليها 150 سعره حراريه ونخليها مشويه ودي اول نقطه بالنسبه للحلويات, اما بالنسبه للعصائر دي كلها بتكون مليانه سكر خصوصاً العصائر الجاهزه فبنحاول نتجنبها ونتجه لعصائر الفواكه الطبيعيه ونقلل من السكر عشان كده بنحاول نستغني عنها بجزء من المياه المعدنيه.

اما بالنسبه للبطاطا والسندوسه ...الخ ودي بتكون نسبة السعرات الحراريه فيها عاليه جداً لإن معظمها بتكون مقليه فبالتالي بتكون فيها نسبة سعرات حراريه عاليه ونسبة دهون مشبعه عاليه عشان كده لازم نقلل خالص من الاكلات دي ونحاول نستغني عنها لتجنب زيادة الوزن في شهر رمضان.

بالنسبه لزيت الزيتون كتير من الناس بتستخدمه وهو فعلاً مفيد جداً لكن بيكون فيه نسبة عاليه من السعرات الحراريه يعني معلقة من زيت الزيتون فيها 120 سعره حراريه فبنحاول نستخدمه بكميات معقوله في الطبخ والسلطه.

لا تتجنب السحور لإن السحور وجبه مهمه جداً لكن نكون ازكياء في تنويع الاكل الموجود في وجبة السحور ونحاول نركز علي الفواكه والخضار ونقلل من النشويات لإن قبل النوم زي ماحنا عارفين نسبة الحرق بتكون قليله جداً, كذلك لازم نشرب كتير من الميه بعد الفطار يعني بمعدل كوب من الماء كل ساعه.

اما بالنسبه للرياضه خلال شهر رمضان فلازم نتابع بممارسة الرياضه ولازم يكون الرياضه في مكان فيه تهويه معقوله مايكونش مكان مقفول او بمعني حر عشان مايفقدش السوائل من جسمنا وبالتالي ممكن يؤدي للجفاف, واحسن وقت لممارسة التمارين الرياضيه في شهر رمضان بيكون من نص ساعه لساعه قبل الفطار لان الفتره دي بيكون عندنا حرق كتير من الدهون وده بيساعد علي تخفيف الوزن وممكن نأجلها لبعد الفطار ولكن لازم نستني بعد الفطار من ساعتين لتلات ساعات عشان قبل كده بيكون الجسم مشغول بعملية الهضم, لازم نركز علي عدم ممارسة التمارين صباحاً في شهر رمضان لإن ده ممكن يؤدي الي انخفاض في سكر الدم ويؤدي الي الدوخه والعطش, واحسن انواع الرياضه في شهر رمضان هي الرياضات الخفيفه زي ( المشي - السباحه ) ونتجنب الرياضات الي محتاجه طاقه خصوصاً إذا مارسناها قبل الفطار زي كمال الاجسام دي تفضل تكون بعد الفطار وزي ما قلنا من ساعتين لتلات ساعات, وبكدا نكون لخصنا النقاط الي بيها نقدر نتجنب زيادة الوزن في شهر رمضان وازاي نمارس الرياضه في الشهر الكريم.

انك تخاف وتقلق ده احساس عادي وبشري لكن ان الخوف يسيطر عليك اكيد ده شئ مرضي ومن خوفك علي بكره تخليه يضيع منك ويجري وتحبس نفسك في سجن مجهول وكمان عليه تبكي, اوع تنسي ان بكره بإيد الخالق مش بيدك ولا بيدي.

الخوف احساس بشري وصحي كمان لكنه زيه زي اي شئ تاني لو زاد عن حده بينقلب ضده, واحنا فى الدنيا بنشوف ناس خايفه من الموت وناس خايفه من الفقر وناس خايفه من المرض وناس تانيه بتخاف من بكره ومن الي شايله, وناس تخاف من المجهول وللأسف الحاله دي منتشره اوي عند ناس كتيره يمكن بسبب الظروف والأحداث الي بنمر بيها ازاي هنتعامل مع شعور الخوف والقلق؟؟

الخوف مشاعر فسيولوجيه مشاعر موجوده عند اي حد في الدنيا كلنا بنخاف... المشكله هو انت بتعمل ايه بالخوف او الخوف بيعمل فيك ايه ؟؟ لكن احساسك بالخوف ده شئ طبيعي جداً ممكن تكون خايف علي ولادك على صحتك على مالك, هو الخوف انه يتحول الي خوف مرضي, بمعني ان لو حد قلك ماتعملش كذا عشان معملش كذا فممكن حجات كتير جداً ترهبني عشان اخاف والطرف التاني يكسب والانسان بينطبق عليه الشعور بكافته كمثال تهديد الابن او الاخ ...الخ لما بنتعرض للخوف بيحصل حاجتين مهمين جداً يا اما فايت او فلايت يعني يا اما بهرب بنزوي بخاف فعلاً يا اما بفايت او بهاجم او بقبل التحدي والفيصل بين كل واحد فينا هو انت هتنزوي ولا هتحارب او هتقاوم عشان كدا اللعب بالخوف في منتهي الخطوره, اوع تخوفني لان انت لما تخوفني يا اما هخاف يا اما هنفجر, محمود درويش كان عنده مقوله حلوه جداً بتقول ( إذا قلتها مت وإذا لم تقلها مت فقلها ومت ) الفكره ان احنا كتير جداً بنخوف الناس او بنخاف واكتر حاجه الانسان بيخاف عليها آمنه او الامان ممكن واحده تتجوز جوازه فاشله لإنها خايفه إنها تتأذي ان كان بدنياً او معنوياً, احنا مولودين بغريزة البقاء او بغريزة الدفاع عن الذات فلما بتخوفني بخاف على نفسي في الأول ولو الخوف ده تحول الي خوف مرضي هنعزل وهخاف وهفضل في الجوازه دي لإن انا خايف, لكن الخوف ده عباره عن سويتش وكل واحد علي حسب درجة تحمله يعني ممكن واحده تتجوز جوازه فاشله وتستحملها عشرين سنه وفي الآخر تقرر انها تطلق ساعتها خلاص قلبت السويتش يا اما كذا يا اما هطلق القصد ان لما الواحد بيوصل لدرجة معينة من التحمل يتحول الخوف الي إرادة تغيير وربما للعنف, وكل واحد حسب درجة تحمله يعني انا ممكن ارهبك سنه غيرك ممكن يخاف 6 شهور غيره اعلي غيره اقل وبما اننا من الشعب المصري واحنا عرفين الشعب المصري يصبر على جار السو خمسين ستين ويقول دول فكه فإحنا النقطه الحرجه عندنا بطيئه جداً, لكن انا شايف في المرحله الي احنا فيها كلنا مبقاش الناس تخاف .... خالص وده ايجابي لكن كل حاجه ليها شق سلبي, فكرة انك ماتخافش ده شئ كويس جداً لكن انك ماتخافش وتبقي متهور هي دي الخطوره, والي بيحصل دلوقتي مش مرحلة خوف دي مرحلة كراهية يعني ابقي خايف منك وبكرهك يا اما هخاف منك جداً وهبعد يا اما انا بخاف منك وبكرهك فهتحول الي انسان شرير او هتحول الي انسان عنيف وهأذيك.

فكرة اني اسمع كلام ناس ذكائهم محدود جداً اقل مني ويطلع يفتي في اي كلام والناس تصدقه لإن الناس بتخاف وهي دي لعبة الخوف, يعني انت بتخوفني بحاجه لا انا ولا انت ماسكينها ؟؟ طب اثبتلي ان انا هخش النار كمثال او شعب مصر كله مهدد بالقتل الجماعي زي ما كتير جداً بيفتو, كلام كله لا يخضع للمنطق وبالتالي لما يكون مركز التحكم بتاعي صاحي او عقلي شغال بشوف كل وجهات النظر بعدين بعقل وباخد قرار, كل ما يكون مركز التحكم بتاعك الداخلي وكل ما يكون الفرز بين الكلام الفارغ والكلام الجاد كل ما يكون ثقتك بنفسك أعلي, ثقتك بنفسك بتيجي من ايه ؟؟ بتيجي من شكلك - موضوعك - ادائك الاجتماعي بمعني شكلك حلوه ولا وحشه او حلو ولا وحش ومفيش حد وحش علي فكره كل واحد فيه جوانب كويسه وجوانب مش كويسه وربنا ما بيخلقش حد وحش الا اذا كان مهمل في نفسه زي ما ييجي حد يقلك انت عينيك حلوه شوف عينيك حدد إن كانت حلوه زي ما الناس بتقول بعدين ثق بنفسك, طيب موضوعك هو انت بتعمل ايه فحياتك فيه الي تكون ربة منزل ده دور مهم جداً ثقي بنفسك, كتير جداً يحصل خلافات بين الزوجين ممكن يكون زوجك عملي وانتي رومانسيه هو بيحبك بطريقته طب ليه ماتجربيش تحبيه بطريقته, هو لما يحب بيجيب شيكولاته ومابيجيبش ورد ايه المشكله كل واحد فينا بيعبر عن حبه بالطريقه الى هو شايفها.

السمنة مرض مزمن وخطير له مضاعفات خطيره ويصيب الملايين من الناس في العالم ويصيب الصغار كما يصيب الكبار.

ويعرف بأنه زيادة كمية دهون المتراكمه في جسم الانسان نتيجة تناول سعرات حرارية عالية تفوق حاجة الانسان في إستهلاك الطاقة وتخزن علي شكل دهون.

يوجد في جسم الإنسان من 30 الي 35 بليون خليه دهنيه واثناء الاصابه بالسمنه فإن هذه الخلايا إما ان تزداد حجماً او تزداد عدداً, وتقاس السمنة بمؤشرات مختلفه مؤشر كتلة الجسم (BMI) وكذلك بقياس محيط الخصر او محيط الخصر والحوض وقياس كمية الدهون وكمية العضلات والميه في الجسم ولكن (BMI) هو الاكثر استعمال بالرغم من وجود بعض السلبيات له وخصوصاً في الناس الرياضيين الي بتكون عندهم الكتله العضليه اكتر من الكتله الدهنيه, وهذا المؤشر له نسب تتراوح من 19 الي 25 ( نسبة طبيعية ) ومن 25-30 ( زيادة في الوزن ) ومن 30-40 ( بدانة ) وما فوق 40 ( بدانه مفرطة ), وتتم عملية القياس بقسمة الوزن / مربع الطول الكل في المائة.

السمنة لها اسباب متعدده منها اسباب وراثية توجد في العائلة ومنها اسباب هرمونية ( غده درقية ) واسباب تتعلق بالحمل وإنقطاع الدورة بعد سن الخمسين وقلة الحركة وكذلك اسباب نفسية مثل الاكتئاب او الغضب او الفرح الشديد فيلجأ هؤلاء من الطعام الي التفريغ عن مشاعرهم وهناك ايضاً عوامل بيئيه وعوامل نفسية.

السمنة لها مضاعفات كثيرة وخطيرة منها مرض السكر او ارتفاع ضغط الدم وامراض القلب والشريان التاجي وامراض المفاصل وكذلك امراض نفسية وامور تتعلق بالحمل والعقم وضعف الكفاءه الجنسية لدي الطرفين, وهذه المضاعفات ان لم يتم علاج المريض فسوف تتفاقم المشاكل في حياتة وتؤدي الي عوامل نفسية مثل العزله الإجتماعية ونقصان الثقة فى النفس والإكتئاب.

يتم علاج السمنة بطريقتين اما الطريقة المحافظة او الطريقة الجراحية, الطريقة المحافظة هي التمارين الرياضية والأنظمة الغذائية ( الرجيم ) تحت إشراف دكتور متخصص واستعمال بعض الادويه التي لا ينصح بإستخدامها لفترات طويله لما لها من اثار جانبيه, ومن الاساليب المحافظة منها استعمال البالون في المعده بعد عمل منظار للمعده وبتكون وظيفة البالون هنا تقليص حجم المعده وبالتالي كمية الطعام التي يتناولها المريض وبالتالي يشعر بالشبع التام, والبالون لا يمكن استعماله اكتر من 6 شهور او بوصف ادق من 3 لـ 6 شهور وعادة يسبق زراعة البالون بفحص المعده حتي يتم التأكد من عدم وجود قرحه في المعده او الالتهاب الجرثومي الحلزوني او فتق في الحجاب الحاجز, اما بالنسبه للعمليات الجراحية فهناك نوعين اما تصغير الحجم او عمليات التحوير ندعها للطبيب المختص حتي يتم التدقيق بشكل اوضح.

النهارده هنتكلم عن حجات تهمنا, حجات بنعاصرها في حياتنا اليوميه, حجات قد يكون ليها منافع, وقد يكون ليها أضرار, وقد يكون الضرر اكتر من النفع, هنتكلم النهارده عن العدسات اللاصقه مالها وماعليها.

العدسات اللاصقه دي وسيله من وسائل الابصار, احنا عندنا فى الوضع الطبيعي عند اكتمال نمو العين يصل حجم العين من 23 ل 24 ملل في الطول ودي بيحكمها نظام من العدسات قد تكون قوية او ضعيفه القرنيه والعدسه الداخليه للعين, فى تصميم العين إعجاز الهي بمعني الكلمه فى التكوين, في الوظيفه في الشكل, في كل حاجه, لو هنفكر في الوضع الطبيعي ان كتير من الناس لما بتتأمل في الكون بعد 6 متر لا يبذل مجهود ولا يبذل اي طاقه في تأمله في الكون وما خلقه الله سبحانه وتعالي, لو حصل اي خلل فيها هل هو من المنظومه ؟؟ بيحصل ما يعرف بطول النظر او قصر النظر او الاستريماتيزم والحقيقه التلات مكونات دول لأخطاء الانكسار او لعدم وضوح الرؤيه قد تظهر فى سن مبكر او اكثر ومعروف منها ما بعد سن 40 - 45 ببعد النقطه القريبه ( نظارة القراءه ) الي بنحتاجها في السن ده وده بيكون علي حسب حالة العين الاصليه.

بنصلحها بالنظاره الطبيه وعلي فكره ممكن يلبسها الاطفال سن 8 شهور لو هم محتاجينها, لازم نفتكر دايماً ان العين مخلوقه عشان حاجتين ( عشان نشوف بيها فى المراحل الحرجه - وعشان شكلها حلو ) ودي بتبقي مشكله للاب والام في الشكل ولكن لازم الطفل يقدر يشوف في السن المبكر كل شئ عشان تكتمل باقي اعضاءه تكتمل واتجاهاته فى الدنيا تكتمل ونمو مخه يكتمل بالتالي لو احتاج هيلبس نظاره, الطفل لما يكون عنده مشكله في عين واحده بيلبس وقتها عدسات لاصقه حتي في هذا السن ( 8 شهور ).

1- ممنوع استخدام العدسات اللاصقة دون اللجوء لدكتور متخصص.

2- القانون الامريكي قال ان استخدام العدسات فقط للطب وليس للتجميل لإن استخدام العدسات الملونه يعتبر تجميل واستخدامه بعدم وجود متخصص قد يؤدي الي العمي, اما في مصر فالقانون مختلف مثال يحدث لكتير مننا ان يكون عندنا فرح البنت تروح للصيدليه تجيب عدسات وتروح للكوافير وتركبها ومشافتش ان العدسه دي مناسبه تفرح بالعدسات وبالتالي تستمر عليها بعدها بفترات للأسف يجيلهم قرحه وفقدان الابصار وكمان ممكن نلجأ لعمليات كبيره جداً عشان نرجع جزء من الي كان عندهم, القانون في مصر لازم يطبق, مفيش استخدام للقوانين سواء في محلات النظارات او العدسات اللاصقه الي بتتباع احياناً فى الاكشاك والصيدليات والكوافير.
منظومة النظر في العين :

تبتدي بالقرنيه الجزء الامامي من العين ودي وظيفتها انها تجمع الصوره علي مركز الابصار في الشبكيه اوقات بيتجمع قبل او بعد الشبكيه علي حسب قصر النظر او طول النظر القرنيه هي العدسه المحدبه الاماميه وراها العدسه الداخليه, قد تكون القرنيه قوية او ضعيفة علي حسب حالة كل شخص فبالتالي بنيجي نصلح الكلام ده بنظاره طبيه او نجيب سطح نحطه علي سطح القرنية ( العدسه ) وهنا المشكله الاولي العدسات الي بتتباع في السوق مش كلها مقاس عنينا يعني ماينفعش بدله نلبسها كلنا ( جاكيت مقاسه 46 يصلح لكل المصريين ) طبعاً لا يصلح لإن تحدب القرنيه يختلف من شخص لشخص يبقي دي اول مشكله بتقابلنا فى العدسات الشائعة, العدسه بتغير من القرنية سواء تضعفها او تقويها علي حسب مقاس عين الشخص.

مهم جداً ان نعتني بالنظافة الشخصية في الاستخدامات دي يعني لابد نغسل ايدينا وفي بعض الاحيان بنغسل الوجه بالكامل عند لبس او خلع العدسات اللاصقة عشان لو فيه ميكب في الوجه او استخدام الايد في السلام مثلاً او عمل شئ كل دي ترسيبات بتدخل جوا العين كذلك لازم نعاين محلول العدسه فيما معناه ان لو المحلول مش نضيف هنغير المحلول, الفكره كلها في العدسات ان احنا عندنا في الجفن الي فوق والجفن الي تحت يمنع ان احنا نستخدم العدسه في عنينا فبنفتح صندوق العدسه وناخد العدسه ونحط عليها نقطة محلول والكلام ده وقت ما نلبس او نخلع العدسه وندعك ببساطه بايدينا ونبدأ ناخد العدسه علي صباعنا والفكره كلها ان احنا نفتح الجفن الي فوق والي تحت ونبدأ نلبس العدسه بكل سهوله.

زي ما بنقول كده لازم مانخافش من العدسات اللاصقه لو هنحترمها يعني مانخافش من امراض لو هنحترمها, العدسه زي ما بنقول بتكون بين سطح الجفنين ولازم برده نفس القصه النظافه الشخصية ولازم يكون البوكس او الصندوق بتاع العدسه جمبنا والمحلول موجود جمبنا بعد الغسيل ننشف ايدينا ووجهنا كويس ولازم عشان نشيلها نفتح العين كويس زي ما قلنا بالايد الشمال صباع للجفن الي فوق وصباع للجفن الي تحت ونبدأ نحركها لتحت واحنا بننظر لفوق لحد ما تسقط من القرنيه من المكان المظبوط عليها وناخدها بين صباعنا ونحط عليها نقطة محلول ( محلول مش مية حنفية ولا ميه بملح ) ونحطها في الصندوق بتاعها بمنتهي اللطف.

مفيش عدسات شهرية ولا اسبوعية ولا سنوية, العدسة سطح فيه ميه بيجمع تراب وافرازات على العين طول اليوم والبكتيريا الي على الجفن مع استخدام العدسه بطرق غير محكمه بتتحول لبكتيريا شرسه, واجمع العالم كله ان العدسات لازم تتقلع يومياً.

السطح الموجود علي سطح العين ( العدسة ) بيجمع التراب والافرازات وكل حاجه مفروض نشوف بالعدسات رؤيه واضحه وجميله ومفيش فيها اي زغلله, ناخد بالنا من الميكب الي بيتحط فإن حصل  احمرار في العين او زغلله في الرؤيه مباقتش شايف زي الاول او حساسية شديدة للضوء او تدميع للضوء حصل اي حاجه من الحجات دي ارجوكم نخلع العدسة حطها في محلولها ونروح فوراً للدكتور لإن ده قد يعكس خدوش في القرنية ودي بتحصل نتيجة الإهمال ونتيجة الجفاف او ان العدسة مش مناسبة لسطح العين عندنا ومقاسها مش مقاسنا ويحصل خدش في القرنية وبنعرفه بفحص الميكرسكوب لإن نتايجه في منتهي الاهمية ومنتهي القسوة.

النهارده هنتكلم شوية عن السيدات اكثر من الرجال, وكلامنا النهارده عن ان السيدات دايماً بتهتم بجمالها قبل الجواز وبتعمل كل المقاييس عشان تتجوز وبعد ما بنتجوز بننسي الموضوع ويبتدي يحصل شوية تغيرات فى جسمنا خصوصاً بعد الحمل والولاده ودايماً بنقول ان ده نتيجة الحمل, وفيه اجزاء منها فعلاً بتكون نتيجة الحمل والولاده لكن اغلبها بتكون نتيجة عادات سيئه بنرتكبها وبننسي جسمنا وبننسي شكلنا وبنهتم اكتر بولادنا وحاجات تانيه وبننسي ان جمالنا مهم جداً لحياتنا الزوجيه بشكل عام ان احنا نفضل محافظين دايماً على شكلنا وعلى جمالنا خصوصاً بعد الجواز.

العادات بعد الزواج :

عادتاً السيدات بتبقي بتشتغل قبل الجواز او بتدرس او بتتحرك او بتمارس حياه بشكل اكبر وبتاكل كمية اكل معقوله وبتحافظ على جسمها وعلي شكلها قبل الجواز, ييجي بعد الجواز اما بنعد فى البيت او بيحصل حمل وماما تقلك لازم تاكلي ليكي وللبيبي ونبدأ ناكل كميات كبيره وفنفس الوقت الحركه يا بتقل يا بتنعدم لان قاعدين فى البيت مابنعملش حاجه بعد ما كنا بنتحرك بنشاط كبير قبل الجواز, فيحصل تغيرات فى جسمنا وبيكون تراكم دهون كتير خصوصاً بعد العمليات القيصريه وعمليات الولاده بيحصل ان السيده بتنسي نفسها ومهتميه بالمولود او المولوده وتبدأ تنسي شكل بطنها وتاكل عشان ترضع وتاكل عشان تكون لبن اكتر.

لما بيحصل الحمل بيكون فيه شوية تمدد والجسم بيبدأ يزيد شوية ومفروض الوزن بيزيد من 10 الي 12 كيلو اثناء الحمل وده نتيجة وجود الجنين لكن سعات الرقم بيوصل ل25 و ل30 كيلو ودي لأسباب مرضيه نقدر نعالجها لكن عادتاً الي بيحصل ان بتبقي السيده ريحت وبيبدأ الوزن يزيد بشكل كبير جداً, طيب الي بيحصل ايه ؟؟ ممكن يحصل كلف في البشرة او في البطن وممكن يحصل تضخم شوية فى الثدي وبيحصل دهون علي البطن وترهل فى العضلات.

بالنسبه للجلد بيحصل ستريتش مارك او علامات التشقق فلما البطن بتزيد اوي بيبدأ الجلد يتشقق وده ناتج عن ان السيده ماكانتش بتشرب ميه كتير او مابتدهنش بطنها بكريمات ترطبها عشان تحافظ علي مرونة الجلد فيبتدي الجلد يتشقق واول ما الجلد بيتشقق بيكون لونه احمر وبعد كدا بيبقي لونه ابيض واحمر ده سهل نقدر نضيعه بنسبة 90% بإستخدام بعض الكريمات وبعض الأشياء الي ممكن تخفيها تماماً لكن لما بيبقي ابيض او ياخد لون الجسم او اغمق شوية او افتح شوية بيبتدي مابيبقاش ناجح جداً فى علاجه ووقتها مابنقدرش نحسنه اكتر من 30% الي 40%, فيبقي اهم حاجه للسيده فى الوقت ده انها تشرب ميه كتير وتاكل سلطه خضراء وتاخد فيتامينات وماتاكلش اكتر لنفسها ( تاكل لنفسها بس ) ومن اول الشهر الخامس او السادس اول ما تبدأ البطن تكبر بشكل كبير ان احنا نبتدي نلعب شوية تمارين بطن اسهلها خالص ان احنا نشفط بطننا من 10 لـ 15 مره كل يوم.

بالنسبة للسيدات الي حتي بعد الجواز تلاحظ ان حجم الثدي لا يزيد فإليكي بعض المعلومات, الثدي لا يزيد حجمه بواسطة كريمات وكل منتجات تكبير الثدي مضلله الا بأحد الطريقتين اما بنحط كيس سليكون وكبسولة السليكون خلف الثدي عشان حجمه يزيد او اننا نحقنه بالدهون والخلايا الجذعيه عشان حجمه يزيد, ولازم عشان حجم الثدي يزيد لازم يكون فية شوية جلد زيادة بين الخلايا الجذعيه والدهون ودي وسيله سهله اسمها البروفاتيك نيك فبنستخدم بعض الاساليب الي بتزود مساحة الجلد قبل العمليه عشان بعد كده نبدأ نوصل لحجم الثدي الطبيعي الي احنا عاوزينه, اما بالنسبه للوسائل الي على التلفزيون وبتقول الكريم الي بيكبر وبيزود ...الخ ده دجل طبي لا تتعرضي له وكل دي فلوس على الفاضي, مع الأسف حل السيدات فى تكبير الثدي لابد لها من عمل جراحي ولكن سهل جداً مابتاخدش اكتر من نص ساعه فى غرفة العمليات وبتنتهي العمليه والموضوع بيبقي تمام ومفيهوش مشكله ولا اي حاجه والجرح بيبقي مخفي تماماً, جرح الثدي محدش بيشوفه لانه بيكون تحت الثدي او جانب منطقة الحلمة او تحت الابط , دول مناطق جراحيات الثدي, وبالنسبة للفتحات الدهنيه فهي لا تحتاج لجراحيات بل عن طريق سرنجات وفتحات لا تزيد عن 1 ملل او اقل الي هي سن الابره وبالتالي نبدأ نحقن الثديين فى المناطق الي قلناها وبنوصل للمعدل الطبيعي الي احنا محتاجينه.

ناس كتير تفتكر ان الثدي الكبير شكل جمالي بل بالعكس ده بيأثر على فقرات الرقبه بشكل وفقرات الظهر وبيعمل تقل شديد جداً وآلام شديدة جداً فلازم طبعاً مش نشيل الثدي كله فإحنا بنقول للسيدات ان تصغير الثدي ليست عمليات تجميل فقط بل عمليات طبيه ايضاً ودي ممكن في حالات معينه انها تدخل لعمليات إستإصال للثدي وبتحتاج متابعه مهمه جداً لإنها بتكون نتيجة حمل شديد جداً على الفقرات الظهر والرقبه.

النهارده هنتكلم شوية عن تجاعيد الوجه وازاي نعالجها من الوجه.

الاول عشان نكون عارفين انها اما تجاعيد ثابته اما تجاعيد متحركه او بمعني ان تكون التجاعيد بتبان مع الحركه زي الى بتكون فى الجبهه وحولين العين دي اسمها تجاعيد متحركه يعني لا تظهر الا بحركه معينه زي الناس الى بتكشر او الى بترمش حولين عينيها لما بتضحك او تبتسم او لما بتستغرب وترفع حواجبها لفوق كل دي اسمها تجاعيد متحركه, اما التجاعيد الثابته هي الى بتكون ظاهره بدون حركه ودي بتكون احياناً اما تحت العين اما بين الانف والفم او فى جوانب الوجه ودي اسمها التجاعيد الثابته.

السبب الرئيسي للتجاعيد هي الجاذبيه الأرضيه يعني مرور السن وطبعاً مع مرور السن بتظهر التجاعيد بشكل ملحوظ وبيحصل معاه كمان إذابه او قله فى الدهون الموجوده فى الوجه وبيبدأ الوجه يفقد توازنه مع الجاذبيه الأرضيه يعني بطريقه مبسطه ان احنا جسمنا بيتشد لتحت واحنا بنقاوم لفوق والمقاومه دي بتكون عن طريق قوة الجلد نفسه, طول ما الجلد قوي ويقدر يتحمل ويقدر يشد جسمه لفوق ويقاوم الجاذبيه الأرضيه بيكون وشنا مشدود وكويس, وطول ما الجاذبيه تتغلب علينا تبتدي التجاعيد تظهر فى الوجه بسبب ضعف قوة الجسم على مقاومة الجاذبيه الأرضيه.

كمان فيه بيظهر تجاعيد فى السن المبكر ان بيبقي فيه شوية جفاف فى الوجه, او شوية مشاكل في الوجه, او بيكون فيه ضعف شديد, وبتبان بطريقه ملحوظه جداً للي بيعملوا رجيم قاسي وهنا اول حاجه بتظهر التجاعيد طبعاً فى الوجه ويبدأ الوجه يكون ضعيف جداً وده سبب بيتكرر كتير يخلي الناس تقول انا مش هعمل رجيم.

له طرق كتير جداً هنبدأها ونفسرها لكن لازم نعرف ان الجراحه هي الفكره الآخيره, احنا بنبدأ بحجات بسيطه جداً ونبدأ نتصاعد ونزود العلاج وآخر تفكيرنا الجراحه وبإذن الله ماحدش يحتاجها.

اول حاجه لازم ولابد إزازتين ميه ( 2 لتر ميه ) يومياً وطبق السلطه الخضراء وزي محنا عارفين ان دول بيدوا لوجهنا نضاره وطبعاً احنا مش محتاجين حاجه زياده مش محتاجين ادويه, ميه وسلطه خضراء دي كفايه اوي انها تحافظ علي نضارة الوجه, ممكن برده نستخدم معاه كريمات مرطبه للوجه ونبعد دايماً عن الشمس فى اوقات الظهر ( من 11ص الي 3 م ) دي الاوقات الي بتكون فى الشمس سعات مؤذيه نتيجة وجود الأشعه فوق البنفسجيه الي بتأثر على الوجه, ندخل بقي على طرق العلاج.

 طيب احنا ماعملناش الكلام ده وإبتدت التجاعيد تظهر هنبدأ نعالجها على حسب ان كانت بسيطه نعالجها بطرق بسيطه او علاج اقوي إذا كانت التجاعيد أقوي, واول علاج التجاعيد البسيطه هي التقشير بأحماض الفواكه ده من الحجات الي بتشيل الخطوط او التجاعيد الضعيفه او الصغيره, ونقدر كمان نستخدم الليزر المجزء, لكن المهم اننا مش بس نتخلص من التجاعيد لا كمان لازم نحافظ على عدم ظهور التجاعيد بإستخدام كريمات الترطيب وزي ما قلنا الميه والسلطه, وبعد كدا نحدد هل التجاعيد دي قلت او رفعت او ماعدش ليها اثر الا بسيط ولا لازالت كما هي وفى الحاله دي بنبدأ نعالجها على حسب نوعيتها, فى حالة ان التجاعيد متحركه بنبدأ نستخدم البوتوكس ودي عامل مهم جداً لإنها بتوقف العضله الى بتظهر التجاعيد سواء كانت التجاعيد دي حوالين العين او فى الجبهه, طبعاً مادة البوتوكس ليها استخدامات كتير فى مجال الطب ولكن هي مشهوره جداً فى إزالة تجاعيد الوجه, او نزيل التجاعيد الثابته الي بتكون حولين الفم ولو عاوزين نكبر الخدود او الشفاه بنبدأ نستخدم مادة الفيلرز ودي مادة من المواد المالئه وانواعها كتير وبتكون فيها ترابط جزيئات بإستخدام مادة زي الكالسيوم مثلاً او ماده زي الصوديوم بيزودو التماسك وكل ما ازداد تماسك الجزيئات كل ما طالت الفتره.

لا تلجأ لأي ادويه او علاج إلا بعد تجربه لا تقل عن شهرين بإستخدام المرطبات والميه والسلطه الخضراء.

 القولون العصبي بيصيب الاطفال والبالغين وهو مرض بيصيب الرجال والنساء وبالأدق النساء اكثر عرضه للإصابه بيه.

القولون له افراز وحركه بيفرز مواد مخاطيه وبيفرز بعض الايونات وله حركه مهمه جداً بيسموها الحركه الدوديه عشان يكون الماده البرازيه ويطردها خارج الجسم من خلال الشرج عن طريق عملية التبرز, إذاً خدعوك فقالو إن العصبيه تؤدي الى القولون العصبي والأدق أن نقول أن القولون العصبي ما هو إلا قولون مضطرب الحركيه وهو أحد وظائف الجهاز الهضمي.

اعراض القولون العصبي مختلفه تماماً ومتغايره تماماً عن شخص لآخر, احياناً ييجي القولون العصبي علي شكل إنتفاخ وغازات, واحياناً عن كثرة التجشق, واحياناً تيجي على هيئة إمساكاو إسهال, واحياناً ييجي على هيئة نوبات متكرره مابين الامساك والاسهال, ييجي احياناً القولون العصبي على هيئة آلام متكرره فى الجسم ناتجه عن إضطرابات عصبيه خارج الجهاز الهضمي, وده هو سبب ان اسمه القولون العصبي بمعني إن الناس الى عندهم ( توتر - عصبيه - إختلال فى النوم - عادات سلوكيه اثناء النوم ) دول بيبقو اكثر عرضه لزيادة حدة اعراض القولون العصبي والاعراض دي اسمها قولون مضطرب الحركيه.

العوامل الى بتحدد حركية الجهاز الهضمي فيه عوامل خارج الجسم وعوامل اخري داخل الجسم, والعوامل خارج الجسم بتأثر على حركة الجهاز الهضمي 1- ( التغيرات المناخيه ) :

وفيما معناه ان تقلب تغيرات الفصول الي هي الفتره الى مابين الشتاء والخريف وبداية فصل الربيع تلاقي الاعراض بتزيد عنده او العكس صحيح.

2- السلوكيات :

كتير جداً مننا سلوكياته خاطئه تماماً بتزيد من مشاكل القولون العصبي كمثال ( عدم الانتظام فى تناول الوجبات اليوميه ) ودي كتير اوي من الناس تقول انا بعد طول اليوم ماكلش واجي بالليل على المغرب اروح معوض اليوم بأكل كتير, او يقولك انا باكل مره الضهر ومره بالليل, او خمس ست وجبات بالنهار وبعدين يطنش بالليل.

عدم مضغ الطعام جيداً ودي عاده خاطئه جداً ان احنا مايحلالناش اننا نحل مشاكلنا الا وقت ما بناكل ومايحلالناش نزعق الا واحنا بناكل او يحلالنا اوي ناكل لقمه ع الماشي, لا لقمه ع الماشي دي بتؤدي الي التسرع بمضغ بسرعه مابديش فرصه كافيه لان حركية الجهاز الهضمي تنتظم علشان ما اصابش بمشاكل القولون العصبي.

فرق كبير جداً بين القولون العصبي والإنتفاخ لإن بنلاحظ ناس كتير اوي كل ما يجيلها شوية إنتفاخ تقلك انا عندي قولون عصبي لا احنا نقول ان عندنا قولون عصبي بعد ما نستبعد كل الاعراض الي ممكن تسببلنا قولون عصبي بعدها نعالج القولون لإن مش شرط يكون دي اعراض قولون عصبي واكثرها بيكون من الانتفاخ فقط لا اكثر والتفادي منه سهل جداً وهو الابتعاد عن الاكلات الي بتزود الانتفاخ فى المعده زي ( الفول - العدس - الحمص - التوم - البصل - الكرمب - البروكلي ) الحجات دي كلها بتسبب انتفاخ.

تساقط الشعر :

سبب تساقط الشعر هو الضعف العام, والشعر هو مؤشر لصحة الجسم فلما يبدأ يتساقط لازم نعرف ان فيه اخطاء احنا بنعملها, الأخطاء موجوده فى الغذاء بشكل اساسي وفي السهر والإجهاد والتعب, تغذية الشعر تبدأ دايماً من الداخل, ودايماً ينصح ان يكون الاكل شبت وبقدونس وجرجير بأي شكل او لازم يدخلو فى طبق السلطه, فيه ناس ماتحبش الاكل ده ممكن نعصرهم وفى كبايه واحده ونشربهم, دول لازم يومياً على الأقل لإن العناصر دي هم الى الشعر بيحتاجهم وكمان بيتصنع منهم الزيوت ومستحضرات التجميل الي بتخلي الشعر قوي, إذا عملنا العصير ده وحطيناه على السلطه وحطينا عليهم شوية ليمون خفيف بيدي طعم جميل وكمان هيزود سرعة إمتصاص الجسم للحديد الي فيه والمكونات الى فيه وبالتالي اول حاجه عشان اي رجل او مرأه يخلو شعرهم جميل وناعم وقوي الحل فى العناصر دي.

( طريقه اخري ) :

خميرة البيره مهمه جداً للي عاوز او عاوزه شعرها مايتساقطش معلقة خميره بتمد الجسم بفيتامين بي بكمية كويسه جداً وطبعاً دي بتتاخد بعد الاكل بـ 3 ساعات ولو حطينا على الخميره معلقة عسل اسود يبقي ضمنا اننا ندي اقوي محتوي غذائي لتقوية بصيلة الشعر نفسها.

تساقط الشعر بعد الحمل :

اما بالنسبة لتساقط الشعر بعد الولاده فدي من ناحية الحلبه فبتخلي الحليب يتواجد بكميه كبيره فأفضل وصفه هي ( زيت الذره + زيت الحلبه + زيت الشبت ) التلت زيوت دول بنخلطهم مع شوية فازلين خفيف ونبدأ نمسح بيه فروة الراس نفسها, وده خلال 3 ايام بيوقف تساقط الشعر تماماً وبيساعد فى نمو الشعر

بالنسبه لتنظيف الشعر من القشره او الحشرات فكتير من الناس بتستخدم الخلطه دي وهي مكونه من ( عصير توم + ليمون بسيط + خل بسيط + عصير بقدونس ) الاربع مكونات دول بيتعملو مع بعض ونبدأ نغسل بيهم فروة الراس, ده منظف ومطهر وبيشيل القشره وبيساعد فى سرعة إنبات الشعر مره أخري.وبيزيل اي حشرات داخل فروة الراس.

تشقق القدمين يكون غالباً بسبب الجفاف فى فصل الشتاء واسبابه هو المشي بأقدام حافيه فى البيت يسبب خشونه فى باطن القدم.

المشكله دي ليها علاج واحد فقط وسهل جداً يتم فى اربعة ايام او اكثر حسب شدة التشقق دون ترك اية آثار من تشققات او خشونه, وكمان بيخلي القدم دافيه وطبيعيه تماماً.

كل الى بتحتاجيه عشان نعالج المشكله دي هو فازلين + شراب قدم + غسل القدم

طبعاً بناخد كمية مناسبه من الفازلين ويفضل اننا نزود منه ونضعها على القدم من الاسفل ونلبس عليها الشراب وهنكرر الموضوع ده طول ما احنا صاحيين ( كل 6 ساعات ) وطبعاً نضعها على القدم قبل النوم ( إن إستطعنا ) وده لإن احنا فى فصل الصيف.

ويومياً هنكرر الى عملناه وهنلاحظ النتيجه ولن تتعدي اسبوع إن شاء الله.

نصيحه واجب نخلي بالنا منها:

ثبت طبياً ان النوم واحنا لابسين شراب له اضرار كتير جداً هنقولها فى موضوع آخر إن شاء الله فبمجرد الإنتهاء من مشكلتنا نمتنع نهائياً عن النوم بالشراب

النهارده هنتكلم عن تشخيص أحد الأمراض الهامه جداً وهو مرض الانيميا كتير اوى من الناس يقولو حاسس ان وشي تعبان مرهق هلكان والبنات او الستات يقولو الدوره ملغبطه عندي, شعري بيقع, ضوافري بتتكسر, جلدي متغير, مشاكل كتير فى العضلات والمفاصل,  الظاهر عندي انيميا.

انيميا يعني ايه ؟؟ وازاي اشخص الانيميا ؟؟

دايماً لازم نعرف حاجه مهمه اوي ان الانيميا مش معناها سوء التغذيه بس, يعني سوء التغذيه 1 من 120 سبب من اسباب الانيميا, فيه كتير اوي يقولك اصلها مبتاكلش كويس عشان كده جالها انيميا لا الانيميا ليها اسباب واشكال وانواع مختلفه جداً من التشخيصات بنعتمد فيها اساساً على تشخيص المعمل.

انيميا يعني عدد كرات الدم الحمراء او نسبة الهموجلوبين الى فى الدم قلت, طيب ده شايل اكسجين, يبقي إذن الانيميا معناها نقص أكسجين, وفيه ناس كتير تستغرب ان سقوط الشعر له علاقه بالانيميا لإن الهموجلوبين ده شايل اكسجين وبالتالي تحس ان حد خانقك مش مدخلك اكسجين للأنسجه بتاعتك وبالتالي الاكسجين ده هو عنصر الحياه وبالتالي كل نسيج من أنسجة جسمك بتحتاجها.

طيب عشان نشخص الانيميا اول حاجه بتتطلب عد دم كامل يعني ايه عد دم ده احد الاشياء المهمه جداً الى بنفتتح بيها اولاً تشخيص الانيميا, ولازم عشان نشخص الانيميا صح لازم نعد كرات الدم التلاته ( كرات الدم الحمراء - كرات الدم البيضاء - الصفايح الدمويه ) طيب مش احنا ذكرنا ان الانيميا هي نقص فى كرات الدم الحمراء لا لإن ممكن اوي تكون المشكله فى النخاع وفى الحاله دي هنلاقي كرات الدم البيضاء متأثره والصفايح الدمويه كذلك متأثره, ممكن الانيميا تكون جزء من مشكله فى الطحال, ممكن الانيميا تكون متأثره لاقدر الله بسرطان الدم, فلا ترضون بتشخيص حالة الانيميا بتشخيصها فى كرات الدم الحمراء فقط وكثيراً من الأطباء يقعون فى تلك الأخطاء والعلاج الغير كامل.

كتير من الناس بتسأل عن العقاقير وزيادة الوزن, وهل فيه ادويه ممكن تتسبب فى زيادة الوزن كآثار جانبيه لهذه الأدويه ؟؟ ولا لا, وما المقصود بفاتحات الشهيه ؟؟ كتير اوي من الناس يقولو انهم رايحين للدكتور عشان اجيب فاتح للشهيه, هل فعلاً الادويه المكتوب عليها فواتح شهيه فعلاً بتفتح الشهيه, وهل هي بتشتغل على المخ ولا على المعده ؟؟

أول سؤال عن العقاقير وعلاقتها بزيادة الوزن, طبعاً أشهر دواء معروف لزيادة الوزن هو الكورتيزون والي ياخده يقلك انا خايف من زيادة الوزن, ايه الى ممكن ننصح بيه للي بياخد الكورتيزون عشان وزنه.

اولاً الكورتيزون بيزود الوزن بعدة طرق ؟؟

1- ان الكورتيزون بطبيعة عمله كدواء بيساعد على إختزان الميه والسوائل فى الجسم, فأي انسان بياخد كورتيزون سواء اقراص او حقن بيلاحظ مع مرور الوقت ان جسمه بدأ يورم, ايديه تورم, سعات يقلك الصبح انا مابقدرش الدبله قافله على ايديا, او اجي البس الشوز الاقي رجليا ورمه, واحياناً نلاقي فيه توريم خفيف تحت العين, مش كدا وبس ده كمان الكورتيزون بيحول البروتينات الي دهون عن طريق الكبد, وبيساعد على إعادة توزيع الدهون فى جسم الإنسان, يعني تلاحظ إن الى بياخد كورتيزون لفترات طويله بدأ يبقي وشه مدور ومليان دهن وبنلاقي ان اصبح عنده دهون فى منطقة الأرداف وفي مناطق البطن.

فى الاساس لما نتكلم عن الكورتيزون هو غلط بل الكورتيزونات لأن الكورتيزونات ليها أنواع كتير جداً جداً ولازم ناخد النوع المحدد لينا ومش بإراده شخصيه أو حكم شخصي إنك خلاص إستقريت إنك هتاخد كورتيزون لإن زي ما قلنا أنواع الكورتيزونات كتير.

المهم اي حد بياخد كورتيزون بقله لو سمحت قل الملح بتاعك خاااااااالص فى الاكل سواء الملح الظاهر او الملح الخفي يعني شيل الملاحه الموجوده فى السفره, حاول ماتشتريش الملح, حاول ماتضيفش ملح على الخضار الى بتاكله لإن بالفعل الخضار بيكون فيه ملح طبيعي, إبتعد عن الاكلات الى فيها ملح خفي زي الجبنه الرومي او المخللات زي الصويا والاكلات الصيني لإن الحجات دي بيكون فيها نسبه عاليه جداً من الصوديوم كذلك الكاتشب والمايونيز.

2- مارس رياضه وحركه بإستمرار عشان مايؤديش تناول الكورتيزون الى تراكم الدهون فى جسمك.

3- إبتعد عن الدهون خصوصاً الدهون المشبعه زي الزبده والقشده والجبن الدسمه زي الشيدر والجبن المطبوخه بصفه عامه, إبتعد كمان عن اللحوم الدهنيه وحتي اللحوم الحمراء بدون دهن ظاهر بيكون فيها نسبه عاليه من الدهون زي الحمام وزي البط والوز والكبد والكلاوي والمخ.

واهم مافي الموضوع لعب الرياضه والحركه المستمره لإن على مدار الوقت الكورتيزون بيسبب هشاشه فى العظام وبالتالي الحركه والرياضه بتساعد على تقوية العضلات ومنع هشاشة العظام.

النهارده عاوزين نخصص التدوينه عن النحافه وقبل ما ندخل فى المأكولات الى برشحها للناس عاوزين نعرف هو ليه علاج النحافه صعب ؟؟

فى الحقيقة إجابة السؤال إن علاج النحافه مهوش صعب بالعكس علاج النحافه من الامور السهله جداً بس بشرط نتابع برنامج زيادة وزن سليم او نلجأ لدكتور كويس بدل ما نتابع برنامج غذائي مش مضمون والافضل نروح لدكتور يقيس جسمك بيستهلك كام سعره حراريه فى اليوم الواحد لإن لو الجسم أخد سعرات حراريه أكتر من اللازم بيحولها لدهون فى الجسم وبالتالي تتخزن فى الجسم ونخرج من مشكلة النحافه لمشكلة الدهون.

طيب هل كل الى بيعاني من النحافه بيكون أسباب واحده ونوعيه واحده؟؟

وبدون مبالغه أكثر أسباب النحافه هي التوتر والعصبيه وفقدان الشهيه والاسباب التانيه ان يكون فيه طفيليات فى الجهاز الهضمي او من عوامل وراثيه ودي اتكلمنا عنها كتير, طبعاً الاسباب دي مختلفه لكن ممكن يكون علاجها واحد لو تابعت الارشادات الصحيحه.

طيب ايه هي المأكولات الي بنرشحها لزيادة الوزن, وزي ما حضراتكم عرفين ان غذاء ملكات النحل الي الشغالات بتاعت النحل بتعمله عشان ملكات النحل تاكله وطالما الملكات هتاكل اكل يبقي ده احسن المأكولات, وعشان كده الأكل المفيد جداً لزيادة الوزن ويفتح شهيته وكمان بيخلصه من الضعف والهزال وبيديله الصحه والحيويه والطاقه الى بيحتاجها وبيكون فى امس الحاجه ليها وكمان بتساعده فى علاج الضعف العام للشخص النحيف, عشان مانخرجش من الموضوع.

احنا بنجيب 5 جرام من غذاء ملكات النحل ونحطه على كيلو عسل وعليه بعض المكسرات وناخد معلقتين الصبح قبل الفطار ومعلقتين قبل النوم وبالنسبه لرمضان كذلك قبل الفطار وبعد السحور, طبعاً وده لإن العسل النحل من أفضل المأكولات الى بتدي للشخص النحيف طاقه على مدار اليوم وفي نفس الوقت بيكون علاج للضعف العام وسوء التغذيه والهزال للشخص النحيف وخاصة للأطفال, وكمان بيعالج المواد الناقصه من الجسم والي معظم المصريين بيهملو في الحاجه دي وهي الأنيميا, وكمان بينظم ضغط الدم, وبترفع المناعه للجسم, وكمان العسل النحل له دور كبير فى انه بيقتل عدد كبير جداً من الجراثيم حتي وان كان الشخص لازال نحيف فى اول ايام لإستخدامه سوف يتمتع بالصحه واللياقه والمرونه, وبكدا هنحصل على النتيجه المراده وفي أسرع وقت

الانواع الأساسية الى ممكن نقع فيها فى السمنة هم اربعه بخصوص الرجيم هي الى بتخلي برنامج الريجيم الى بنعمله إما يبوظ يإما مانوصلش للنتيجه الى إحنا عايزينها, اول نوع من الأخطاء دي فهم الرجيم نفسه غلط او ان الي عاوز يخس مش فاهم ايه الى المفروض يتعمل او ان كل الى متخيله انه ياكل عيش سن او جبنه قريش او يشرب مشروبات من غير سكر لكن الفكره نفسها مش واصلاله, واول تجربه بنأكد عليها للي دخل تجربة الدايت او الرجيم اياً كان السبب الى مخليه عاوز يتخلص من السمنة سواء عنده مشكلة صحية فى ركبة سواء عنده مشاكل صحية فى ظهره او مجرد الحفاظ على الشكل المثالي لازم يكون عارف ان العادات الغلط هي الي بتسبب سمنه, كعاداتنا فى كمية الأكل الى بناكلها او مواعيد الأكل الى بناكل فيها فالمفروض قبل ما ندخل تجربة الدايت نعرف أو نحلل الغلطات الى بنقع فيها عشان نقدر نبطلها فنبتدي نخس ولازم ابقي فاهم ان الى حابطله ماينفعش ارجعله تاني يعني لو طول اليوم مباكلش او متعود ان انا اصحي مافطرش خالص او ماكلش اي حاجه وباكل وجبة واحده بس بالليل لو ابتديت انظم وجباتي وأبدأ أفطر وأتغدي واتعشي تاني وإن الرجيم معتمد على خمس وجبات لازم العادات دي نغيرها لازم اصمم على الى انا عايزه وأقدر أحافظ عليه وعلى الى اتعودت عليه باقي العمر الطويل إن شاء الله تعالي, وماينفعش ان انا طالما قريت ان لازم امنع النشويات اني امنعها خالص لإن وليها مضاعفات لو شغلك بيخليك تحرق مجهود كبير مع قلة النشويات تعمل هبوط فى السكر, أبتدي أختار ايه الأصناف الى ممكن أكلها وايه الى ماكلهاش عشان تديني طاقه تشبعني ومتخالفش قواعد الدايت لإن بدل ما بناكل نشويات كتير لا الاصح ناكلها بكميات محدده.

ديماً نبقي عرفين ان مش كل منتج مكتوب عليه دايت ينفع في الدايت يعني لما اعمل رجيم مش كل حاجه يكون مكتوب عليها دايت يبقي انا اقدر اخد منها زى منا عايز, كتير مننا يروح السوبر ماركت يجيب بسكوت لايت او عصير لايت او مشروب لايت او بطاطس لايت ده اوكي اخف فى نسبة الدهون واخف فى السعرات الحرارية لكن لازم نعرف ناخد قد ايه من الحاجات دي لإن لو زاد عن حدها يخالف قواعد الرجيم نهائياً, ولازم قبل ما نجيب المنتج نلاقي مكتوب عليه حقائق غذائية لازم نعرف انواع الدجل او الناس بيسوقو منتجات غلط, لازم اعرف كمية السعرات الحرارية الموجوده داخل المنتج لازم نعرف ده قد ايه ولقد ايه يعني لازم اعرف البسكوت ده اكله كله ولا اكل بسكوتين مثلا منه لإن لو المنتج مكتوب عليه 30 سعره حرارية طيب هل ده للواحده ولا للعبوه كلها مهو لو العبوه 6 قطع أصبح اني لما اكل العبوه كلها اصبح ان انا اخدت 30x6 يساوي 180 سعره حرارية مش 30 زى ما كنا متوقعين.

لازم نحدد كمية الحجات الى بناكلها ونتابع الوزن دايماً.

وصفه عشبيه لتسمين الوجه والكلام مش للي بيعملوا تخسيس وبس, فيه ناس معينيين تلاقي جسمها حلو اوي وتلاقي وشها مسحوب او ناشف والوصفه النهارده بسيطه جداً عبارة عن ( بيكنج باودر + نشا + عسل + زبادي ) نخلطهم ونضعهم على الوجه بالكامل عدا العينين وفتحات الأنف والفم.

البيكنج باودر يكون معلقه واحده وثلاث معالق زبادي ومعلقة نشا ومعلقه عسل ابيض, ومهم جداً نجيب العسل الأبيض من مكان موثوق لسببين, اولاً لو العسل الابيض ده عباره عن سكر وحطيته على الوجه هيبقعها او ياكلها فلو العسل ده معمول من السكر بيعمل مشكله كبيره جداً, ثانياً ان احنا محتاجين العسل بتركيبته عشان ينمي البشرة هيغذي البشرة وهيفتح لون البشرة

لتصغير الأنف بشكل طبيعي قم بخلط كمية مناسبة من الزنجبيل مع معجون الأسنان ومن ثم ضعه على الأنف لمده لا تقل عن ساعه( يفضل أن يكون الزنجبيل طازج ومبشور) فهو جيد جداً فى شفط الدهون, ثم إغسل أنفك ثم بعد ذلك ندهنه بزيت التفاح.

هذه الطريقة فعاله جداً ومن أكثر دلائلها كما قلت أن الزنجبيل بارع فى شفط الدهون وكما نعلم أن كبر حجم الأنف بسبب الدهون المتراكمه عليه وكما أريد أن أخبركم بشئ هام هو أن دهون الأنف لا علاقة لها بدهون مناطق أخري كالجسم فعلاقتها موحده بالوجه كما نري الكثير من الناس يكونون بوجه طبيعي جداً وجذاب وجسم نحيف أو العكس.

مشكلة رائحة الفم الكريهه إختلف تشخيصاتها الطبيه وتعددت أيضاً الأدويه لعلاجها ولكن ليس بعد الآن,هناك طريقة علاجية جديده قد تمحي تلك المعاناه وإلى الأبد.

رائحة الفم العطره تعطي شعوراً بالثقه والراحه فى الحياة الوظيفيه والإجتماعية والزوجية, فقد تكون رائحة الفم عائقاً للتعايش مع الأخرين يؤدي الى الإنفصال مثلما حدث مع الكثيرين.

عوامل كثيراً هي سبب لرائحة الفم وأبرزها نقص إفراز الفم واللعاب وإلتهاب اللثة وفجوات الأسنان والتسوس وعدم إستخدام الفرشاة والمعجون.

طبعاً هذه الطريقة سنستخدمها بعد ذهابك لدكتور لتشخيص حالتك إن كانت تتعلق بالأسباب التي ذكرتها وإن لم يكن فإليك الطريقة الوحيده والفعاله بنسبة مائة بالمائة

العلاج

شرب المياه بكميه كبيره يؤدي إلي إثارة اللعاب الذي يحد من نمو البكتيريا كما أن شرب الشاى الأخضر يمحي ويزيل الروائح الكريهه نهائياً. فقط لا غير

النهارده لازم نصحح المفاهيم الخاطئه الي بتخص العناية بالشعر وطبعاً فيه كلام كتير كنا بنسمعه وإحنا صغيرين يتعلق بالشعر والعنايه بيه وللإسف معلومات خاطئه, لسه بنسمع ناس بتقول كلام غلط فحبيت أتكلم عن بعض المعلومات الي تتعلق بالشعر الى كنا بنسمعها وتوارثتها الأجيال غلط.

 المعلومة الخاطئة رقم 1 :

أول حاجه بنسمعها كتير أوي لحد دلوقتي إن الواحده لما تقص أطراف شعرها بيطول وبيتقل وطبعاً الكلام ده غلط لإن فيه حاجه الناس مش قادره تستوعبها إن الشعر بينمو بمعدل معين كل شهر, مفيش شىء ممكن تعملية أو ممكن تحطي شىء عليه تخليه يطول بسرعه, ومعدل النمو ده شىء وراثي ليه علاقه بالجينات فيه ناس شعرها يطول أسرع من ناس تانيه وليه علاقه كمان بالتغذية بس زى ما قلت انه معدل معين ومفيش اي شىء سحري يخلي الشعر ينمو بسرعة وقصه مش هيغير من شىء.

او أطراف شعرك متقصفه إنك تقصي شوية منه ده هيزود التقصف أكتر وهيخلي الشعر يتكسر فبالتالي لما الشعر يطول بالمعدل الطبيعي بتاعه هتشوفي فرق فى الطول مع الوقت.

أما لو شعرك متقصف وسبتيه متقصف أطرافه هتتكسر ولما هيطول مش هتشوفي فرق فى الطول لانه يادوب بيطلع شعر جديد وبيتكسر تاني من الأطراف, وفى الحاله دي فقط بيكون قص أطراف الشعر كويس ولكن مش هيخلي الشعر يطول زياده عن اللزوم ومفيش آي دراسة علمية أثبتت الكلام ده, وأكيد فيه طرق كتير زي الزيوت الطبيعيه الى بتحفز الشعر لما ندلك فروة الراس بيها وننشط الدوره الدمويه بس برده ده مش معناه ان الشعر هيطول 10 سم زياده.

وبالنسبه لكثافة الشعر كل واحده فيه على فروة راسها عدد معين من بصيلات الشعر ومن كل بصيله بيطلع شعر وكل مازاد عدد البصيلات زادت كثافة الشعر وبالتالي الشعر بيبان كثيف والموضوع ده برده ليه علاقه بالجينات وده معناه إنك لو إتولدتي بشعر خفيف ده معناه إن عدد بصيلات شعرك قليله وإنك تقصيه ده مش هيغير من شىء ومفيش آي حاجه هتزود بصيلات الشعر إلا الزيوت الطبيعيه أيضاً.

وعشان كده قص أطراف الشعر خطأ, قصي أطراف شعرك فقط لو متقصفه أو لو انتي عايزه تقصيه أو يكون على نفس المستوي.

المعلومة الخاطئة رقم 2 :

حاجه تانيه دايماً نسمعها إن لازم نغير شامبو البلسم ومنتجات الشعر الآخري عشان الشعر بيتعود عليها وبعد فتره مش بتجيب آي نتيجة, وطبعاً الكلام ده خرافه كبيره ومش مبني على آي أسس علمية, أصلاً الشعر مش بيتعود على شىء لإنه ميت, ولكن فيه ناس تحب تغير منتجات الشعر بس عشان دايماً تدور على المنتجات الأفضل لمجرد الفضول إنهم يغيروا شىء فى سبيل إنهم يلاقوا حاجه تانيه أحسن, ولو لقيتي منتجات كويسه وبتجيب نتائج إنتي حباها مانتيش مجبره إنك تغيريها خالص بس لما إحتياجاتك تتغير زي مثلاً إنك تصبغي شعرك أكيد وقتها شعرك هيحتاج ترطيب أكتر وشامبوهات مخصصه للشعر المصبوغ, ولما الرطوبة برده تزيد فى الجو بتحتاجي تدوري على منتجات تخلي الشعر أملس وأحلي, بس قصة إن شعرك يتعود على حاجه زى المناعه ده شىء غير منطقي وللأسف بنسمعه كتير, أهم شىء تهتمي بفروة راسك دايماً تعمليلها أقنعه وتقشير وتنضيف عميق زيها زي بشرة الوجه لازم تقشير وتنضيف عميق عشان يشيل آي رواسب بيسيبها الشامبو أو البلسم أو منتجات تصفيف الشعر الأخري لإن رواسب المنتجات فيها سليكون ومواد كيمياوية تانية بيخلي الفروة غير صحيه وبالتالي الشعر مابيكونش صحي بعد فتره ويمكن ده الى بيخلي الناس بعد إستخدام شامبو معين وبلسم لفتره يحسوا إن هم مش بيحصلوا على نفس النتيجه لإنهم مش بينضفوا فروة الراس كويس منها الرواسب الى بتسيبها المنتجات دي ومش بيعملوا تقشير لفروة الراس.

طبعاً فيه معلومات خاطئة كتير بنسمعها تخص الشعر والبشرة فحبيت النهارده أتكلم عن النقتطين دول بس عشان ماتزهقوش

من هنا هنعرف إزاى نعتني بالبشرة وإزاى ننضفها وكل حاجه متعلقه بالبشرة هنقدر نتعرف عليها.

اولاً أهم المشكلات الي بيواجهها اي حد :

طبعاً هنبدأ بفترة المراهقين ومشاكل حب الشباب بتكون أزمه للبنات والشباب بعد كدا بنبتدي بشرتنا عايزينها صافيه أو فاتحه ونكمل لمرحلة الزواج والحمل وكلف الحمل وبعد الولاده والشعر وسقوط الشعر وبشرتنا عامله إزاى بعد شوية المرحلة العمرية بتتقدم شوية وممكن نلاقي بقع غامقة مكان الشمس وبتتنوع ولكن تقريباً دي كل المشاكل الي بيواجهها اى حد من السن الصغير للسن الكبير.

بدايتاً نعرف الأول إزاى ننضف بشرتنا وبالتأكيد طالما البشرة مش نضيفة بتتسبب بالمشاكل دي وتزايدها ولكن بتختلف مع نوع البشرة, البشرة الدهنية غير الجافة غير العادية غير المركبة.

البشرة الدهنية : بتكون سخيفة شوية فى تنضيفها لإن إفرازات الغدد الدرقية بتفرز كتير وبإستمرار وبتكون عايزة تنضيف كتير وعايزة إن المسام تبقى مفتوحه عشان مايسببش ده حبوب أو بلاك هيدز الى بتكون مشكلة بعد كدا.

البشرة الجافة : بتكون من أسهل البشرات فى التنضيف لإن هي بالفعل الغدد الدهنية بتكون كسلانة فيها شوية فبتكون محتاجه تغذية خارجية ومرطبات أكتر عشان نقدر تكون مظهرها كويس وماتكونش تعبانه.

 البشرة المركبة : بتكون نوعاً ما أصحابها مبسوطين مابيبقاش عندهم عيوب ده أو عيوب ده اوي فالموضوع بيكون أسهل بالنسبالهم.

والتنضيف بيبتدي من الاول بغسيل الوجه بالميه وبنستخدم غسول كويس وبالنسبة للصابون هو مخصص لبشرتنا مش لوشنا هو بيزيل كل حاجه بما فيها الأتربة وخلايا الجلد الميت وكل حاجه بالإضافة إنها بتزيل زيوت البشرة الطبيعية وهي دي المشكلة فبتخلي بشرتنا بعد كدا مفيش اي حماية عليها مفيش اي زيوت تغذية ليها فنلاقي إن بشرتنا بقت دبلانه وكذلك البشرة الدهنية بتكون محتاجه لزيوت الحماية بتاعتها, ممكن البشرة تبقي دهنية بمعني إن الغدد الدهنية بتبقي نشيطة وبتطلع دهون وحتي لو البشرة فيها حبوب هنلاقي إن البشرة جافه وشكلها مش مقبول وبعدها إستخدام المكياج نلاقي الوجه مشقق ونلاقي فيه قشر وده عدم إعتناء بالبشرة الخارجية وكدا لو البشرة دهنية هنكون بنعاني من المشكلتين.

طيب البديل للصابون : طبعاً يكون غسيل لنوع البشرة وبعد ما نحط غسول لأى بشرة لازم نحط كريم مرطب مناسب برده لنوع البشرة, وبالنسبة للعوامل الجوية كالأتربة والرياح فمفيش اي قلق لإن الكريم بيمتص خلال دقائق فمش بيكون فيه طبقه لزجه إحنا مش بنستخدم كريم لزج إحنا ممكن نستخدم لوشن بيكون خفيف شوية فى اللذوجه بتاعته, وبكدا هنحمي بشرتنا ونلاقيها فعلاً أصبحت نضره وده الفرق بين البشرة التعبانة والبشرة النضره حسب كمية الترطيب الي فيها, والترطيب ده ناحيه تانية بيساعد على حجات كتير أوي أولها بيقلل علامات الشيخوخه لإن البشره طول ما هي رطبه بتشتغل طبيعي مابيبقاش فيه اوفر لود عليها انها تفرز مرطبات أعلي للبشرة فابيبقي شغلها طبيعي مش أزيد من طاقتها.

فيه بعض السيدات والبنات بتكون بشرتهم عاديه أو دهنية أياً كان النوع وبيستخدموا منتجات البشرة الحساسه على إعتبار إنها هتكون مزيد من العناية للبشرة, لكن قبل ما نبدأ فيه إعتقاد عند كل البنات إن بشرتهم حساسه فمش كل الناس بشرتها حساسه فكلمة حساسه دي بتشمل معاني كتير : هل هي حساسه في نوع من الحساسية أو هي حساسة مجرد الوقوف فى الشمس ثواني نلاقي الوش كله إحمر بس ده بيبقي لطبقات بشره معينه الى هي الإولي وهم عدوين الشمس ومفيش آي خلايا صبغيه فى جلدهم والثانيه الى هم بيكون بشرتهم بيضاء جداً زياده عن اللزوم فبيكون فيه عدد قليل جداً من الخلايا الصبغيه تحمي بشرتهم والتالته الي بيستخدموا علاجات لبشرتهم كمثال بنت عندها حبوب وبتستخدم علاجات كتير فعملالها إلتهاب لبشرتها ودول أنواع البشرة الحساسه.

أما بالنسبة لو حد معندوش آي مشكلة من دول وإستخدم منتجات البشرة الحساسه فهي مش هتضر وبرده مش هتفيد فالأفضل أن نتعامل مع البشرة على حسب نوعها.

كل ده بالنسبة للعنايه اليوميه للبشره أما بالنسبة للعناية الأسبوعية ( مره كل إسبوع ) وهي الماسكات ودي لازم عشان نشيل طبقات الجلد الميت ويفضل يكون الماسك مناسب لتغذية البشرة ويرطبها ويحميها.

الكثير من الناس يريدون الإهتمام بتبييض أسنانهم دون مشاقة وتعب ولكن من المعروف لنا أن تنظيف الأسنان بالفرشاة والمعجون أمر هام ويؤمن حماية وحياة الأسنان لفترات عمرية طويلة ولكن أغلب الناس لا تقوم بتبييض الأسنان, لذلك يذهب الكثير من الناس إلى الأطباء لتبييض الأسنان وهي عملية تأخذ وقت وجهد وعلى فترات, لذلك هناك بعض المواد الطبيعية يمكن إستعمالها كتبييض للأسنان ومنها( إختر ما يناسبك ):

- وضع عصير الليمون وإضافة الملح عليه ثم المضمضه المتكرره يومياً كل يوم مره ولكن يلزم علينا تركه الخلطه نص دقيقه مع المضمضه المتكرره.

- من الممكن أيضاً الإستفاده بقشر الليمون أو البرتقال وفركها من الداخل على الأسنان.

- من الممكن خلط بيكربونات الصودا مع الماء ثم المضمضه وهي وصفه سحريه للقضاء على إصفرار الأسنان.

- ايضاً يمكن وضع عسل طبيعي على الفرشاه مع خلط معجون الأسنان بها لما يحتويه العسل من الكثير من الفوائد.

-  العلاج بالميرميه والملح : وضع الأوراق والملح فى كوب فارغ ثم نقوم بطحنهم حتي تصبح عجين ثم وضعهم فى فرن دافئ حتي تصبح صلبه بعد ذلك نقوم بغرمها جيداً الي أن تصبح كالبودره ونستعملها أسبوعياً, هذه الطريقه فعاله جداً لعلاج الأسنان الملتهبه وتبييض الأسنان.

- نقوم بطحن ورق النعناع ونضع عليه القليل من الزيت ثم نقوم بغرك الأسنان بهذه الماده يومياً مما يعطي مفعولاً جيداً فى تبييض الأسنان فى فترة زمنية قليله.

تسبب نحافة الجسم كتير من الأمراض منها سوء التغذية والانيميا الحاده وسقوط الشعر وجفاف الجلد ومشاكل النفسية والأكثر من ذلك هو عدم الثقة فى النفس.

زى ما بنشوف الى وزنهم كبير بيكون خايف يكون شكله مش مظبوط كذلك النحيف يمشى حاسس أنه ماشي مش مالي هدومة وماشي حاسس أنه جلد على عضم وكل دي عوامل بتسبب مشاكل كتيرة جداً.

أولاً النحافة هي نقص فى وزن الجسم عن المعدل الطبيعي ونقدر نحسبها بإننا نوزن نفسنا بالكيلو جرام / مربع الطول بالمتر

كمثال /

لو طولك 160 يبقي المفروض يكون وزنك من 50 الي 70 وده المعدل الطبيعي, وطبعاً لو كان وزنك فى المعدل ده وحاسس برده إنك نحيف زى كتير من البنات قبل الزواج بتحس إن وزنها قليل جداً وبيتوجهو كلهم للعيادات والدكاترة المتخصصين ولكن نتيجة المتخصصين إن كده تمام ومفيش أي مشكلة لكن دي بتختلف من خلال الجنس إن كان رجل أو بنت فبيكون فى الحالات دي الوزن بيحتاج أعلى من فرق المعادلة بزياده عن المعدل الطبيعي من 5 الي 15 كيلو زياده.

ولو أقل من المعدل الطبيعي بنعرف على طول إن إحنا مصابين بالنحافة, وطبعاً النحافة بيبقي ليها درجات وليها أنواع, فيه نحافية أوليه ونحافة ثانوية.

النحافة الأولية : عمتاً تكاد تكون وراثية إننا نكون مولودين من أب وأم نحيفين وبكدا المولود يتولد عنده مشاكل فى نقص الوزن وممكن يكون المولود ابن 7 شهور.

النحافة الثانوية : تكون بسبب العديد من الأمراض, ممكن مثلاً أمراض زى سوء التغذية أو فقر الدم أو لاقدر الله الأورام والسرطان أو مشاكل فى الكبد أو مشاكل فى الكلي أو فقدان الشهية أو خلل هرموني أو مشاكل فى الدم, وكل دى عوامل ممكن تتسبب فى نقصان الوزن وسوء التغذية, أيضاً الأسباب الهرمونية زى ماكنا بنقول إن السمنه ليها أسباب هرمونية, ممكن نتكلم عن إفراز الغده الدرقية بنجد دايماً إن الغده كل ما كان نشاطها متزايد كل ما معدل الحرق بيبقي زايد أكتر وبالتالي الوزن بيقل تماماً وده بيؤدى للإصابة بالنحافة, ومشكله زى مشكلة الغدد دي بتكون محتاجه حاجه زى (team work) فريق طبي متكامل ولازم يشوف المريض ده متخصص فى الغدد عشان يقدر يديلة علاج للغدد وبعد كدا بيتحول لينا عشان نبدأ ناخد خطوات رحلتنا.

مبارك لنا ولكم إفتتاح المدونه الجديده معاً سنقدم الجديد وحصرياً فى علاج التجميل ومنتجاتها

أهدافنا :
تحقيق مصداقية التعامل بشكل إيجابي فى مجال التسويق والتدوين عبر الإنترنت فلا داعي أبداً للقلق من منشورات أو خدمات أو منتجات خاصة.

المنشورات :
المنشورات المعروضة والمنتجات خاصة بالمدونة وشركة فيوتشر فلا داعي للجوء لنسخ التدوينات وبثها فى مواقع أخري إلا بكتابة المصدر وهو يكون بشكل تلقائي عند نسخك لأي منشور ( راجع إتفاقية الإستخدام ).

المنتجات :
عند رغبتك بطلب منتج معين يمكنك طلبه عن طريق صفحة طلب منتج إن كنت تريد الموضوع كأمر خاص أو ترك تعليق به اللإسم بالكامل وهاتفك المحمول وعنوانك بالكامل.
لك الحق فى رفض المنتج بعد طلبة فى حالة وصول المندوب لك ودفع مصاريف الشحن المتفق عليها, وأيضاً لك الحق فى إرجاع المنتج بدون دفع أي رسوم شحن فى حال إن وجدت المنتج لم يعطي آية تأثير وهذا الأمر مستبعد.

تواصل معنا :
يمكنك التواصل معنا عبر البريد الإلكتروني haymanfoda@gmail.com
أو على الهاتف المحمول 01271249286